অকক্নবা ইন্তেলিজেন্স অমগী মখাদা থবক পায়খত্তুনা দিরেক্তোরেৎ জেনরেল ওব গুদস এন্দ সর্বিস তেক্স ইন্তেলিজেন্স, হেদক্বারতর্স (দি.জি.জি.আই., হেদক্বারতর্স)না রেজিস্তর তৌদনা দিল্লীদা চলাইরম্বা পান মসালা/গুৎখা শাবা ফেক্তরী অমা খঙবা ঙমখ্রে।

তোঙান-তোঙানবা মফমশিংদা ২৫.০৬.২০২০দা, রেজিস্তর তৌদবা ফেক্তরী য়াওনা, গোদাউন অমসুং মরু ওইবা বেনিফিসিয়রী অদুগী ময়ুমদা থিবা হুম্বগী থবক চত্থখি। থিবা হুম্বগী থবক চত্থবদুদা, শাশিন্নবা চে-চাংশিং অমসুং তেক্স অমসুং দ্যুতীশিং য়াওদনা পান মসালা/গুৎখা থাদোকপদা চংবা ইলেক্ত্রোনিক দিবাইসশিং ফংখি। কেস অসিগী মতাংদা পাঙথোকখিবা প্রিলিমিনরী ইনভেস্তিগেসন্দা হৌজিক ফাওবদা লুপা কোতি ৪০ হেনবগী তেক্স ওইগদবগী চাংনি হায়বা খঙবা ঙমখি। গুৎখা শাবা, থম্বা, য়োনবা অমসুং থাদোকপসি দিল্লী সরকারনা অথিংবা থমখ্রবনি। ফাগৎলবা চে-চাংশিংদগী খঙবা ঙম্লে মদুদি, রেজিস্তর তৌদবা ফেক্তরী অসিনা লোকদাউন লৈরিঙৈ মনুংদসু থবক পায়খৎপা থেংনখি।

রেজিস্তর তৌদবা পান মসালা/গুৎখা ফেক্তরীগী মরুওইবা বেনিফিসরী অদু ২৭.০৬.২০২০দা সি.জি.এস.তি. এক্ত, ২০১৭গী প্রোবিজনগী মখাদা ফারে। মহাক জুদিসিএল কস্তদীদা নুমিৎ ১৪নি থমখি।

কেস অসিগী মতাংদা মখা তাবা ইনভেস্তিগেসন চত্থরি।

*****