হ্যুমেন রিসোর্স চাউখৎ-থৌরাংগী মন্ত্রালয়
কেন্দ্রগী ঐচ.আর.দি. মন্ত্রীনা মালেমগী ওইনা খ্বাইদগী-অহানবা প্রোগ্রামিং অমসুং দেতা সাইন্সতা ওনলাইন বি.এস.সি. দিগ্রী ভর্চুএল ওইনা হৌদোকখ্রে
অপনবা কয়া লৌথোক্তুনা ক্বালিতি এদুকেসন পুরকনবা খ্বাইদগী অহানবা ওনলাইন দিগ্রী আই.আই.তি. অমনা পীরগনি; দিসিপ্লিন অমা হেক্তদগী লাকপা এপ্লিকেন্ত ওইবা য়াই
Posted On:
30 JUN 2020 5:08PM by PIB Imphal
কেন্দ্রগী ঐচ.আর.দি. মন্ত্রী শ্রী রামেশ পোখ্রিয়াল ‘নিশাঙ্ক’না মালেমগী ওইনা খ্বাইদগী-অহানবা প্রোগ্রামিং অমসুং দেতা সাইন্সতা ওনলাইন বি.এসসি. দিগ্রী অমা ঐচ.আর.দি.গী স্তেৎকী মন্ত্রী শ্রী সঞ্জে ধোত্রেগা লোয়ননা ভর্চুএল ওইনা হৌদোকখ্রে। এন.আই.আর.এফ.কী ২০২০গী ভারতকী রেঙ্কিংদা রেঙ্ক নম্বর ১ ওইরিবা ইন্দিয়ন ইন্সতিত্যুৎ ওফ তেক্নোলোজি মদ্রাস (আই.আই.তি. মদ্রাস)না প্রোগ্রাম অসি শেমখি অমসুং ওফর তৌখি। প্রোগ্রাম অসি ক্লাস XII মাই পাক্লবা লোয়ননা ক্লাস Xদা ইংলিস অমসুং অঙ্ক লৌরকপা অমসুং ওন-কমপস অমা হেক্তদা য়ু.জি. কোর্স তম্লিবা মীওই অমা হেক্তনা তম্বা য়াগনি। হৌদোকপগী থৌরম অদুদা আই.আই.তি., মদ্রাসকী চ্যেরমেন, বোর্দ ওফ গভর্নরসকী দিরেক্তর অমসুং আই.আই.তি., মদ্রাসকী ফেক্লতি ওইরিবা দোক্তর পৱন কুমার গোয়েঙ্কা, এ.আই.সি.তি.ই.গী চ্যেরমেন প্রোফেসর অনিল সহাস্রাবুধে, এম.ঐচ.আর.দি.গী এদিস্নেল সেক্রেতরী শ্রী রেকেশ রঞ্জনান্দ অমসুং মন্ত্রালয় অসিগী মকোক থোংবা ওফিসিএলশিংনা শরুক য়াখি।
দেতা সাইন্স হায়বা অসি ২০২৬ ফাওবদা থবক মিলিয়ন ১১.৫ পীগনি পান্নরিবা খ্বাইদগী থুনা চাওখৎপা সেক্তর অমনি। ওনলাইন এদুকেসন অসি অৱাংবা থক্কী ক্বালিতি এদুকেসন পীনবা মশিং য়াম্লবা মীয়াম্না পাম্নরক্লিবা চৎনবি অমা ওইরক্লি। আই.আই.তি. মদ্রাসকী ফেক্লতিনা ওনলাইন এদুকেসন প্রোসেসশিং শীজিন্নদুনা সেক্তর অসি মথৌ তাই হায়বা খঙহনখি অমসুং আই.আই.তি.না তৌবা ঙম্বা হেনগৎহন্নবা, পুম্নমক য়াওরবা অমসুং অহোংবা মমলদা তম্বা ঙম্বা এদুকেসন মোদেল অমা উৎখি।
শ্রী পোখ্রিয়ালনা মহাক্কী ৱারোল থম্লদুনা মালেমগী খ্বাইদগী অহানবা দেতস সাইন্স অমসুং প্রোগ্রামিংগী ওনলাইন বি.এসি. দিগ্রী হৌদোকখিবা অসিদা আই.আই.তি.মদ্রাসকী তীমবু থগৎপা ফোঙদোকখি। মন্ত্রালয়না হায় মদুদি হন্দক্কী ২০২০দা ক্লাস XII লোইগদৌরিবা মহৈরোয়গী বেচ অসিনা এপ্লাই তৌবা য়াগনি। গ্রেজ্যুএৎশিং অমসুং থবক তৌরবশিংনসু প্রোগ্রাম অসি তম্বা য়াগবি। তোপ-তোপ্পা ওফর পীরিবা অসিনা চহিগী, দিসিপ্লিনগী নত্রগা লৈফমগী খেৎনবা পুম্নমক লৈহল্লোই অমসুং স্কিল্দ ওইরবা প্রোফেস্নেলশিংনা য়াম্না পাম্নরিবা দেতা সাইন্সকী মালেমগী থাক্কী করিকুলম অমা ফংহনগনি হায়না শ্রী পোখ্রিয়ালনা মখা তাখি।
মন্ত্রীনা হায়খি আই.আই.তি. মদ্রাসকী অনৌবা ৱাখল্লোন কয়া পুথোকপা অমসুং মাই পাকপগী পুৱারী অমা চাওনা লৈ অমসুং মসিনা এন.আই.আর.এফ.কী রেঙ্কিংদা রেঙ্ক ১ তারকপা অসিনা তীমগী হৈ শীংবা, মিসন অমসুং শান্না উবা ঙম্বা অদু উৎলি। থীজিন্নবগী মতুং ইন্না চহি খুদিংগী ভারতকী মহৈরোয় লাখ ৭ তদী ৭.৫না মপাল লমদা অফবা এদুকেসন ফংনবা চৎলি অমসুং ঐখোয়গী তেলেন্ত লোয়ননা শেল লৈবাক অসিগী মপালদা চৎলি। আই.আই.তি.মদ্রাসগুম্বা মহৈ লোয়শঙশিং অসিনা ভারততা অসিদা তোপ-তোপ্পা কোর্সশিং অমসুং অফবা ক্বালিতি এদুকেসন পুরক্তুনা মরোমদোম লেপ্পা ঙমজনবগী লম্বেলদা লৈবাক অসি মাংলোমদা চংশিনবদা মতেং পাংনবা ৱাখল্লোন অমসুং থৌনা লিজেল লৈ। লৈবাক অসিনা কোবিদ-১৯ লায়চৎ মায়োক্নবগী মীপুম খুদিংমক য়ুমদা লৈহল্লিবা অৱাবা তারিবা তানফম অসিদা লৈবাক অসিগীদমক আই.আই.তি. অসিনা পুন্না হোৎন্দুনা অনৌবা ৱাখল্লোন পুথোকই।
শ্রী পোখ্রিয়ালনা হায় ভারতকী মফম অমা হেক্তদা তোঙান তোঙানবা ওন-কেমপস প্রোগরামদা হৌজিক এনরোল তৌরবা মহৈরোয়শিংনা কেরিয়র নত্রগা কোর্স শিন্দোক্তনা দিগ্রী প্রোগ্রাম অসি তম্বা য়াগনি। করিগুম্বা এমপ্লোইয়রশিংনা মখোয়গী এমপ্লোইয়ীশিং স্কিল হেনগৎহনবা পাম্লবদি থবক্তা শুবগী মতমদা অকাইবা অমত্তা পীদনা মসি তাম্বা য়াগনি। প্রোগ্রাম অসিনা কান্নগদবা লম অমদা মহৈরোয়শিং থবক ফংবা হেনগৎহল্লগনি, থবক তৌদুনা লৈরিবা প্রোসেস্নেলশিংদা মখোয়গী কেরিয়র শিন্দোক্নবগী খুদোংচাবা পীরগনি অমসুং তম্লিবা মীওইশিং অদুদসু আই.আই.তি. মদ্রাসঘুম্বা রিকোকনাই তৌরবা মহৈ লোয়শঙ অমদগী দিগ্রী ফংনবা খুদোংচাবা পীরি হায়না মহাক্না মখা তাখি।
প্রোগ্রাম অসি হৌদোকপী আই.আই.ত.মদ্রাসপু থগৎপা ফোঙদোক্লদুনা শ্রী ধোত্রেনা হায়, ঙসিগী মালেম অসিদা এদুকেসন হায়বা অসি লেপ্পা লৈতবা প্রোসেস অমনি। মহৈরোয়শিং অমসুং লম অসিদা লৈরিবা মীওইশিংনা লৈরিবা মতম অমসুং মফম অদুগী মনুংদা লমজেল তান্নবা অমসুং থবক তৌনবা মখোয়গী ৱাখল লৌশিং লেপ্তনা হেনগৎহল্লি। হায়রিবা অসি হৌজিক ওইরিবা কোবিদকী ফীভম অসিনা হেন্না খুদোংচাদবা মায়োক্নহল্লে। মহাক্না মখা তাখি মদুদি দেতা সাইন্স হায়বা অসি ইন্দস্ত্রীগী ওইনা খ্বাইদগী শীংথানিংঙাই ওইনা হেনগৎলক্লিবা লম অমনি অমসুং মরু ওইরিবা লম অসিদা ওনলাই দিগ্রীগী খুদোংচাবা পীবা অসিনা আি.আই.তি. মদ্রাসনা মহৈরোয় মশিং কয়া হ মতেং পাংবা ঙম্লগনি। কোর্স অসিনা তাম্নিংবা মীওই ক্য়া তাম্বা ফংহন্দুনা মশিং কয়াগী এন্ত্রি অমসুং একজিৎ পোইন্তশিং পীদুনা লৈবাক অসিগীদমক চাওনা মতেং অমা পাংলগনি।
প্রোগ্রাম অসি খ্বাইদগী নৌবা ওনলাইন পোর্তল অমদা ফংহনগনি অমসুং ভারতকী দিজিতেলগী লিতেরেসি নেম্বা অরাপ্পা মফমশিংদগী তাম্নিংবা মীওইশিংগী পুক্নিংসু চিংশিনগনি অমসুং মখোয়গী তুংগী পুন্সিদা মাংজিল থানা চৎপদা মতেং ওইগনি। ওনলাইনগী লৈরিক তম্নবা প্লেৎফোর্ম অসি ক্লাসরূমগী ওইবা মওং অদুগা মান্ননবা, প্রোগ্রাম অসিদা ফেকল্তিশিংদগী ভিদিও য়াওগনি, চয়োলগী ওইবা এশাইনমেন্তশিং অমসুং অতোপ্পা কোর্সগুম্না ইশা লাক্লগা থাবা চাংয়েংশিং পাঙথোক্কনি। প্রোগ্রাম অসিনা মহৈরোয়শিংগী দেতা মেনেজ তৌবা হৈনবা স্কিলশিং, পেত্তর্নশিং উবা ঙমহন্দুনা মেনেজ তৌবা হৈহনবা, মোদেল খঙদোকপা অমসুং মোদেলশিং শাবাশিং অসি পীদুনা মপুং ফানা বিজিনেসকী ওইবা ৱারেপশিং লৌবদা মতেং ওইগনি।
মসিগী অখন্নবা ওনলাইন ওফরিং অসি তোঙান তোঙানবা তাঙ্কক অহুমদা –ফাউন্দেস্নেল প্রোগ্রাম, দিপ্লোমা প্রোগ্রাম অমসুং দিগ্রী প্রোগ্রামদা ওফর পীগনি। তাঙ্কক অমমম খুদিংগী মহৈরোইয়শিংনা প্রোগ্রাম অসিদগী লেপ্নবা খুদোংচাবা ফংগনি অমসুং আই.আই.তি. মদ্রাসতগী মথং শিৎনা সর্তিফিকেৎ অমা, দিপ্লোমা নত্রগা দিগ্রী অমা ফংগনি। ইলিজিবিলিতিদা য়ুম্ফম ওইরগা, তমনিংবা কেন্দিদেৎশিংনা ফোর্ম অমা মেল্লগা ক্বালিফায়র একজামগী নোমিনেল ফী লুপা ৩০০০ থিগনি। তম্লিবা মীওইশিং অদুনা চয়োল ৪গী সবজেক্ত ৪ (অঙ্ক, ইংলিস, স্তেতিসতিক্স অমসুং কম্প্যুতেসনেল থিঙ্কিং)গী কোর্স কন্তেন্ত অমা ফংগনি। হায়রিবা মহৈরোয়শিংনা কোর্স অসি ওনলাইনগী লেকচর, ওনলাইনদা এসাইনমেন্তশিং পীশিনবগী খুত্থাংদা তৌগনি অমসুং চায়োল মরিগী মতুংদা মশা লাক্তুনা ক্বলিফায়র একজাম অমা থাগনি। ইন-কেমপস সীৎ মশিংগী অককনবা ওইবনা মরম ওইরগা আই.আই.তি.শিংগী ওইনা লৈরিবা এদমিসন তৌবগী প্রোসেস অদুদগী পুংতোপ তোপ্পা ওইনা, মসিগী প্রোগ্রাম অসিদদি ক্বালিফায়র একজাম (অপুনবদা ৫০% ফংলবা) মাই পাক্লবা মহৈরোয় পুম্নমক্না ফাউন্দেসন প্রোগ্রাম অসিদা রেজিস্তর তৌবা য়াগনি।
প্রোগ্রাম অসিগী মরমদা অকুপ্পা মরোলগীদমক www.onlinedegree.iitm.ac.inদা চংবীয়ু।
*****
(Release ID: 1635628)
Visitor Counter : 197