কেন্দ্রগী ফিসরিজ, এনিমেল হজবেন্দরী অমসুং দেরিয়ীং মন্ত্রী শ্রী গিরিরাজ সিংহনা ভারত সরকারগী ফিররিজ, এনিমেল হজবেন্দরী অমসুং দেরিয়ীং মন্ত্রালয়না পুথোকপা ফিসরিজ অমসুং এক্বাকলচর ন্যুজলেত্তর "মতস্যা সম্পদ"কী অহানবা খুৎনম অমসুং প্রধান মন্ত্রী মতস্যাসম্পদ য়োজনা (পি.এম.এম.এস.ৱাই.)গী ওপরেসনেল গাইদলাইনশিং ফোংখ্রে। ফিসরিজ, এনিমেল হজবেন্দরী অমসুং দেরিয়ীংগী রাজ্যগী মন্ত্রী শ্রী প্রতাপ চন্দ্র সরাঙ্গী, ভারত সরকারগী ফিসরিজ বিভাগকী দা. রজীব রঞ্জন, ফিসরিজ বিভাগকী মকোক থোংবা ওসিসরশিংসু শরুক য়াখি।

"মাতস্য সম্পদ" হায়বা ন্যুজলেত্তর অসি ফিসরিজ বিভাগনা তোঙান-তোঙানবা কম্ম্যুনিকেসন শীজিন্নদুনা স্তেকহোল্দরশিং মরুওইনা ঙামী অমসুং ঙা য়োকপশিংদা য়ৌহন্নবা অমসুং ফিসরিজ অমসুং এক্বা সেক্তরদা লৈরিবা খ্বাইদগী নৌবা চাউখৎপগী পাউশিংগী মরমদা তাকপী তম্বীনবা হোৎনবনি। হায়রিবসি ২০২০-২১দগী পুথোকপা হৌদুনা চহী অমগী মনুংদা মরিরক ফোংগদৌরি।

থৌরম অদুদা ৱা ঙাংলদুনা, ফিসরিজ, এনিমেল হজবেন্দরী অমসুং দেরিয়ীংগী ইকাই খুম্নবদা মতীক চারবা মন্ত্রী শ্রী গিরিরাজ সিংহনা হায়খি, ন্যুজলেত্তর অসি ফোংলিবা মতম অসি য়াম্না চাই অমসুং সরকার অমসুং প্রাইবেৎ সেক্তরনা পায়খৎলিবা থবকশিং য়াওনা ফিসরিজতা সরকারগী থৌরাংশিং খঙহনবা মথৌ তারে। ন্যুজ লেত্তর অসিনা লৈবাক অসিগী তোঙান-তোঙানবা মফমশিংদা লৈরিবা ফিসরশিং, ফিস ফার্মরশিং, নহা অমসুং ওন্ত্রপ্রিনরশিংদা ঈ পাউ শন্দোক্নবা, মখোয়বু মতেং পাংনবা অমসুং লল্লোন ইতিক তৌবদা লাইহন্নবা খুৎলাই অমা ওইরগনি। ন্যুজলেত্তর অসিনা ঈ পাউ ফাওননবগী খ্বাইদগী ফরবা ফম্বাক অমা ওইরগনি হায়না থাজবা থমখি।

প্রধান মন্ত্রী মাতস্য সম্পদ য়োজনাগী ওপরেসনেল গাইদলাইনশিং ফোংলদুনা, শ্রী গিরিরাজনা পি.এম.এম.এস.ৱাই. হৌদোকপসি ফিসরিজ অমসুং এক্বাদলচর চাউখৎনবগী খোংচত্তা খ্বাইদগী মরু ঐবা মিৎকুপ অমা ওইরে। প্রধান মন্ত্রী মতস্যা সম্পদ য়োজনাগী ওপরেসনেল গাইদলাইনশিং ফোংলদুনা, শ্রী গিরিরাজনা পি.এম.এম.এস.ৱাই. অসিনা ফিসরিজ ভেল্যু চেন্দা কান্নবা কয়া পীরদুনা ফিসরিজ অমসুং এক্বাকলচরদা অহোংবা অমা পুরক্লগনি অমসুং মসিনা মথংগী তাংকক অমদা পুরগনি হায়বগী থাজবা ফোংদোকখি। ফিসরিজ বিভাগনা পি.এম.এম.এস.ৱাই.গী ওপরেসনেল গাইদলাইন অসিবু অতেনবা মতমদা পুথোক্লকপা অসিদা থাগৎপা ফোংদোক্লদুনা অপরেসনেল গাইদলাইন অসিনা রাজ্য অমসুং য়ু.তি.শিংদা স্কিম অসিবু খোংলৈ য়াঙনা থবক ওইনা পায়খৎপদা মতেং পাংলগনি হায়না মহাক্কী ওইবা থাজবা থমখি। ভারত সরকারনা মে, ২০২০দা লুপা কোতি ২০০৫০ থাদদুনা ফিসরিজ সেক্তর অসিবু চাউখৎনবগীদমক ফ্লেগশিপ স্কিম হায়বদি প্রধান মন্ত্রী মাতস্য সপমদ য়োজনা (পি.এম.এম.এস.ৱাই.) হৌদোকখি। পি.এম.এম.এস.ৱাই. অসিনা তোঙান-তোঙানবা থবক থৌরম চাম্মরোম থদরদুনা ফিসরিজকী লমদা শেল থাদবা খ্বাইদগী চাউবা ওইরি। পি.এম.এম.এস.ৱাই.গী মখাদা ঙা তন লাখ ৭০ পুথোকপা, ফিসরিজকী লমদা মপান্দা কোতি লাখ অমা থাদোকপা, মথংগী চহী মঙা অসিদা ইমপ্লোইমেন্ত লাখ ৫৫ পীবনচিংবগী অচৌবা মঙলান অমা মঙলান মঙফাওনবা হায়বসি সরকার অমসুং স্তেকহোল্দরশিংগী ওইবা অপুনবা অমসুং পুক্নিং চঙনা হোৎনবা অমা চঙলি। ন্যুলেত্তর "মাতস্য সম্পদ" অসিনা য়াম্না কান্নরবা খুৎলাই অমা ওইনা অমসুং প্লেৎফোর্ম অমা ওইনা পি.এম.এম.এস.ৱাই.গী থৌরাংশিংবু মীয়ামগী অপাম্বশিংবুসু খঙদোক্তুনা অচৌবা মঙলান অসি মঙফাওননবা হোৎনবদা মতেং পাংলগনি। মসিনা ফিসরশিং, ফিস ফার্মরশিং অমসুং ওন্ত্রপ্রিনরশিংনা খ্বাইদগী নৌবা চাউখৎলোনগী ৱারী অমসুং মায় পাকপগী ৱারীশিং য়াওনা ফিসরিজ অমসুং এক্বাকলচরগী লমদা পায়খৎলিবা মপুং ফারবা থবকশিংবুসু উত্থোকপা ঙম্লগনি।

*****