ভারত সরকার, তমিল নাদু সরকার অমসুং ৱার্লদ বেঙ্ককী মরক্তা ঙরাং তমিল নাদু রাজ্যদা লৈবা শেলথুমগী ফিবম ফত্ত্রবা ইমুংশিংদা মতীক চাবা য়ুম শাবীনবগীদমক লিগেলগী ওইবা য়ানচে অমা খুৎয়েক পীনখ্রে।

হায়রিবা লিগেলগী ওইবা য়ানচেশিং অদু রাজ্য অসিগী য়ুম্লৈ-কৈরৈগী পোলিসী, ইন্সতিত্যুসন অমসুং রিগুলেসন্দা মপাঙ্গল কনখৎহনগদবা প্রোজেক্ত অনীগীদমক খুৎয়েক পীনখিবনি- $২০০ মিল্লিয়নগী ফার্স্ত তমিল নাদু হাউইং সেক্তর স্ত্রেন্থনিং প্রোগ্রাম অমসুং $৫০ মিল্লিয়ন তমিল নাদু হাউজিং এন্দ হেবিতেৎ দিবেলপমেন্ত প্রোজেক্ত।

$২০০ মিল্লিয়ন ফার্স্ত তমিল নাদু হাউজিং সেক্তর স্ত্রেন্থনিং

প্রোগ্রাম অসিনা রাজ্য অসিগী থৌদাং অসি হান্ননা মরু ওইবা পীবীরিবা অমা ওইরম্বদগী হৌজিক থবক ইনেব্লর অমা ওইদুনা রাজ্য অসিদা মতীক চাবা য়ুম ফংহনবগী চাং হেনগৎহনবনি। মসিনা রিগুলেসনশিংদা অথিংবা লৈইরম্বা অমসুং প্রাইবেৎ সেক্তরশিংবু শেলথুমগী ফিবম চাদবা ইমুংশিংগী ময়ুম মকৈ শাবদা শরুক য়াহন্নবা ইন্সেন্তিব পীগনি।

লোনগী য়ানচেশিং অদু ভারত সরকারগী মহুৎ শিন্দুনা ফাইনান্স মন্ত্রালয়গী ইকোনোমিক এফিয়রগী বিভাগকী এদিসনেল সেক্রেতরী শ্রী সমীর কুমার খার অমসুং ৱার্লদ বেঙ্ককী মহুৎ শিন্দুনা কাউন্তী দিরেক্তর (ইন্দিয়া) ওইরিবা জুনাইদ কমল অহমদকা খুৎয়েক পীনখি। অমরোমদনা, প্রোজেক্তকী য়ানচে অদুবুনা তমিল নাদু সরকারগী মাইকৈদগী, প্রিন্সিপাল সেসিদেন্ত কমিসনর শ্রী হিতেশ কুমার এস. মাক্বানা অমসুং ৱার্লদ বেঙ্ককী মহুৎ শিন্দুনা শ্রী জুনাইদ কমল অহমদকা খুৎয়েক পীনখি।

শ্রী খারেনা হায়খি মদুদি, মতীক চাবা য়ুম শাবীবা হায়বসি তমিল নাদু রাজ্য অসিগী খ্বাইদগী ইহান হান্না তৌগদবা থবকনি, মসি রাজ্য অসিগী ভিজন দোক্যুমেন্ততসু য়াওরি। মহাক্না মখা তানা হায়খি প্রধান মন্ত্রী অৱাজ য়োজনা (অর্বান) অমসুং ৱার্লদ বেঙ্কতগী প্রোজেক্ত অনী থাদরকপসিনা রাজ্য অসিদা লৈরিবা শহরগী লাইরবশিংনা অফবা য়ুম ফংজরগনি অমসুং মসিগী প্রোসেস অসি পায়খৎপসিনা মখোয়গী পুন্সি মহিংসু ফগৎলগনি।

তমিল নাদুগী মী মশীংগী তংখাইগী ময়াদি শহরদা লৈ, অমসুং ২০৩০ ফাওবদদি হায়রিবসি ৬০%দা হেনগৎলবা য়াই। চাউরাক্না মীওই মিল্লিয়ন ৬ অমুক্তি স্লমশিংদা লৈরি (রাজ্য অসিগী শহরদা লৈবা মী মশীংগী ১৬.৬% মখোয়না ওইরি)।

শ্রী অহমদনা হায়খি মদুদি, হৌজিক চত্থরিবা কোবিদ-১৯ লাইচৎ অসিনা শহরদা লৈরিবা লাইরবশিংদা অৱাবা হেনগৎপা, হ্যুমেন কেপিতেল মাঙলকপা, এসেৎ অমসুং পুন্সি মহিংদা তম্বা ঙদবগী ফিবম অমা পীরি। মসিগী ইম্পেক্ত অসি লাইরবশিং, মরুওইনা তঙাইফদবা পোৎলম ফংবা ঙমদবমখৈ মী কা হেন্না চিনবা স্লমশিংদা লৈরিবশিংদদি কা হেন্না ফিবম শোকচিনহনগদৌরি। প্রোজেক্তশিং অসিনা রাজ্য অসিগী মঙলান অমা ওইরিবা লাইরবশিং অমসুং খুদোংচাবা ফংজদ্রবশিংগী ময়ুম মকৈ শাবীদুনা অফবা পুন্সি মহিং অমদা পুরক্নবা হোৎনরিবসি থুংহনবা ঙমজরগনি।

হৌজিক হৌজিক্কী ওইনা, বোর্দ অসিনা $মিল্লিয়ন ৫০গী তমিল নাদু হাউজিং এন্দ হেবিতেৎ দিবেলপমেন্ত প্রোজেক্তকীদমক হাউজিং ফাইনান্সতা ইনোবেসন পীবা হেনগৎনবা অমসুং হাউজিং সেক্তর ইন্সতিত্যুসন্দা মপাঙ্গল কনখৎনবা অয়াবা পীখ্রে। মসিনা হাউজিং ফাইনান্স ইন ইন্দিয়াদা $মিল্লিয়ন ৩৫গী ইক্বিতী কন্ত্রিব্যুসন পীদুনা নৌনা শেম্লিবা তমিল নাদু সেলতর ফন্দ (তি.এন.এস.এফ.) অসিদা শেল থাদগনি।

মসিগী অহৌবগী ওইনা এই.এন.এস.এফ. তা মতেং পাংবা অসিনা কম্মরসিএল অমসুং হাই ইঙ্কম দিবেলপমেন্তশিংদগী অহেনবা লাকপশিংবু ক্রোস-কম্পেন্সেৎ তৌদুনা মতীক চাবা য়ুম শাখিবগী নেম্না হঞ্জিল্লকপশিংবু কম্পেন্সেৎ তৌরগনি। মসিনা য়ুমশিং অদু অঙম্বা ইনবেস্তরশিংগী ওইনা কম্মর্সিএল ওইহনবা ঙম্লগনি। মসিগী প্রোজেক্ত অসিনা রাজ্য অসিগী মরুওইরবা মমল হোংবা য়ুম শাবীরিবা তমিল নাদু স্লম ক্লিয়রেন্স বোর্দ, চেন্নই মেত্রোপোলিতান এরিয়াগী লম শীজিন্নবগী প্লান্নিংগী ওথোরিতী ওইরিবা চেন্নই মেত্রোপোলিতান দিবেলপমেন্ত ওথোরিতী; তি.এন.এস.এফ.কী এসেৎ মেনেজমেন্ত কম্পেনী ওইরিবা তমিল নাদু ইনফ্রাস্ত্রকচর ফন্দ মেনেজমেন্ত কোরপোরসন লিমিতেদ য়াওনা অতোপ্পা মরু ওইবা হাউজিং ইন্সতিত্যুসনশিংগী তৌবা ঙম্বগী চাংদসু হেনগৎহল্লগনি।

সেনিয়র অর্বান ইকোনোমিস্ত, ৱার্লদ বেঙ্ক, অমসুং হাউজিং সেক্তর স্ত্রেন্থনিং প্রোগ্রামগী তাস্ক তীম লিদর ওইরিবা য়ুনহী কিমনা হায়খি, মালেমগী ওইনা য়েংবদা পব্লিক সেক্তর খক্তনা নোংমগী নোংমগী য়ুম মথৌ তারক্লিবসি কোকহনবা ঙম্লোই মরমদি লৈবাকশিং অসিদা অর্বানাইজেসন খোংজেল য়াংনা চেলি। পব্লিক সেক্তরশিং অসিনা রিগুলেতরীগী ওইবা অমসুং অহোংবা য়ুমশিং অসি প্রাইবেৎ সেক্তরশিংগী পুক্নিং চিংশিন্নবা হোৎনবদা অচৌবা থৌদাং লৌবা য়াই।

সেনিয়র অর্বান স্পিসিএলিস্ত, ৱার্লদ বেঙ্ক অমসুং তমিল নাদু হাউজিং এন্দ হেবিতেৎ দিবেলপমেন্ত প্রোজেক্তকী তাস্ক তীম লিদর ওইরিবা অভিজিৎ সঙ্কর রয়না হায়খি, প্রোজেক্ত অনীমক অসিনা অমনা অমবু মতেং পাংনরগনি অমসুং তমিল নাদুদা মরু ওইবা হাউজিং সেক্তরশিং মপাঙ্গল হাপ্পদা মতেং পাংলগনি।

ইন্তর্নেসনেল বেঙ্ক ফোর রিকন্সত্রক্সন এন্দ দিবেলপমেন্ত (আই.বি.আর.দি.)দগী লৌরিবা $২০০ মিল্লিয়ন অমসুং $৫০০ মিল্লিয়গী ওইগদবা লোন অসিদা মেচ্যুরিতীগী চহি ২০ লৈ অমসুং মসিদা অহেনবা পেরদ ওইনা চহি ৩.৫ য়াওরি।

*****