মাইনোরিতী এফিয়ার্সকী কেন্দ্র মন্ত্রী শ্রী মুখতার অব্বাস নকবিনা ঙসি রামপুর (য়ু.পি.)দা “মরোমদোম লেপচবা ভারত” অসি “এক ভারত শ্রেস্থ ভারত” ফংনবগী লম্বীনি হায়না হায়খ্রে‍। শ্রী নকবিনা ঙসি রামপুর (য়ু.পি.)গী নুমাইস গ্রাউন্দতা “সংস্কৃতিক সদভাব মান্দপ”কী উরেপ উয়ুং তমখি‍। “সংস্কৃতিক সদভাব মান্দপ” অসি কেন্দ্রগী মাইনোরিতী এফিয়ার্স মন্ত্রালয়না প্রধান মন্ত্রী জন ভিকাস কার্য়ক্রমগী মখাদা লুপা করোর ৯২ চঙনা শাগৎপনি‍। কম্ম্যুনিতী সেন্তর অসি মখল মখা কয়াগী সোসিও-ইকনমিক-কল্চরেলগী থৌওংশিং, স্কিল দেবেলপমেন্ত ত্রেনিং, কোচিং, কোরোনাগুম্বা অৱা অনা তারবা মতমদা তেংবাংগী থৌরমশিং অমদি তোঙান তোঙানবা শান্ন-খোৎনবগী থৌরমশিংগীদমক্তা শীজিন্নগনি

থৌরমদুদা, শ্রী নকবিনা হায়খিবদা হৌখিবা চহী ৬সিদা প্রধান মন্ত্রী শ্রী নরেন্দ্র মোদীনা লুচিংবা লৈঙাক অসিনা লৈবাকসিগী শোত্থরিবা মফমশিংদা প্রধান মন্ত্রী জন ভিকাস কার্য়ক্রম (পি.এম.জে.ভি.কে.)গী মখাদা সোসিও-ইকনমিক-ইদুকেসনেল অমদি থবক পীবদা মায় ওনশিনবা মচাক মথুম কয়া শেমগৎখ্রে‍। হায়রিবা প্রোজেক্তশিং অসিদা: অনৌবা মহৈ তম্ফমশঙ ১৫১২; অহেনবা ক্লাসরুম ২২৫১৪; হোস্তেল ৬৩০; রেসিদেন্সিএল স্কুল ১৫২; স্মার্ত ক্লাসরুম (কেন্দ্রিয় ভিদ্যালয়াশিংগী য়াওরগা) ৮৮২০; কলেজ ৩২; আই.তি.আই. ৯৪; পোলিতেক্নিক ১৩; নভোদয়া বিদ্যালয়া ২; মল্তি-পর্পজ কম্ম্যুনিতী সেন্তর “সদভাব মান্দপ” ৪০৩; কৈথেল শঙ ৫৯৮; অমাংশঙ অমদি ঈশিংগী ফেসিলিতী ২৯৪২; কম্মন সর্ভিস সেন্তর ১৩৫ থবক তৌবা নুপীশিংগী হোস্তেল ২২; হকশেলগী প্রোজেক্ত ১৭১৭; অনা লায়েংশঙ ৫; হুনর হব ৮; মখল মখা কয়াগী শান্ন-খোৎনবগী ফেসিলিতী ১০; অঙ্গনৱাদি সেন্তর ৫৯৫৬নচিংবা য়াওরি‍।

শ্রী নকবিনা হায়খিবদা, মসিগা মান্ননা উত্তর প্রদেশতা “মপুংফাবা চাওখৎলোন”গী লমদা কেন্দ্রগী মাইনোরিতী এফিয়ার্স মন্ত্রালয়না লেপ্তুনা হৌখিবা চহী ৩সিদা মচাক মথুম পাক শন্না শেমগৎলে‍। পি.এম.জে.ভি.কে.গী মখাদা অহেনবা ক্লাসরুম ২৮২, অহেনবা ক্লাসরুম ব্লোক ২৮৫, অঙ্গনৱাদি সেন্তর ৭০৭, কম্মন সর্ভিস সেন্তর (সি.এস.সি.) ২৫, সদভাব মান্দপ ৩১ (১দি সংস্কৃতিক সদভাবনা মান্দপ কৌবা), সাইবরগ্রাম ১,৭৩,১৪৩, থক্নবা অমদি ঈশিং শেংদোকপগী প্রোজেক্ত ৩,৮৬৫, হকশেলগী প্রোজেক্ত ২৭ (উননি অনা লায়েংশঙ ১, হোমিওপেথিক অনা লায়েংশঙ ৪, অয়ুর্বেদিক অনা লায়েংশঙ ৩), দিগ্রী কলেজ ২০, হোস্তেল ১৫ (নুপীমচাগী হোস্তেল ১১), আই.তি.আই. ৩৯, আই.তি.আই. ০২দা অহেনবা থবক, পোলিতেক্নিক ৪, স্কিল ত্রেনিং ২২৬, মহৈশঙ ৩৪০, থবক তৌবা নুপীশিংগী হোস্তেল ২, অমাংশঙ ৬৬৬ য়াওনা প্রোজেক্ত ১,৮৪৯৮০রোম লুপা করোর ৩০০০রোম চঙনা উত্তর প্রদেশতা শেমগৎলে‍।

কম্প্যুতর লেবোরেতরী ২, সদভাব মান্দপ ২ (অমদি সংস্কৃতিক সদভাবনা মান্দপ কৌবা), কম্মন সর্ভিস সেন্তর (সি.এস.সি.) ৬, সাইবরগ্রাম ১২৯৭৪, থক্নবা অমদি ঈশিং শেংদোক্নবা প্রোজেক্ত (ঈশিং তেঙ্কি য়াওনা) ৪৯, দিগ্রী কলেজ ১, নুপীমচাগী হোস্তেল ১, মহৈশঙ ১১৯ য়াওনা প্রোজেক্ত ১৩,২৭৬ অপুনবা শেনফম লুপা করোর ৩৫০ চঙনা রামপুরদা শেমগৎলে‍।

শ্রী নকবিনা হায়খিবদা শেন্মিৎলোন, লৈবাকসিগী ঙমখৈগী ঙাকশেল অমদি লৈবাক্কী ঙাকশেলগী ওইরবসু মোদী লৈঙাক্না চাউখৎ লমজেলদা অনৌবা রেকোর্দ কয়া থমখ্রে‍। মোদী লৈঙাক্না “ইকায়খুম্নবগা লোয়ননা মপাঙ্গল কনখৎহনবা’ হায়বা ৱাফমবু মপুং ফাহল্লে‍।

শ্রী নকবিনা হায় মালেম পুম্বনা কোরোনা লাইচৎ মনুংসিদা প্রধান মন্ত্রী শ্রী নরেন্দ্র মোদীগী মীৎয়েং শানবা ফিরেপ্পু থাগৎনরি‍। হৌখিবা থা ৩সিদা মীওই করোর ৮০দা গেহু-চেঙ কেজি ২৫ অমদি হৱাই কেজি ৫ লেম্না পীখ্রে, ইমুং করোর ৮দা গ্যেস সিলিন্দর পীখ্রে, নুপী করোর ২০গী মশা মশাগী বেঙ্ক একাউন্ততা লুপা ১৫০০ থাজিনখ্রে, স্কিম কয়াগী ওইনা দি.বি.তি.গী খুত্থাঙদা মীওই করোর ৪৪গী বেঙ্ক একাউন্ততা লুপা করোর ৬০,০০০ হেন্না থাজিনখ্রে‍, লৌমী করোর ৮ হেনবদা লুপা করোর ১৭,০০০গী কিসান সম্মান নিধি পীখ্রে‍। “আত্ম নিরভর ভারত”কী লুপা করোর লাখ ২০গী পেকেজ অসি মৈহৌরোল ওইবা খোঙথাঙ অমা ওইরি‍।

শ্রী নকবিনা ফোঙদোকখিবদা মোদী লৈঙাক্না মাইনোরিতীশিং য়াওনা অৱাবা তারবা মীপুম খুদিংমক্কী “মীত্তা নুংঙাইবা, পুন্সিদা য়াইফবা” পীননবগী ফিরেপ্তা থবক তৌখি‍। ঐখোয়গী লৈঙাক অসিনা লায়রবশিংদা য়ুম করোর ২ পীখিবদা কান্নবা ফংখিবশিংগী চাদা ৩১দি মাইনোরিতী কাংলুপতগীনি‍। ঐখোয়গী লৈঙাক অসিনা দিকেদ কয়া মৈ ফংদনা লেল্লকখিবা লৈবাকসিগী খুঙ্গং লাখ ৬গী মশিং য়াম্লবা ইমুংশিংদা মৈ পীখি‍। হায়রিবা খুঙ্গংশিং অসিগী চাদা ৩৯দি মাইনোরিতী কাঙলুপনা নম্না খুন্দাবা মমদুনা লৈরমবা খুঙ্গংশিংনি অমদি হৌজিক মখোয় মৈ থানবা ফংলে‍। ঐখোয়গী লৈঙাক অসিনা লৌমী করোর ২২দা “কিসান সম্মান নিধি”গী মখাদা কান্নবা পীখ্রে অমদি মসিগী চাদা ৩৩দি মাইনোরিতী কাঙলুপতা চনবা লৌমীশিংনি‍। “উজ্বলা য়োজনা”গী মখাদা ইমুং করোর ৮ হেনবদা লেম্না গ্যেস কন্নেক্সন পীখিবা অসিগী চাদা ৩৭রোমদি মাইনোরিতী কাঙলুপ্তনি‍। ঐখোয়গী লৈঙাক্না স্মোল অমদি মেদিয়ম বিজিনেস অমদি অতৈ থবক পীবদা য়ুম্ফম ওইবা থবক থৌরমশিংদা “মুদ্রা য়োজনা”গী মখাদা মীওই করোর ২৪রোমদা অরায়বা লোন পীখ্রে অমদি মসিগী চাদা ৩৬তি মাইনোরিতী কাঙলুপতগীনি‍।

শ্রী নকবিনা হায়খিবদা মসিগী মথক্তা মাইনোরিতী কাঙলুপগী মীওই লাখ ১০ হেনবদা “হুনর হাত”, “গরিব নৱাজ সেল্ফ এম্প্লোইমেন্ত স্কিম”, “সীখো ঔর কমাও:নচিংবা স্কিমশিংগী খুত্থাঙদা হৌখিবা চহী ৬সিগী মনুংদা থবক পীখ্রে অমদি থবক ফংবগী খুদোংচাবা পীখ্রে‍। নুপীমচা চাদা ৫০ য়াওনা মাইনোরিতী কাঙলুপকী মহৈরোয় করোর ৩ লাখ ৫০ হেনবদা মখল মখা কয়াগী স্কোলারসিপ পীখ্রে‍।

রামপুর (য়ু.পি.)গী নুমাইস গ্রাউন্দদা “সংস্কৃতিক সদভাব মান্দপ: (মল্তি-পর্পজ কম্ম্যুনিতী সেন্তর)গী ইরেপ উয়ুং তম্লবা মতুংদা পাউমীশিংদা ৱা ঙাঙলদুনা, শ্রী নকবিনা ফোঙদোকখিবদা প্রধান মন্ত্রী শ্রী নরেন্দ্র মোদীনা লুচিংবা লৈঙাক অসিনা লৈবাকসিগী ঙাকশেল, ইকায়খুম্নবা অমদি নুংঙাই য়াইফবগীদমক্তা কত্থোক্লি‍। “লৈবাক্না মাঙদা” হায়বা অসিনা মোদী লৈঙাক্কী মীৎয়েং ওইরি হায়না মহাক্না হায়খি‍।

*****