ভারত সরকারগী সাইন্স অমসুং তেক্নোলোজী বিভাগকী ওতোনোমস ইন্সতিত্যুৎ ওফ নেনো সাইন্স তেক্নোলোজী, মোহালিগী বৈজ্ঞানিকশিংনা ব্রেস্ত, লংস অমসুং লিভরগী কেন্সর মাংহনবা ঙম্বা ইনওর্গানিক-ওর্গানিক ওইবা কম্পাউন্দ শাদুনা মেতল্লর্জীগী অনৌবা পাংথোকপা য়াবশিং হাংদোকখ্রে।

সোলিদ অসি হান্ননা এন্তিত্যুমরগী মঙম লৈবা অমা ওইনা মশক খংদোকখ্রবা পোলিক্সোমেতেলেত্স(পি.ও.এম.) ফেমিলিগী ফোসফোমোলিবদিক এসিদকী ইনওর্গানিক সোল্ত অমা ওইবা ফোসফোমোলিবদেত ক্লস্তরগীনি। দা.মোনিকা অমসুং দা.দীপিকা শর্মানা লুচিংবা তীম অসিনা কম্পাউন্দ অসিনা কেন্সর সেলশিং হাৎপগী মেকানিজম অদু পুথোকখ্রে। রিসরচ অসি দাল্তন ত্রা়্জেক্সনগী জর্নেলদা ফোংখ্রে।

পি.এম.ও.শিং অসি মমাংগী চহি কয়াদগী মশক-মওং অমসুং মতিক-ময়াইদা খ্বাইদগী অথোইবা মাগী তোঙান-তোহানবা মখলশিংদা য়ুম্ফম ওইরগা বাইওলোজিকেল ওইবা থবকশিংদা তাজনিংঙাই ওইবা মওংদা চংশিল্লক্লিবা কাংলুপ অমনি।

কম্পাউন্দ অসিনা কেন্সরগী সেলশিং অসি মতৌ করম্না চৈথেং পীবা ঙম্বগে হায়বগী মেকানিজম অদু পুথোক্নবা তীম অসিনা মসি হাইদ্রোথর্মেলগী মেথদতা শেমগৎখিবনি। সোদিয়ম মোলিবদেত, ফোসফোরস এসিদ অমসুং বাইপাইরিদিনগী য়ানশিন্নরবা মহিগী অসি পোৎয়ান অসি pH 4গী এসিতেৎ বফর সোলুসন্দা পুং ৭২ চুপ্না 160 °Cদা শাহনখি। ইন ভিত্রো ওইবা সাইতোকসিতীগী কম্পাউন্দ অসি ব্রেস্তগী কেন্সর(এম.সি.এফ.-৭), লংস কেন্সর(এ.৫৪৯) অমসুং লিভরগী কেন্সর(হেপ জি.২)গী সেলশিংদা মমাংঙৈদগী পাংথোক্নরকপা এম.তি.তি.গী চাংয়েং(সেলগী মেতাবোলিক ওইবা থবকশিং তৌবা ওন্নবদা শিজিন্নবা) অসি পাংথোক্তুনা মশক খংদোকখি। এম.তি.তি.গী চাংয়েংদগী চাং নাইনা শিজিন্নবা কেমোথেরাপ্যুতিক এজেন্ত, মেতোত্রেক্সেৎ(তি.সি.আই.)গা চাংদম্নবদা তোঙান-তোঙানবা কেন্সর সেলশিংগী পরিংদা কম্পাউন্দ অসি সাইতোকসিক ওইবা শাফু ওইনা উখি।

ব্রেস্তগী কেন্সর(এম.সি.এফ.-৭), লংস কেন্সর(এ.৫৪৯) অমসুং লিভরগী কেন্সর(হেপ জি.২)গী সেলশিংদা ওইরকপা অশিবা সেলশিংগী মেকানিজম অসি এলেক্সা ফ্লৌর ৪৮৮ এনেক্সিন ভি./অশিবা সেল এপ্তোসিস কীৎ(ইনভিত্রোজেন) শিজিন্নদুনা য়েংখি। সেল খায়দোকপদা সিন্থেসাইজ ওইবা পোৎচাক্কী শাফু অদু লেপথোক্নবগীদমক ফ্লো সাইতোমিত্রী শিজিন্নদুনা এম.সি.এফ.-৭, এ.৫৪৯ অমসুং হেপ জি.২গ সেলগী পরিংগীদমক সেল সাইকলগী চাংয়েং পাংথোকখি। ইন ভিত্রো ওইনা ফংবশিং অসিনা মসিগী হাইব্রিদ সোলিদ অসি নোর্মেল সেলশিংগা চাংদম্নবদা মহু চেনবগী চাং অসি হন্থৈ অমসুং মসিগা এন্তিত্যুমরগী থবকশিংদসু চাং নাইবা মওংদা শিজিন্নবা কেমোথেরাপ্যুতিক এজেন্ত, মেথোত্রেক্সেৎ(এম.তি.এক্স.)কা চাংদম্নিনিংঙাই ওই।

হৌখিবা চহি খরসিদা, পি.ও.এম.শিং অসি পোলিক্সোমেতালেৎ(পি.ও.এম.)শিং অসি কেন্সরবু লান্থেংননবগীদমক তুংদা মেতাল্লোদ্রগশিংগী থাজনিংঙাই ওইবা কেন্দিদেৎ অমা ওইনা থোরক্লি। আই.এন.এস.তি.গী তীম্না শেমগৎখিবা কম্পাউন্দ অসিনা এন্তিত্যুমরগীদা শিজিন্নবগীদমক অনৌবা লম্বি অমা হাংদোকপা ঙম্লগনি

[পব্লিকেসনঃ জোশি, এ.; গুপ্ত, আর.;সিংহ, বি; শর্মা, দি.; অমসুং সিংহ , এম., ফোস্ফোমোলিবদেত্তা য়ুম্ফম ওইবা হাইব্রিদ সোলিদতগী এম.সি.এফ.-৭, এ.৫৪৯ অমসুং হেপ জি.২গী মায়োক্তা কেন্সর সেলশিংগী মায়োক্তা শাফু কন্না মাংহনবা ঙাম্বগী থবক। দাল্তন ত্রান্স.,২০২০, দি.ও.আই.: ১০.১০৩৯/দি.০.দি.তি.০১৪২এ।

অতৈ মরিক চুম্বা ৱারোলশিংগীদমক্তা দা. মোনিকা সিংহ(monika@inst.ac.in,0172-2210075 (ext. 322)) দা পাও ফাওরিরকপা য়াগনি]

*****