কেন্দ্রগী গৃহ মন্ত্রী, শ্রী অমিত শাহনা হায়খ্রে মদুদি “মোদী লৈঙাক্না কোবিদগী ফীভম অসিবু মওং চুম্না থেংনরি অমদি দিল্লীগী ফীভম নীংথিনা কন্ত্রোল তৌরে”‍। পাউগী এজেন্সী অমদা পীবা ইন্তরভিউ অমদা শ্রী অমিত শাহনা হায়খি “দিল্লীদা কম্ম্যুনিতী স্প্রেদ লৈতে অমদি পাখৎনবগী মরমসু অমত্তা লৈতে”‍।

কেন্দ্রগী গৃহ মন্ত্রীনা হায়খিবদা “দিল্লীগী দিপুতী চীফ মিনিস্তর, শ্রী মনিশ সিসোদিয়ানা জুনগী অনিশুবা চয়োলদা থোকখিবা ৱারোল অমদা দিল্লীগী ফীভম য়াম্না শোক্লে অমদি জুলাই লোইশিল্লকপা মতমদা কোনুং দিল্লীদা কোবিদনা শোকহল্লবা মীশিং লাখ ৫.৫গী চাং য়ৌরগনি হায়না ফোঙদোকখিবদুনা মীয়ামদা চরাংনবা অমা পোকখি”‍। শ্রী অমিত শাহনা হায়খি, “নোর্মেল ওইনা কোবিদগী ফীভম লাকশিনবগী থৌদাংসি দিল্লী লৈঙাক্কীনি, অদুবু দিপুতী সি.এম.না হায়খিবা ৱাফমদুগী মতুংদা মতেং পাংনবগীদমক ভারত লৈঙাক্না খুৎ থিংজিল্লকপনি‍”। অরুবা ফীভমসিগী য়েংলগা শআঈ অমিত শাহনা হায়খিবদা “ফীভম অসি লাকশিনবদা দিল্লী লৈঙাক্তা কেন্দ্র লৈঙাক্না মতেং পাংনবগীদমক জুন ১৪দা মহাক্না কোওর্দিনেসন মীফম অমা পাঙথোকখি‍। হৌজিক তেস্ত তৌবগী মশিং হেনগৎলকপনা ইন্ফেক্সন রেত্তা চাউনা হেনগৎলক্লি, অদুবু মায়কৈ অমরোমদা য়েংবদা খুদোংচাবা অমা লৈরি মদুদি তেস্ত তৌদুনা পোজিতিব ওইরে খঙলবশিংদু আইসোলেসনদা থমখিবনা মখা তানা শন্দোরকপা থিংবদা মতেং ওইরগনি‍”।

কেন্দ্রগী গৃহ মন্ত্রীনা হায়খিবদা “মহাক্না হকশেলগী থৌমীশিংগী পুক্নীং থৌগৎনবা অমদি মীয়ামদা থাজবা পীনবগীদমক এল.এন.জে.পি. হোস্পিতালদা চৎখি‍। খোঙচৎ অদুদা ৱার্দ খুদিংমক্তা সি.সি.তি.ভি. কেমেরা পানশিনবা, চানবা চীঞ্জাক লেপ্তনা ফংহন্নবা সেকেন্দরী কেন্তীন অমা থম্বা, হকশেলগী থৌমীশিংগী সাইকো-সোসিএল কাউন্সেল্লিং অমদি ফমুংগী মতাংদা রিএল তাইম ইনফোর্মেসননচিংবা তোঙান তোঙানবা খোঙথাঙশিং লৌখৎলমখি‍। দোক্তরশিংগা মখোয়গী খুদোংচাদবশিংগী মতাংদা ৱারা ৱাতাই শান্নরম্বদুনা তুংগী লাল্লোং য়াৎনবগী মচাক লৌবদা মতেং ওইখি”‍।

শ্রী অমিত শাহনা হায়খি “জুন ১৪দা লৈরম্বা ফমুং মশিং ৯,৯৩৭গা য়েংনবদা ঙসিদি ফমুং ৩০,০০০ লৈরে‍। মসিগী মহৈ ওইনা ঙসিদি ঐখোয় জুন হৌগৎলকপদা লৈখিবা ফীভমদুগা য়েংনবদা য়াম্না হেন্না ফবা ফীভমদা লৈরে‍”‍। কেন্দ্রগী গৃহ মন্ত্রীনা হায়, “দিল্লীগী কন্তেনমেন্ত জোনশিংদা য়ুম-য়ুমগী সর্ভে জুন ৩০ ফাওবদা লোইরগনি‍। মসিগী মথক্তা সেরোলোজিকেল সর্ভেসু হৌরে‍”‍। শ্রী অমিত শাহনা হায়খি, “দিল্লী লৈঙাক অমদি এম.সি.দি.গা খুৎশম্নদুনা নারক্তরিঙৈদা কোরোনাভাইরস শন্দোরকপা থিংননবা থৌরাংশিং হৌদোক্লে‍। দিল্লীদা কম্ম্যুনিতী ত্রান্সমিসনগী থাক য়ৌদ্রি হায়না হন্না হায়রদুনা, মহাক্না তেস্ত তৌবগী চাং হেনগৎলে, মীয়াম্না মিপাইনিংঙাই মরম লৈতে হায়না ফোঙদোকখি‍”‍।

দিল্লী লৈঙাক্না চলাইবা হোস্পিতালশিংদা মপানগী অনাবা মীওই লায়েংবদা অথিংবা থম্বগী ৱাফম অমা দিল্লী লৈঙাক্না লাউথোকলমখি‍। শ্রী অমিত শাহনা হায়খিবদা, “দিল্লী অসি লৈবাকসিগী কোনুং ওইবনা তোঙান তোঙানবা স্তেতশিংদগী মীওই কয়া মফমসিদা লায়েংবা লাকই‍। মীপুম খুদিংদা চপ চাবা লায়েং পীননবগীদমক কেন্দ্র লৈঙাক্না হায়রিবা ফিরেপ অসি হোংদোক্লে,” হায়না কেন্দ্র গৃহ মন্ত্রীনা ফোঙদোকখি‍।

কেন্দ্র গৃহ মন্ত্রীনা হায়খিবদা, “হান্নদি অরোইবা মথৌ মঙম মওং চুম্না পাঙথোক্লমদে অদুনা দিল্লী লৈঙাক্কা পাঙথোকখিবা মীফম অদুদা হোস্পিতালশিংদা তাদুনা লৈরিবা অশিবা হকচাঙশিং নুমিৎ নিনিগী মনুংদা মখোয় মখোয়গী লাইনীংগী মতুং ইন্না পাঙথোক্নবা লেপ্নখি অমদি হৌজিক্তা ৱাফমসিদা অপনবা লৈত্রে‍”‍। শ্রী অমিত শাহনা হায় “লনাই অনা লায়েংশঙশিংদা কোবিদ-১৯ লায়েংবদা লৌরিবা অৱাংবা শেনফম অসিনা দিল্লীগী মীয়ামদা খুদোংচাদবা থোকহল্লম্মী‍। মরম অসিনা ফমুং অমদি লায়েংগী মমল হন্থনবা ৱারেপ অমা লৌখি অমদি মসিনা দিল্লীগী মীয়ামগী অৱাবা খরদি কোকহল্লে‍। কোবিদ-১৯ লাইচৎ লান্থেংনবদা এন.সি.সি., এন.এস.এস. স্কাউত অমদি এন.জি.ও.শিং য়াওহন্নবা ফিরেপসু লৌরে‍”‍।

শ্রী অমিত শাহনা হায়খিবদা “ভারত লৈঙাক কোবিদ-১৯ লাইচৎ থেংনবদা মায় পাক্না চঙশিল্লি‍। ঐখোয়গী ফিগর অসি মালেমগী ওইরিবা ফীভমগা য়েংনরুরবদি য়াম্না ফরি‍। প্রধান মন্ত্রী শ্রী নরেন্দ্র মোদীগী লমজিং মখাদা লাইচৎ অসি লান্থেংননবগীদমক কেন্দ্র লৈঙাক, স্তেত লৈঙাকশিং অমদি লৈবাকসিগী মীশিং করোর ১৩০গা খুৎশম্ননা চৎমিন্নরি‍”। কেন্দ্র গৃহ মন্ত্রীনা হায়, “লৈবাক অসিনা লানফম অসিনা লিংজেল মান্ননা অমত্তা ওইনা লেপ্লি অমদি কোরোনা লান্মীশিংবু লেপ্পা লৈতনা পুক্নীং থৌগৎলি‍”‍। শ্রী অমিত শাহনা হায়খিবদা “মালেমগী ওইনা ইনফেক্সন রেত অসি মীওই লাখ ১০০ খুদিংগী ১২৫০নি অদুগা ভারতকীনা শুপ্নতগী ৩৫৭নি‍। ঙসিদি ভারতকী ফগৎলকপগী চাং অসি চাদা ৫৭ ওইরে অদুগা মার্চ থাদদি চাদা ৭.১ ওইরম্বনি‍।”

মীওই মিলিয়ন ১দা কোবিদনা শোকহনবা মীশিং

মীওই লাখ ১০ খুদিংগী শিবগী চাং

মরম অসিনা, কেন্দ্র গৃহ মন্ত্রীনা হায়খি, “চাওখৎলবা লৈবাকশিংগা চাংদম্নবদা ভারতনা য়াম্না হেন্না ফনা লৈরি‍”‍। কেন্দ্র গৃহ মন্ত্রীনা ফোঙদোকখিবদা “করিগুম্বদা মীওই অমনা লায়ওং মচা অমফাওবা লৈরবদি মখোয়বু তেস্ত তৌগদবনি অমদি করিগুম্বা মীওই অমনা শাথিবা লায়ওং উৎলক্লবদি ইমুং মনুংগী ইন্তরেস্ততা আইসোলেসন সেন্তরশিংদা পুবিগদবনি‍। মসিনা কোবিদ-১৯ শন্দোরকপা থেংনবদা মতেং ওইগনি‍।”

শ্রী অমিত শাহনা হায়খিবদা “লোকদাউন লাউথোকপগা লোয়ননা কেন্দ্র অমদি স্তেতশিং খন্নদুনা লাকখি‍। স্তেত অয়াম্বনা মাইগ্রেন্ত করোর ২.৫গী চান-থক্নবা চীঞ্জাক থৌরাং তৌখি‍। অনা লায়েংশঙশিং অমদি ক্বারেন্তিন ফেসিলিতীশিংগী থৌরাংসু তৌখি‍”। কেন্দ্র গৃহ মন্ত্রীনা হায় “মাইগ্রেন্ত লাখ ৬৩দা ত্রেন ৪,৫৯৪দা মখোয় মখোয়গী পোক্নফম লমদমদা হন্নখি‍। চাউরাক্না মাইগ্রেন লাখ ৪২রোম তোঙান তোঙানবা চৎনপগী পাম্বৈদা চৎনখি অমদি অপুনবা মীশিং করোর ১.২০রোমদি মফম অমদগী মফম অমদা চৎনখি”‍। শ্রী অমিত শাহনা মখা তানা হায়খিবদা “ইকুই কুইদনা প্রধান মন্ত্রী, শ্রী নরেন্দ্র মোদীনা মাইগ্রেন্তশিংগীদমক থবক পীবগী স্কিম অমা লাউথোকখি‍। ভারত লৈঙাক্না মাইগ্রেন্তশিংদা থবক পীনবগীদমক অখন্নবা স্কিম অমা হৌদোক্লে‍। এম.জি.এন.আর.জি.এস.কী মখাদা খুৎশুমল হেনগৎলে”‍। কেন্দ্র গৃহ মন্ত্রীনা হায় “প্রধান মন্ত্রী শ্রী নরেন্দ্র মোদীগী লুচিং মখাদা লাইচৎ অসি হৌরকপা মতুং থুনা মখল মখা কয়াগী অহোংবশিং লাউথোকখি‍। হায়রিবা অহোংবশিং অসিনা তুং কোইনা কান্নবা পুরক্কনি‍। লাইচৎ অসিনা মালেমগী শেন্মিৎলোনদা শোকহল্লে অমদি মসিনা ভারতকী শেন্মিৎলোনদা পীবা চৈথেং হন্থহন্নবগীদমক মখল মখা কয়াগী খোঙথাংশিং লৌখৎখ্রে‍। মোদীজিগী লুচিং মখাদা ভারতকী শেন্মিৎলোন হৌজিকফাওবা ফীভম ফনা লৈরি‍।”

কেন্দ্র গৃহ মন্ত্রী, শ্রী অমিত শাহনা দিল্লীগী মীয়ামদা করিগুম্বা লায়ওং লৈরবদি মনাক নকপা তেস্তিং সেন্তরশিংদা চৎনবা আপিল তৌরদুনা করিগুম্বা পোজিতিব ওইরম্লবদি ইনস্তিত্যুসনেল ক্বারেন্তিনদা তৌবদা পাখৎপা লৈরোইদবনি মরমদি মসি মখোয় অমদি মখোয়গী ইমুং মনুংশিংগী শাফনবগীদমক মরুওইবা অমনি অমদি লাইচৎ অসি শন্দোরকপা থিংবদা অচৌবা শক্লোন লৌগদৌরিবনি‍।

*****