জল শক্তি কেন্দ্র মন্ত্রী, শ্রী গজেন্দ্র সিংহ শেখাৱতনা অরু নাচল প্রদেশকী চীফ মিনিস্ত্রদা চে ইদুনা স্তেত অদুদা জল জীবন মিসন থুনা পায়খৎনবা ৱাফম থমখ্রে‍। মিসন অসি ইং ২০২৪ ফাওবদা য়ুমথোংগী তোতি কন্নেক্সন (এফ.ঐচ.তি.সি.)গী খুত্থাঙদা খুঙ্গঙগী য়ুমথোঙ খুদিংদা থক্নবা অফবা ঈশিং পীদুনা খুঙ্গংগী মীওইশিংগী পুন্সিদা য়াইফবা পুরক্নবা পান্দম থম্লিবা প্রধান মন্ত্রী শ্রী নরেন্দ্র মোদীগী ফ্লেগশিপ প্রোগ্রাম অমনি‍। খুঙ্গং/ খুন্দাবা মফমশিংদা পায়খৎপা দিসেন্ত্রেলাইজ তৌরবা, দিমান্দনা ইনবা, কম্ম্যুনিতীনা শিন লাংবা ৱাতর সপ্প্লাই স্কিমশিং অসি থক্নবা ঈশিংগী লমদা ভারতকী ওইনা অচৌবা অহোংবা অমা পুরক্নবা থম্লকপনি‍। স্তেতশিংগা পুল্লগা পায়খৎলিবা মিসন অসিনা খুঙ্গংগী য়ুমথোঙ খুদিংদা লিতর পর কেপিতা পর দে (এল.পি.সি.দি.) ৫৫গী সর্ভিস থাক্কী অফবা থক্নবা ঈশিং চাং নাইনা অমদি মতম শাংনা ফংহন্নবা থৌরাং লৌখত্তুনা খুঙ্গংগী মীয়ামগী পুন্সিদা অফবা পুরক্নবগীদমক্নি‍।

অরুনাচল প্রদেশনা মার্চ, ২০২৩ ফাওবদা স্তেত অদুগী য়ুমথোঙ খুদিংদা চাদা ১০০ তোতিগী ঈশিং পীনবা থৌরাং য়াৎলি‍।‍। ভারত লৈঙাক্না স্তেত অসিদা জে.জে.এম.গী মখাদা ২০২০-২১গী ওইনা লুপা করোর ২৫৫ কাইথখ্রে‍। শীজিন্নবা য়ারবা আউতপুত হায়বদি য়ুমথোঙগী তোতি ঈশিং পীবা অমদি শেনথুমগী প্রোগ্রেস মেনখৎপগী মতাংদা ফংবা ঙমবাগী মতুং ইন্না স্তেত অদুদা পর্ফোরমেন্স গ্রান্তকী মওংদা অহেনবা শেনফম পীগদৌরি‍। খুঙ্গংগী য়ুমথোঙ ২.১৮গী মনুংদা য়ুমথোঙ ৩৭,০০০তা হান্ননা তোতি কন্নেক্সন পীখ্রে‍। স্তেত অসিনা ইং ২০২০-২১দা তোতি কন্নেক্সন ৭৭,০০০ পীননবা থৌরাং য়াৎলি‍। থৌরাংসি য়াৎপা মতমদা এসপিরেসনেল দিস্ত্রিক্ত, অফবা ঈশিং ফংদ্রিবা মফমশিং, সংসদ আদর্শ গ্রামিন য়োজনা খুঙ্গংনচিংশিংদা লৈবা য়ুমথোঙশিংদা অহেনবা মীৎয়েং থম্লি‍।

কেন্দ্র মন্ত্রীনা স্তেত অদুগী সি.এম.দা ৱাৎহৌরিবা য়ুমথোঙশিংদা অতেনবা মতমগী মনুংদা লায়না তোতি কন্নেক্সন পীবা ঙম্নবগীদমক খুঙ্গং/য়ুম তাবা মফমশিংদা হান্না লৈরবা ৱাতর সপ্প্লাই স্কিমগী পাইপশিং মশিং হেনগৎহনবদা অমদি শেমজিনবদা অহেনবা মীৎয়েং চঙনবা ৱাফম থমখি, অমদি মরমসিননি থবক অসি ‘কেম্পেন মোদ’তা পায়খৎনবা ৱাফম থম্লিবসি‍। কোবিদ-১৯ লাইচৎ অসিগী মনুংদা লৈঙাকসিনা হোৎনরিবসি মীয়ামগী ওইবা স্তেন্দ পোস্ত/থক্নবা ঈশিং ফংফমশিংদা মী পুনবা হন্থহন্নবনি‍। শ্রী শেখাৱতনা য়ুমথোংগী ওইনা তোতি কন্নেক্সন পীননবা খুঙ্গংশিংদা খুদক্তা ৱাতর সপ্প্লাইগী থবক পায়খত্তুনা সোসিএল দিস্তেন্সিং ঙাকপদা মতেং ওইনবা অমদি খুঙ্গংগী মীওইশিংদা থবক ফংনবগী অমদি খুঙ্গংগী শেন্মিৎলোনদা ইনোৎ অমা পীনবা ৱাফমসু থমখি‍।

দিসেন্ত্রেলাইজ তৌরবা থৌরাং অমা ওইনা, মতম কুইনা চৎনবা য়াবা থৌরাং ওইনবগীদমক লোকেল কম্ম্যুনিতীনা খুঙ্গংশিংগী ৱাতর সপ্প্লাই সিস্তেমশিং অসিগী শেন শাবা, পায়খৎপা, শেন্নবা, মথৌ তৌহনবা অমদি য়েংশিনবগী থবক্তা মরুওইবা থৌদাং য়াগনি‍। খুঙ্গংশিংদা লৈবা ৱাতর সপ্প্লাই সিস্তেমশিং চাং নাইনা শেম শাবা, মথৌ তৌহনবা অমদি শেন্নবগী থবক্কী থৌদাং লোকেল কম্ম্যুনিতীশিংদা লৌননবা পুক্নীং থৌগৎলি‍। খুঙ্গং খুদিংমক্তা, জল জীবন মিসন অসি তশেং তশেংবা মীয়ামগী থৌওং ওইহন্নবগীদমক কম্ম্যুনিতী মোবিলাইজেসনগা লোয়ননা আই.ই.সি. কেম্পেন পায়খৎপা মথৌ তাই‍।

স্কিমশিং অসি মপানগী এজেন্সীশিংদা তাংদনা মতম কুইনা মথৌ তৌহন্নবা অমদি শেন্ননবগীদমক্তা ত্রেন তৌরবা মীওইশিং খুঙ্গংগী থাক্তা ফংনবগীদমক অমদি লমদম মশাদুদগী মীওইশিং শীজিন্ননবা থবক ফংদ্রিবা নহাশিং প্লম্বিং, চেক শুবা, ফিত্তিং, পম্প ওপরেসননচিংবা লমশিংদা ত্রেনিং পীননবা স্কিল এক্তিভিতীশিং পায়খৎনবা থৌরাংসু য়াৎলি‍।

হৌজিক লৈরিবা থক্নবা ঈশিং ফংফমশিং মতম কুইনা শীজিন্নবা য়ানবগীদমক লৈজরিবা ঈশিং ফংফমশিংগী ফীভম ফগৎহনবগী তঙাইফদবা ৱাফম ফোঙদোক্লদুনা, কেন্দ্র মন্ত্রীনা অরৈবা ফন্দশিং মওং চুম্না খুঙ্গংগী থাক্তা শীজিন্ননবগীদমক এম.জি.এন.আর.জি.এস., এস.বি.এম. (জি.), ২০২০-২১ মনুংগী পি.আর.আই.শিংদা পীবা ১৫শুবা এফ.সি. গ্রান্ত, দিস্ত্রিক্ত মিনরেল দেভেলপমেন্ত ফন্দ, সি.এ.এম.পি.এ., লোকেল এরিয়া দেভেলপমেন্ত ফন্দনচিংবা তোঙান তোঙানবা প্রোগ্রামশিং পুনশিন্ননবা হায়খি‍। স্তেত অসিনা ইং ২০২০-২১গী মনুংদা পি.আর.আই.শিংদা পীবা ১৫শুবা ফাইনান্স কম্মিসনগী গ্রান্তগী মখাদা লুপা করোর ২৩১ ফংনিংঙাই লৈ; মসিগী চাদা ৫০দি ঈশিং অমদি সেনিতেসনদা শুকশোয় শোয়দনা শীজিন্নগদবনি‍।

জল জীবন মিসনগী মখাদা দিস্ত্রিক্ত অমদি স্তেতকী থাক্তা লৈবা ৱাতর ক্বালিতী তেস্তিং লেবোরেতরীশিংদা অহেনবা মীৎয়েং থম্লি‍। ঈশিংগী ক্বালিতী য়েংশিন্নবগীদমক কম্ম্যুনিতী য়াওনা হোৎনরি‍। কম্ম্যুনিতীশিং মপাঙ্গল কনখৎহন্দুনা অমদি শরুক য়াহন্নবগী থৌরাং লৌখৎলদুনা কিতশিং মতম চানা লৌবা, কিতশিং কম্ম্যুনিতীদা সপ্প্লাই তৌবা, খুঙ্গং খুদিংমক্তা য়ামদ্রবদা নুপী মঙা খঙদোকপা, লোকেল ওইনা ঈশিং তেস্ত তৌবা য়াননবা ফিল্দ তেস্ত কিত শীজিন্নবগী মীওই মঙাদা মরুওইনা নুপীশিংদা ত্রেনিং পীবা অসিনচিংবা মখল কয়াগী থৌরাংশিং পায়খৎনবা হোৎনরি‍।

জল শক্তি মন্ত্রীনা অরুনাচল প্রদেশ সি.এম.দা স্তেত অদুবু চাদা ১০০ এফ.ঐচ.তি.সি.গী স্তেত হায়বদি ‘য়ুমথোঙ খুদিংদা ঈশিং’ স্তেত ওইহন্নবা হোৎনবদা মতেং মপুং ফানা পাংগনি অমদি জে.জে.এম.গীদমক থৌরাং য়াৎপা অমদি পায়খৎপগী মতাংদা সি.এম.গা ভিদিও কন্ফরেন্সিংগী খুত্থাঙদা অথুবা মতমদা খন্নবা পাম্মী হায়না ফোঙদোকখি‍।

*****