নুংতিগী পুন্সিদা স্তেতিস্তিক্সকী শীজিন্নফম য়োকখৎনবা অমদি কমদৌনা স্তেতিস্তিক্সনা থৌশিল থৌরাং শেম্বদা মতেং ওইবগে হায়বদু মীয়ামদা খঙহন্নবগী পান্দমদা লৈঙাক অসিনা স্তেতিস্তিক্স দেগী থৌরম পাঙথোক্তুনা লাক্লি‍। মসি লৈবাক্কী থাক্তা পাঙথোক্কদবা অখন্নবা নুমিৎ অমা ওইনা থমদুনা জুন ২৯দা প্রোফেসর পি.সি. মহালানোবিসনা নেসনেল স্তেতিস্তিকেল সিস্তেম শেমগৎপদা মরুওইবা থৌদাং লৌরম্বদু শকখঙবা ওইনা মহাক্কী মপোক কুমওনদা পাঙথোক্লি‍।

মালেমগী কোবিদ-১৯ লাইচৎকী মতাংদা চত্থোক চৎশিনগী অমদি চেকশিন থৌরাংগী লৈরিবা পাউতাকশিংদা মীৎয়েং থমদুনা চহী অসিগী ওইনদি স্তেতিস্তিক্স দে, ২০২০ অসি ভর্চুএল ওইনা পাঙথোক্লগনি‍। স্তেতিস্তিক্স এন্দ প্রোগ্রাম ইম্প্লিমেন্তেসন মন্ত্রালয় অমদি প্লান্নিং মন্ত্রালয়গর কেন্দ্রগী রাজ্য মন্ত্রী (ইন্দিপেন্দেন্ত চার্জ) রাও ইন্দর্জিত সিংহনা থৌরম মপু ওইদুনা পাঙথোক্কনি‍। দা: বিবেক দেবরোই, চেয়রমেন, ইকনমিক এদভাইজরী কাউন্সিল তু দি প্রাইম মিনিস্তর এন্দ প্রেসিদেন্ত, কাউন্সিল ওফ ইন্দিয়ন স্তেতিস্তিকেল ইনস্তিত্যুৎ, শ্রী প্রবিন স্রিভাস্তব, চীফ স্তেতিস্তিক্সিয়ন ওফ ইন্দিয়া-কম-সেক্রেতরী, স্তেতিস্তিক্স ওফ ইন্দিয়ন স্তেতিস্তিকেল ইম্প্লিমেন্তেসন, লোয়ননা কেন্দ্র/স্তেত লৈঙাকশিংগী মকোক থোংবা ওফিসরশিং অমদি অতৈ স্তেকহোল্দরশিংসু থৌরমদুদা শরুক য়াগনি‍।

নেসনেল স্তেতিস্তিকেল কম্মিসনগী চেয়রমেন প্রোফেসর বিমল রোই, হকশেল অমদি য়াইফ-য়ুম্বাল মন্ত্রালয়গী সেক্রেতরী দা: প্রীতি সুদান, ইন্দিয়ন স্তেতিস্তিকেল ইনস্তিত্যুৎ দাইরেক্তর প্রোফেসর সঙ্ঘমিত্র বন্দোপধ্যায়, য়ু.এন. ৱুমেন, য়ু.এন. ই.এস.সি.এ.পি.দগী মালেমগী শরুক য়াগদবশিং অমদি অতৈ স্তেকহোল্দরশিংসু ভিদিও কন্ফরেন্সিংগী খুত্থাঙদা শরুক য়াগনি‍।

ইং ২০১৯দা মন্ত্রালয়না কেন্দ্র লৈঙাক্কী, স্তেত লৈঙাক্কী অমদি ইনস্তিত্যুসনশিংগী ওফিসিএল স্তেতিস্তিক্সিয়নশিংনা মশক থোক্না তৌথোরকপা থবকশিং শকখঙবা ওইনা প্রোফেসর পি.সি. মহালানোবিস নেসনেল এৱার্দ ইন ওফিসিএল স্তেতিস্তিক্স কৌবা অনৌবা এৱার্দ অমা লিংখৎখি‍। প্রোফেসর পি.সি. মহালানোবিস নেসনেল এৱার্দ, ২০২০ ফংলিবা মীওই অদু থৌরমসিদা ওক্কনি‍।

চহী অমমম কান্নরগা পীবা প্রোফেসর সি.আর. রাও অমদি প্রোফেসর পি.ভি. সুখতমে এৱার্দকী খুত্থাঙদা ওফিসিএল স্তেতিস্তিকেল সিস্তেমদা কান্না পীবা এপ্লাইদ এন্দ থিওরেতিকেল স্তেতিস্তিক্সগী লমদা পাঙথোকপা অৱাংবা থাক্কী রিছর্চগী কন্ত্রিব্যুসন মন্ত্রালয়না শকখঙলি‍। ইং ২০২০গী ওইনা প্রোফেসর পি.ভি. সুখতমে এৱার্দ ফংগদবা মীওই থৌরমসিদা লাউথোক্কনি‍। স্তেতিস্তিক্সকা মরী লৈনবা হীরমশিংদা লৈবাক্কী থাক্তা পাঙথোকখিবা পোস্ত গ্রেজুএত মহৈরোয়শিংগী ‘ওন দি স্পোত এসে রাইতিং কম্পিতিসন, ২০২০’গী অথোইবশিংসু ওক্কনি‍।

চহী খুদিংগী স্তেতিস্তিক্স দে অসি মতম মতমদুগী লৈবাক্কী ওইনা মরুওইবা থিম য়েংলগা পাঙথোক্তুনা চহী অমা চুপ্না ৱর্কসোপ অমদি সেমিনার কয়া পাঙথোক্তুনা খনগৎলবা হীরমদা অফবা পুরক্নবগীদমক পাঙথোক্লি‍। স্তেতিস্তিক্স দে, ২০১৯গী থিম “সস্তেনেবল দেভেলপমেন্ত গোল্স (এস.দি.জি.) ওইখি অমদি মদু মখা শমথরকপা ওইনা স্তেতিস্তিক্স দে, ২০২০কী থিম অসি এস.দি.জি.-৩ (এনস্যুর হেল্দী লাইব্স এন্দ প্রমোত ৱেল-বিইং ফোর ওল এত ওল এজেজ) এন্দ এস.দি.জি.-৫ (এচীভ জেন্দর ইক্বেলিতী এন্দ এম্পৱার ওল ৱুমেন এন্দ গর্লস) ওইনা খল্লে‍।

রিপোর্ত ওন স্তেনেবল দেভেলপমেন্ত গোল্স-নেসনেল ইন্দিকেতর ফ্রেমৱর্ক (এন.আই.এফ.) প্রোগ্রেস রিপোর্ত ২০২০ (ভর্জন ২.১)গী অপদেত তৌরবা ভর্জন থৌরম অসিদা ফোঙদোক্কনি‍। রিপোর্ত অদুগা লোয়ননা ইন্দিয়ন স্তেতিস্তিকেল সর্ভিসেস কেদর মেনেজমেন্ত পোর্তেলসু জুন ২৯, ২০২০দা হৌদোক্কনি‍।

থৌরম অসিনা মীয়ামদা, মরুওইনা নহারোলশিংদা খুন্নাই-শেন্মিৎলোনগী শেম শাবা অমদি থৌশিল শেম্বদা স্তেতিস্তিক্সকী থৌদাংগী মতাংদা লৌশিং পোকহনগনি হায়না পানরি‍।

*****