জুন ২৬, ২০২০গী অয়ুক্তা ঝুনঝুনু (রাজস্থান)দা কৌজেং মপৈ পাইরকপা উবদগী কৌজেংশিংদুবু মুথৎনবা কাংবু থাজিনখি। লেমহৌবা কৌজেংশিংনা অমুক পুনশিনখিদুনা ঙরাং নুমিদাং ৱাইরমদা হরিয়ানাগী রেৱারিদা থুংখি, মসিগী মতুংদা ঙরাংদগী ঙসিগী অঙনবা অয়ুক ফাওবদা লাকশিন্নবা থৌরাংশিং লৌখৎখি। লেমহৌরিবা কৌজেংশিংনা অমুকসু পুনশিনলবা মতুং কাংলুপ অহুম থোক্না খায়দোক্তুনা মখোয়গী মনুংদা অমনা গুরুগ্রামদা পাইখি অমসুং মফম অসিদগী ফরিদবাদতা অমসুং তুংদা উত্তর প্রদেশতা চঙশিনখি। অতোপ্পা কৌজেং মপৈ অমনা দিল্লীগী দ্বার্কাদা অদুগা মফম অসিদগী দৌলাতবাদ, গুরুগ্রাম ফরিদবাদ অমসুং মসিদগী উত্তর প্রদেশতা অমুক পাইখি। অহুমশুবা কাংলুপ অসি পলৱাল (হরিয়ানা)দা উখি অমসুং মসিদগী উত্তর প্রদেশলোমদা চঙশিনখি। হৌজিক ফাওবদা কৌজেং মপৈশিং অসি শহরদদি তাবা উদ্রি।

লৌউ-শিংউ মন্ত্রালয়দগী ফংবা পাউগী মতুং ইন্না, কৌজেং মপৈগী কাংলুপ খুদিংমকসি রাজস্থান, হরিয়ানা অমসুং উত্তর প্রদেশকী রাজ্যগী লৌউ-শিংউ বিভাগ, লোকেল এদমিনিস্ত্রেসন অমসুং সেন্ত্রেল লোকস্ত ৱার্নিং ওর্গনাইজেসনগী ওফিসিএলশিংনা চৎফমশিং কুপ্না য়েংশিল্লি অমসুং লাকশিন্নবগী থৌরাংশিং পায়খৎলি। রাজস্থান্দগী অহেনবা লাকশিন্নবগী কাংবু হরিয়ানা অমসুং উত্তর প্রদেশতা চঙশিন্দুনা হায়রিবা রাজ্য অনী অসিদা কৌজেং লাকশিন্নবা থবকশিং পায়খৎলি।

কৌজেংশিং অসিনা নুংথিলগী মতমদা পাইদুনা লৈ অমসুং নুমিদাংগী মমখ্রবা মতমদতা লেপ্পি। গ্রাউন্দ কন্ত্রোল তীম্না মীৎকুপ খুদিংগী য়েংশিল্লি অমসুং মখোয়না হেক পাইবা লেপখিবগা লাকশিন্নবা মরুওইবা থবক থৌরমশিং পায়খৎকনি। উত্তর প্রদেশকী কন্ত্রোল তীমসু মীৎকুপ-নাহুম শিংনা লৈখ্রে।

*****