অৱাংবা থাক্কী গ্রুপ ওফ মিনিস্তর্স (জি. ও. এম.) ওন কোবিদ-১৯গী ১৭শুবা মীফম হকশেল অমদি য়াইফ য়ুম্বালগী কেন্দ্র মন্ত্রী দা: হর্শ বর্ধননা থৌরম মপু ওইদুনা ঙসি মফমসিদা নির্মান ভৱনদা ভিদিও কন্ফরেন্স তৌদুনা পাঙথোকখ্রে‍। কেন্দ্রগী মপান থৌরম পুবা মন্ত্রী দা: এস. জয়সঙ্কর, সিভিল এভিএসন কেন্ত্র মন্ত্রী শ্রী হরদীপ এস. পুরি, অমদি হকশেল অমদি য়াইফ-য়ুম্বালগী রাজ্য মন্ত্রী শ্রী অশ্বিনি কুমার চৌবেসু শরুক য়াখি‍।

জি. ও. এম. অদুদা লৈবাকসিগী হৌজিক হৌজিক ওইরিবা কোবিদ-১৯গী ফীভম, ফগৎলকবা অমদি শিবগী চাং, দব্লিং রেত, তোঙান তোঙানবা স্তেতশিংদা তেস্তিংগী ফীভম ফগৎহনবা অমদি হকশেলগী মচাক মথুমশিং হেনগৎহনবগী মতাংদা চাউরাকপা ৱাফম থমখি‍। হৌজিক্কী ওইনা স্তেত নিপান (মহারাস্ত্র, তামিল নাদু, দিল্লী, তেলঙ্গনা, গুজরাত, উত্তর প্রদেশ, অন্ধ্র প্রদেশ অমদি ৱেস্ত বেঙ্গল)না ভারতকী অপুনবা এক্তিব কেসলোদকী চাদা ৮৫.৫ অমদি অপুনবা মীশিগী চাদা ৮৭ ওইরি‍ হায়বা ৱাফমসু থমখি‍। ঙসিফাওবদা স্তেতশিং অসিদা তেক্নিকেল ওইবা ঙাক্লৌ পীননবা পব্লিক হেল্থ এক্সপর্তশিং/ ইপিদমিওলোজিস্তশিং/ ক্লিনিক্সিয়ানশিং অমদি সেনিয়র জাইন্ত সেক্রেতরী থাক্কী মীওই অমগনা শাবা কেন্দ্রগী কাংবু ১৫ থাজিন্দুনা য়েংশিল্লি‍ হায়বা ৱাফমসু তমখি‍। অতোপ্পা কেন্দ্রগী কাংবু অমসু হৌজিক হৌজিক গুজরাত, মহারাস্ত্র অমদি তেলঙ্গনাদা চত্তুনা কোবিইদ-১৯ লাকশিনবগী পায়খৎলিবা থৌওংশিং য়েংশিল্লি‍। ইতিহাস অমসুং আরোগ্য সেতুনা কন্তেক্ত ত্রেসিং অমদি ওইরকপা য়াবা হোৎস্পোৎ মফমশিং খঙদোকপদা কান্নরিবা অমদি মদুবু স্তেত/য়ু.তি. লৈঙাকশিংনা কোবিদ-১৯ লাকশিন্নবগী লাল্লোং য়াৎপদা পাক শন্না শীজিন্নরি হায়বা ৱাফমসু জি. ও. এম. অদুদা থমখি‍।

গ্রুপ ওফ মিনিস্তর্স অদুদা স্তেত/য়ু.তি.শিংদা লেপ্পা নাইদনা পাউ ফাওদোক্নরিবা মরুওইবা মীৎয়েং থম্লিবা ৱাফমশিংদি অকনবা কন্তেন্তমেন্তকী থৌরাং অমদি সর্ভিলেন্স; তেস্তিং কেপাসিতী মপুং ফানা শীজিন্নবা; অতোপ্পা লায়না লৈবা অমদি অহল ওইরবা মীওইশিংদা অহেনবা মীৎয়েং থমবা; আরোগ্য সেতুগুম্বা দিজিতেল খুৎলায়শিং শীজিন্নদুনা হোৎস্পোৎ ওইরক্লিবা মফমশিং মাঙজৌননা খঙদোকপা; অয়েৎ অপন লৈতবা অনাবা মীওইশিং এদমিসন তৌবগী থৌওং পায়খৎপা; ক্লিনিকেল মেনেজমেন্ত নীংথিনা তৌদুনা খুদোংথিবা থোকপগী চাং হন্থহনবা; মচাক মথুম শেম শাদুনা থমবদা মীৎয়েং থমবা (ক্রিতিকেল কেয়র বেদশিং, ওক্সিজেন ভেন্তিলেতরশিং অমদি লোজিস্তিক); অমদি নন-কোবিদ হেল্থকেয়র সর্ভিসশিং শোকহন্দনবা হোৎনবাশিং অসিনা হায়না পাউদমখি‍।

দা: ভ্রাগব, দি. জি. (আই. সি. এম. আর.)না আই. সি. এম. আর.গী তেস্ত তৌবগী লাল্লোংগী মতাংদা মচা খায়বা ৱাফম থমখি‍। মহাক্না সোরোলোজিকেল সর্ভেগী মতাংদা অমদি তোঙান তোঙানবা তেস্তকী খুত্থাঙদা নুমিৎ খুদিংগী হেনগৎলক্লিবা তেস্ত কেপাসিতীগী মতাংদসু শন্দোক্না তাকখি‍। হৌখিবা পুং ২৪দা তেস্ত তৌখিবা সেম্পল মশীং ২,২০,৪৭৯দা হেনগত্তুনা ঙসিফাওবদা তৌখিবা অপুনবা তেস্ত মশীং ৭৯,৯৬,৭০৭ য়ৌখ্রে‍। ভারত্তা হৌজিক কোবিদ-১৯গীদমক্তা লৈবা দাইগ্নোস্তিক লেব ১০২৬ লৈ‍। হায়রিবা অসি লৈঙাক্কী ৭৪১ অমদি লনাইগী লেব ২৮৫ পুল্লগনি‍, হায়না মহাক্না হায়খি‍।

লৈবাকসিদা হেনগৎলক্লিবা মেদিকেল ইন্ফ্রাস্ত্রকচরগী ৱাফম থম্লদুনা জি. ও. এম. অদুদা জুন ২৭, ২০২০ ফাওবদা অসি আইসোলেসন ফমুং ১,৭৬,২৭৫, আই. সি. য়ু. ফমুং ২২,৯৪০ অমদি ওক্সিজেন সপ্পোর্ত য়াওবা ফমুং ৭৭,২৬৮ লৈরবা কোবিদ দেদিকেতেদ হোস্পিতাল ১০৩৯ লৈদুনা কোবিদকা মরী লৈনবা হকশেলগী মচাক মথুমশিং ফগৎলে; আইসোলেসন ফমুং ১,৩৯,৪৮৩, আই. সি. য়ু. ফমুং ১১,৫৩৯ অমদি ওক্সিজেন সপ্পোরত য়াওবা ফমুং ৫১,৩২১ লৈরবা কোবিদ হেল্থ সেন্তর ২,৩৯৮ মথৌ তৌরে‍। মসিগী মথক্তা ফমুং ৮,১০,৬২১ লৈবা কোবিদ কেয়র সেন্তর ৮,৯৫৮সু লৈবাকসিদা কোবিদ-১৯ লান্থেংননবা লৈরে‍। হায়রিবা স্তেত/অউ.তি. সেন্ত্রেল ইনস্তিত্যুসনশিংদা কেন্দ্রানা এন.৯৫ মাস্ক লাখ ১৮৫.১৮ অমদি পর্সোনেল প্রোতেক্তিব ইকুইপমেন্ত (পি. পি. ই.) লাখ ১১৬.৭৪সু পীখ্রে‍।

এম্পৱর্দ গ্রুপ-১০গী চেয়রমেন শ্রী কে. শিবাজিনা পীখিবা মচা খায়বা প্রজেন্তেসসন অমদি, জি. ও. এম. অদুদা কোবিদ-১৯গা মরী লৈনবা মীয়ামগী ৱাকৎশিং কোকহনবগী মতম থুনা ফংহন্নবগীদমক অতৈ ৱাকৎশিংগী লৈরিবা নুমিৎ ৬০নিদগী নুমিৎ হুম্নিদা হন্থহল্লে হায়না পাউদমখি‍। কোবিদ-১৯গী মীয়ামগী ৱাকৎশিংখক্তা য়েংশিন্নবগীদমক্তা এপ্রিল ১, ২০২০দা কোবিদ-১৯গী নেসনেল দেশবোর্দ হৌদোকখ্রে‍। চার্চ ৩০দগী জুন ২৪, ২০২০ ফাওবগী মতমদা এম্পৱর্দ গ্রুপ অসিনা কেন্দ্রগী মন্ত্রালয়শিংগী মতাংদা লাকপা ৱাকৎ ৭৭,৩০৭গী মনুং দা চাদা ৯৩.৮৪ স্তেত লৈঙাকশিংগী মতাংদা লাকপা ৱাকৎ ৫৩,১৩০গী মনুংদা চাদা ৬৩.১১ লোইশিনখ্রে‍।

হেল্থ সেক্রেতরী মিস প্রীতি সুদন, ও. এস. দি. (এম. ও. ঐচ. এফ. দব্লিউ.) শ্রী রাজেশ ভুষন, সি. ই. ও. (নিতি আয়োগ) শ্রী অমিতাব কান্ত, সেক্রেতরী (ফার্মা) শ্রী পি. দি. ভগেলা, সেক্রেতরী (দি. দব্লি. এস.) শ্রী পরমেস্বরন ঐয়র, দি. জি. ঐচ. এস. (এম. ও. ঐচ. এফ. দব্লিউ.) দা: রাজিব গর্গ, এদিসনেল সেক্রেতরী (এম. ও. ঐচ. এফ. দব্লিউ.) মিস আর্তি অহুজা, এদিসনেল সেক্রেতরী (এম. ই. এ.) শ্রী দাম্মু দবি, দাইরেক্তর (এন. সি. দি. সি.) দা: এস. কে. সিংহসু ভর্চুএল মেদিয়াগী খুত্থাঙদা শরুক য়াখি‍।

****