সোসিয়েল জস্তিস অমসুং ইম্পৱার্মেন্ত মন্ত্রালয়
নশা মুক্ত ভারত: খ্বাদগী শোকহল্লবা দিস্ত্রিক্ত ২৭২গী চহিগী এক্সন প্লান (২০২০-২১) ঙসি মালেমগী দ্রগ শীজিন্নবা অমসুং আইননা য়াদবা ত্রাফিক্কিংগী মায়োক্তা লৈবা নুমিৎ অসিদা ই-লোঞ্চ তৌখ্রে
Posted On:
26 JUN 2020 6:34PM by PIB Imphal
“নশা মুক্ত ভারত: খ্বাইদগী শোকহল্লবা দিস্ত্রিক্ত ২৭২গী চহিগী এক্সন প্লান (২০২০-২১)” সোসিএল জস্তিস অমসুং এম্পাৱরমেন্তগী স্তেৎকী মন্ত্রী শ্রী রত্তন লাল কতারিয়ানা “মালেমগী দ্রগ শীজিন্নবা অমসুং আইননা য়াদবা ত্রাফিক্কিংগী মায়োক্তা লৈবা নুমিৎ”কী থৌরমদা ঙসি ই-লোঞ্চ তৌখ্রে। থৌরম অসিদা মহাক্না নেসনল এক্সন প্লান ফোর দ্রগ দিমান্দ রিদক্সনগী লোগো অমদি তেকলাইন অমসুং দ্রগ শীজিন্নবা ঙাকথোক্নবা পুথোকপা ভিদিও স্পোৎ ৯ ফোঙখি। এম/ও এস.জে.অমসুং ই.গী সেক্রেতরী শ্রী আর. সুব্রামনিয়ম অমসুং জোইন্ত সেক্রেতরী কুমারি রাধিকা চক্রাৱর্তী শরুক য়াখি। স্তেৎ সরকারশিংগী মীহুৎশিং অমসুং এন.জি.ও.শিংনসু ওনলাইনদা শরুক য়াখি।
থৌরম অসিদা ৱা ঙাংলদুনা, শ্রী রত্তন লাল কতারিয়ানা হায় সোসিএল জস্তিস অমসুং এম্পাৱরমেন্তগী মন্ত্রালয়না চহি খুদিংগী জুন ২৬তা “মালেমগী দ্রগ শীজিন্নবা অমসুং আইননা য়াদবা ত্রাফিক্কিংগী মায়োক্তা লৈবা নুমিৎ” পাল্লন তৌরি। খুদোংচাদবা অদু য়েংশিন্নবা, ঙাকথোক্নবা খোংথাং, লায়েং অমসুং এদিক্তশিংগী রিহেবিলিতেসন, ই-পাউ অমসুং মীয়ামদা এৱের্নেস য়ৌহনবা য়াওনা দ্রগ শীজিন্নবদগী ঙাকথোক্নবা হীরম পুম্নমক অসিগী থবক তৌরিবা অমসুং য়েশিল্লিবা অসি দ্রগ দিমান্দ রিদক্সনগী ওদেল মন্ত্রালয় অসিননি।
নশা মুক্ত ভারতকী ২০২০-২১গী চহিগী এক্সন প্লাননা খ্বাইদগী শোকহল্লবা দিস্ত্রিক্ত ২৭১ (এন্নেকচরদা পীরি)দা মীৎয়েং চংগনি অমসুং নার্কোতিক্স ব্যুরো, সোসিএল জস্তিসকী আউৎরীচ/এৱের্নেস অমসুং হকশেল বিভাগকী খুত্থাংদা লায়েংদুনা পুন্না হোৎন্দুনা মাইকৈ অহুমদগী লান্থনবা শেমশাদুনা হৌদোকখ্রে। এক্সন প্লান অসিদা মখাগী মচাকশিং অসি য়াওরি: এৱের্নেস পীনবা প্রোগ্রাম; হাইয়র ইদুকেস্নেল ইন্সতিত্যুসনশিং, য়ুনিভর্সিতিগী মফমশিং অমসুং স্কুলশিংদা মীৎয়েং থম্বা; কম্ম্যুনিতি আউৎরীচ তৌবা অমসুং মীপাল তাংদুনা হিংলিবা মীওইশিং খঙদোকপা; হোস্পিতালশিংদা লায়েংবগী খুদোংচাবা পীবদা মীৎয়েং চংবা; অমসুং সর্ভিস ফংহল্লিবগী কেপাসিতি বল্দিং প্রোগ্রামশিং।
ভারত্তা সবস্তেন্স য়ুস তৌবগী মওং মতৌগী নেসনল সর্ভেকী ফাইন্দিং অমসুং সপ্লাই তৌবনা শোকহনবা য়াবা নার্কোতিক্স কন্ত্রোল ব্যুরোনা পীবা দিস্ত্রিক্তশিংগী লিস্ততা য়ুম্ফম ওইরগা সোসিএল জস্তিস অমসুং এম্পাৱরমেন্তগী মন্ত্রালয়না লৈবাক অসিগী শোকহল্লবা দিস্ত্রিক্তশিংদা য়েংশিন্নবা প্রোগ্রামশিং লৌখৎলি লোয়ননা অঙাংশিং অমসুং নহাশিংদা দ্রগ শীজিন্নবনা থোকহল্লকপা ফত্তবা অদুগী মতাংদা এৱের্নেস পীবা; মীয়াম্না শরুক য়াবা অমসুং মীয়াম্না মতেং পীবা হেনগৎহনবা; হান্না লৈরবা মন্ত্রালয়না মতেং তৌরিবা দি-এদিক্সন সেন্তরশিং (আই.আর.সি.এ.শিং)গী মথক্তা দি-এদিক্সন সেন্তরশিং হাংনবা সরকারগী হোস্পিতালশিংদা মতেং পীবা; অমসুং শরুক য়ারিবা মীওইশিংগী ত্রেনিং প্রোগ্রাম পাঙথোকপদা পান্দম থম্লি হায়না মহাক্না ফোঙদোকখি।
মন্ত্রীনা হায়খ্রে মদুদি মহাক্কী মন্ত্রালয়না ভোলুন্তরী ওর্গনাইজেসনশিংগী খুথাংদা লাইচুরবশিং খন্দোকপা, লায়েং চত্থবা অ,সুং রিহেবিতেসন তৌনবা কম্ম্যুনিতিদা য়ুমফম ওইবা সর্ভিসশিং পীরি। মসিনা এন.জি.ও.শিংদা দি-এদিক্সন সেন্তরশিং চলাইনবা লৈবাক শিনবা থুংনবা শেলগী তেংবাং পীরি। মন্ত্রালয়না দ্রগ শিজিন্নবা মীওই, মখোয়গী ইমুং মনুং অমসুং খুনাইদা পাক শন্না মতেং তৌনবা মন্ত্রালয় অসিনা ২৪x৭গী নেসনল তোল ফ্রী দ্রগ দি-এদিক্সন হেল্পলাইন নুম্বর ১৮০০১১০০৩১ থমদুনা দ্রগ শীজিন্নবগী ভিক্তিমশিং, মখোয়গী ইমুং-মনুং অমসুং খুন্নাই অসি চাওনা মতেং পাংলগনি।
মন্ত্রালয় অসিনা ২০১৮-২০২৫কী নেসনল এক্সন প্লান ফোর দ্রগ দিমান্দ রিদক্সন অমসু শেমখ্রে মসিদা ইদুকেসন, শোকহল্লবা মীওইশিং অমসুং মখোয়গী ইমুং মনুংশিংগী দি-এদিক্সন অমসুং রিহেবিলিতেসন য়াওবা মখল কয়াগী ললোংগী খুত্থাংদা দ্রগ শীজিন্নবনা থোকহল্লকপা অৱাবা কয়া হন্থহনবা পান্দম থম্লি হায়না শ্রী কতারিয়ানা ফোঙদোকখি। ঙাকথোক্নবা ইদুকেসন অমসুং এৱের্নেস পীবা, কেপাসিতি হেনগৎহনবা, লায়েংবা অমসুং রিহেবিলিতেসন, ক্বালিতি ফগৎহনবা, শোকহল্লবা মফমশিংদা অহেনবা মীৎয়েং চংবা, স্কিল হেনগৎহনবা, ভোকেস্নেল ত্রেনিং অমসুং দ্রগ শীজিন্নরামবা মীওইশিংগী হিংনবগী পাম্বৈশিংদা মতেং পাংবা, স্তেৎ/য়ু.তি.গী অখন্নবা মীৎয়েংশিং, সর্ভেশিং, লাইরিক লাইশু, ইভাল্যুএসন অমসুং রিসর্চ অসিনচিংবা মচাকশিং এক্সন প্লান অসিদা য়াওরি।
দ্রগ শীজিন্নবা অমসুং আইননা য়াদবা ত্রাফিক্কিং তৌবা অসি খুন্নাই অসিদা থেংনরিবা অৱাবা অমনি মরম অসিনা নহাশিংদা মীৎয়েং থমবগা লোয়ননা হকশেল বিভাগকী ওফিসিএলশিংগা লোয়ননা মীয়ামগা পুন্না হোৎনবা তাই হায়না শ্রী সুব্রামনিয়ম মহাক্কী ৱারোলদা থমখি। প্রোগ্রাম অসিগী ফন্দ অসি ২০১৭-১৮গী চহিদা লুপা কোতি ৪৯ ওই অমসুং হৌজিক ২০১৯-২০গী চহিগীনা লুপা কোতি ১১০ ওইরে অমসুং শরুক ৫ হেন্না হেনগৎতুনা ২০২০-২১দা চহিগী লুপা কোতি ২৬০ ওইখ্রে। দ্রগ শীজিন্নবগী অঞসুং আইননা য়াদবা ত্রাফিক্কিং তৌবা অসিগী খুদোংথিবা অসি মায়োক্ননবা ঐখোয়না হোৎনৈ হায়বা উৎলি।
ওইহল্লক্লিবা ফীভম অসি য়েংলগা দ্রগ শীজিন্নবনা ওইহল্লক্লিবা খুদোংচাদবা অসি কোকহন্ননবা সরকারনা তোঙান তোঙানবা থাক্তা পুন্না খোংথাং লৌখৎপা মথৌ তারি, খন্দোক্লবা মফমশিংদ্রগ দিমান্দ রিদক্সনগী মীয়ামগী অপাম্বা অমসুং অখন্নবা থৌরাং অমসুং চান্নবা লালোংশিং খন্নরবা মতুংদা মন্ত্রালয়না স্তেৎ সরকারদা প্লান অমসুং অখন্নবা পাম্বৈশিং লৌখৎনবা খঙহনখ্রে। এন.এ.পি.দি.দি.আর.গী মখাদা লৈবা প্রোগ্রামশিং মপুং ফানা ইমপ্লিমেন্ত তৌনবা য়েংশিনবদা স্তেৎ সরকারশিংসু য়াওরি।
কোবিদ-১৯ লাইচৎনা মরম ওইদুনা সোসিএল জস্তিস অমসুং এম্পাৱর্মেন্ত মন্ত্রালয়না ঙসি মালেমগী দ্রগ শীজিন্নবা অমসুং আইননা য়াদবা ত্রাফিক্কিংগী মায়োক্তা লৈবা নুমিৎকী থৌরম অসিদা য়ু অমসু সবস্তেন্স (দ্রগ) থীংবগী লমদা থোইদোক হেন্দোক্না থৌদাং লৌখিবশিংগী নেস্নল এৱার্দশিংগী প্রজেন্তএসন পাংথোকপা ঙমখিদ্রে।
এনক্লোজর: “নশা মুক্ত ভারত: এন্যুল এক্সন প্লান (২০২০-২১)”গী খনগৎলবা ভারতকী খ্বাইদগী শোকহল্লবা দিস্ত্রিক্ত ২৭২গী লিস্ত।
*****
(Release ID: 1634732)
Visitor Counter : 276