পেত্রোলিয়ম অমসুং নেচরেল গ্যাস মন্ত্রালয়

চান্দিগরদা বত্তরী শীন্দোকপগী খুদোংচাবা পীরিবা ক্বিক ইন্তর্চেঞ্জ সর্ভিস শঙ্গাখ্রে

লৈবাক অসিদা ইলেক্ত্রিক মোবিলিতী হেনগৎনবা তেক্নোলোজী শীজিন্নগদবনি: শ্রী ধর্মেন্দ্র প্রধান

Posted On: 26 JUN 2020 1:34PM by PIB Imphal

পঞ্জাবকী গভর্নর লোয়ননা য়ু.তি., চান্দিগরগী এদমিনিস্ত্রেতর শ্রী ভি.পি. সিংহ বাদনোরনা পেত্রোলিয়ম অমসুং নেচরেল গ্যাস অমসুং স্তীলগী মন্ত্রী শ্রী ধর্মেন্দ্রা প্রধানগা লোয়ননা চান্দিগরদা ঙসি বত্তরি শীন্দোকপগী খুদোংচাবা পীরিবা ক্বিক ইন্তর্চেঞ্জ সর্ভিস (ক্ব্যু.আই.এস.) শঙ্গাখ্রে। পেত্রোলিয়ম অমসুং নেচরেল গ্যাস মন্ত্রালয়গী সেক্রেতরী, শ্রী তরুন কপুর, ইন্দিয়ন ওইলগী চিয়র্মেন শ্রী সঞ্জিব সিংহ, পেত্রোলিয়ম অমসুং নেচরেল গ্যাস মন্ত্রালয়, য়ুনিয়ন তেরিতরী ওফ চান্দিগর অমসুং আই.ও.সি.এল.গী ওফিসরশিং ওনলাইনগী থোংদা শীনখিবা থৌরম অসিদা শরুক য়াখি।

https://static.pib.gov.in/WriteReadData/userfiles/image/image001H18D.jpg

 

বত্তরী শীন্দোকপগী তেক্নোলোজী অসিনা চার্জ তৌবদা তপ্পাগী খ্বাইদগী ফবা অতোপ্পা পাম্বৈ অমসুং চল্লাইবা য়ারিঙৈ মতমদা দ্রাইবরশিংনা য়াম্বা শীজিন্নবদা মতেং পাংঙি। বত্তরী শীন্দোকপগী মোদেল অসিনা ললোন ইতিক্কী শরক্তা অয়াম্বনা পান্দম থম্লি মদুদি ইলেক্ত্রিক ওতোশিং, রক্সোশিং অমসুং ইলেক্ত্রিক ২দবল্যু.শিংদসু অমসুং ফেক্তরীদগী ফিত্তিং তৌরবা নত্রগা রিত্রোফিত্তিং তৌরবা ইলেক্ত্রক গারিশিং। খনগৎলবা সহরশিংগী ইন্দিয়ন ওইল রিতেল আউৎলেৎশিংসা বত্তরী শীন্দোকপগী মোদেল অসিগী খুত্থাংদা ইলেক্ত্রিক গারিগীদমক্তা ইনর্জি ইনফ্রাস্ত্রকচর লীংখৎনবা ইন্দিয়ন ওইলনা এম/এস সন মোবিলিতীগা লোয়ননা নন-বাইন্দিং ওইবা স্ত্রেতেজিক কোওপরেসন দোক্যুমেন্ত অমা খুৎয়েক পীনখ্রে। ইন্দিয়ন ওইলনা পিলোৎ অমা চল্লাইদুনা ভারতকী খনগৎলবা সহরশিংদা ২০দগী ২৫ ফাওবগী ক্বিক ইন্তর্চেঞ্জ স্তেসনদা ই-রিক্সোশিং, ই-কার্তশিং অমসুং ই-বাইকশিং অমসুং ই-ওতো রিক্সোশিং য়াওনা গারিগী সপ্পোর্ত অমসুং সর্ভিস এস.এম.পি.এল.শিং (স্মার্ত মোবিলিতী প্রোপ্রাইতরী সোলুসন্স)না পীরি। ন্যু দিল্লী,গুরুগ্রাম, বেঙ্গলুরু, চান্দিগর, অম্রিৎসর, অতৈ অতোপ্পা য়াওনা অচৌবা সহরশিংদা ক্ব্যু.আই.এস. ২০ ইনস্তোল তৌনবা সন মোবিলিতীনা থৌরাংশিং তৌরি। পাইলোৎ আর.ক্ব্যু.শিং-কব্যু.আই.এস. অসি বত্তরী ১৪, হান্না লোদ তৌরবা কার্দশিং শীন্দোকনবা তচ স্ক্রীন অমা অমসুং ইলেক্ত্রিসিতি সব মীতর অমা য়াওই।হায়রিবা ক্ব্যু.আই.এস. অসিনা চকা ৩ পানবা গারিগী অতোপ্পা ইনর্জিগী পাম্বৈ অমা পীবা অমসুং বারতকী শেন্মীৎলোন চাওখৎহনবদা মরু ওইবা থৌদাং লৌরি। খোংথাং অসিনা ইনর্জি সেক্তর অসিনা কারবোন ন্যুত্রেল কলচরগী মায়োলদা চৎহন্দুনা অহোংবা অমা পুরকপা ঙম্লগনি।

থৌরম অসিদা ৱা ঙাংলদুনা, শ্রী প্রধাননা হায়, “ইন্দিয়ন ওইল অমসুং সন মোবিলিতীনা চুংশিন্নদুনা চাউখৎলবা অমসুং ফজকরবা সহর ওইরিবা চান্দিগরদা পাইলোৎ অমা ওইনা ফেসিলিতি অসি লীংখৎপাদা ঐহাক নুংঙাইবা পোকই।” ই.ভি.গী ইকোসিস্তম অসি চাওথোকহনবা অপাম্বা ফোঙদোক্লদুনা মহাক্না হায়, “লৈবাক অসিদা ইলেক্ত্রিক মোবিলিতী হেনগৎনবা অনৌবা তেক্নোলোজী শীজিন্নগদবনি অমসুং মসি হোংনা ফঙহনগদবনি।” মসিনা ইকাইখুম্নরবা প্রধান মন্ত্রীগী আত্মানির্ভার ভারতকী ৱাখল্লোন অসিগী মাইকৈদা চৎলিবা খোংথাং অমসু ওইরে হায়না মহাক্বা মখা তাখি।

 

https://static.pib.gov.in/WriteReadData/userfiles/image/image002FSW8.jpg

 

ভারতনা অফবা ইনর্জিদা কত্থোকপগী মরমদা পল্লদুনা মহাক্না হায়, “মরু ওইবা পোলুসন থোকহনবা লৈবাক অমা ওইদ্রবসু লৈবাক অসিদা পোলুসনগী লেভেল হন্থহন্নবা কোপ-২১দা মশামক কত্থোক্লি। মাইকৈ অসিদা রিন্যুৱেবল ইনর্জিগী স্তেনেবল মোদেলশিং ঐখোয়না ওথোক্লি অমসুং বি.এস-VI ফ্যুল হৌদোকপা, সি.এন.জি.গী নেতৱার্ক অমসুং পি.এন.ই. স্তেসন শন্দোকপা মী অয়াম্বদা এল.পি.জি.ফঙহনবা, ইথানোল ব্লেন্দিং ২০% তার্গেৎ তৌবা, শিজিন্নরবা চাক থোংনবা থাওদগী বাইওদিজল পুথোকপা অমসুং মোবিলিতিগী থবক থৌরমশিংগী সোলর ইনর্জি আক-শন্না শীজিন্নবা খোংথাংশিং লৌখৎলি। ”

মহাক্না মখাতানা হায় “ভারত অসি মালেমদা ইনর্জি খ্বাইদগী য়াম্না শিজিন্নবা অহুমশুবা লৈবাক্নি”। ঐখোয়গী ইনর্জি শিজিন্নবগী চাং অসি হেনগৎলক্কনি। প্রধান মন্ত্রী নরেন্দ্র মোদীগী লুচিং মখাদা ঐখোয়গী সরকারনা ভারতকী প্রজা মীয়ামগী ইনর্জি জস্তিস পীনবা হোৎনরি মসিনা হায়বদি মীওই খুদিংমক্তা মরাং কায়না, মমল হোংনা অমসুং খুদোংচাবগা লোয়ননা অফবা ইনর্জি পীবনি। ভারতনা প্রজা মীয়ামদা সস্তেনেবিলিতি বেলেন্স তৌরগা ইনর্জি জস্তিস পীগদবা ইনর্জি ত্রাঞ্জিসনগী অফবা লম্বেল অমা য়াৎলি। ঐখোয়গী খুনাই অসি শোত্থরবা খুনাই অমনি অমসুং লৈবাক অসিগী পোত্থোকশিংদা মীৎয়েং চংবগা লোয়ননা অফবা, অহোংবা, মল্তি সোর্স অমসুং মল্তি-দাইমেনস্নেল ইনর্জি সোলুসনশিং আত্মনির্ভর ভারততা লৈরগনি”।

ভারতকী খ্বাইদগী লু-নানবা সহরশিংগী মরক্তা অমদা বেত্তরি শিন্দোকপগী সর্ভিস থম্নবা ইন্দিয়ন ওইলগী খোংথাং অসিবু থাগৎলদুনা মন্ত্রীনা হায় ও.এম.সি.শিংনা তুংদা কনভেনস্নেল ফোসিল ফ্যুলশিংখক য়োল্লগা লৈরোই সি.এন.জি., এল.এন.জি., পি.এন.জি.,সু য়োনগনি অমসুং ইলেক্ত্রিক চার্জিং স্তেসনশিং ওইনসু মথৌ তৌগনি।

শ্রী ভি.পি. বদনোর, পঞ্জাবকী গভর্নর অমসুং য়ু.তি. চন্দিগরগী এদমিনিস্ত্রেতরনা হায় দিবেলপমেন্ত অসিনা মহৌশাগী অকোয়বগী ফীভম য়েংশিনবগা লোয়ননা খুনাইগী মথৌ তাবা শেন্মীৎলোনসু য়েংশিনগনি। খোংথাং অসি থাগৎলদুনা মহাক্না হায় ইলেক্ত্রিক মোবিলিতি স্তেসনশিংনা ইমিসনশিং হন্থহল্লগনি, নুংশিৎ অমসুং খোঞ্জেলগী পোলুসন হন্থহল্লগনি অমসুং অইং-অশাগী খল কাইহন্দনা থম্বদা মতেং পাংলগনি। শ্রী বদনোরনা স্তেকহোল্দর খুদিংমক্না ইলেক্ত্রিক মোবিলিতি শিজিন্নবা অমসুং অৱাংবা থাক্তা পুখৎনবা অমসুং লু-নানবা শহর অমসুং অফবা মফম অমা ওইহন্নবা ফোঙদোকখ্রে। মহাক্না গ্যাস ইনফ্রাস্ত্রকচরশিং (সিএন.জি., এল.পি.জি., পি.এন.জি.) মপাঙ্গল কনখৎহন্নবা পেত্রোলিয়ম অমসুং নেচরেল গ্যাস মন্ত্রালয়না লৌখৎলিবা খোংথাংশিং অদু ময়াম মমাংদা থাগৎপা ফোঙদোকখি। মহাক্না ইন্দিয়ন ওইলনা কোরোনাগী অৱাবা মতমদা সপ্লাইশিং অৱাৎপা লৈহন্দনা থমখিবা খোংথাংশিং অমসুং মাইগ্রেন্ত শিন্মীশিং মতেং পাংবগীসু থাগৎপা ফোঙদোকখি।

*****



(Release ID: 1634577) Visitor Counter : 74