পাৱরগী স্তেৎ (আই/সি) অমসুং এম.এন.আর.ই. মন্ত্রী শ্রী আর.কে. সিংহনা ঙসি ভিদিও কনফরেন্সকী খুত্থাংদা পাউগী মীফম অমা কৌদুনা পাৱর সেক্তরদা অহোংবা পুরক্নবা প্রপোসজ তৌখিবশিংগী কান্নবা অদু পুথোকখি লোয়ননা চিংনবা অমসুং লান্না খনবা অদু কোকহনখি। অহোংবশিং পুরক্কদোরিবা অসি সেক্তর অসিনা কঞ্জুমরশিংগী ফনবা মাইকৈদা চংশিন্নবা খোংথাংনি মরমদি ঐখোয়না লৈরিবা অসি মীয়ামগী শেবগীদমক্তনি হায়না মহাক্না ফোঙদোকখি। শ্রী সিংহনা হায়, “ঐখোয়না স্তেৎ ইলেক্ত্রিসিতী রিগুলেতরী কম্মিসনস (এস.ই.আর.সি.এস)গী মীহুৎশিং অমসুং চিয়র্মেন খনবনা স্তেৎতগী পাৱর লৌথোকপা লৈতে অমসুং প্রপোজ তৌরিবা অহোংবশিং অসিনা অরোৎবা থমদনা চাওখৎহন্নবা পান্দম থম্লি।”

ইলেক্ত্রিসিতীগী ত্রাফিক ফিক্সেসনগী মতাংদা শেংদোক্লদুনা কেন্দ্রগী পাৱর মন্ত্রীনা হায় ত্রাফিক ফিক্সেসন তৌগী শক্তি অসি অসি এস.ই.আর.সি.শিংদা অদুমক লৈগনি। প্রপোজ তৌখিবা পাৱরগী অহোংবশিং অসিনা থম্লিবা পান্দমদি কঞ্জুমরশিংগী অপাম্বা খঙনা অমসুং পাৱর সেক্তর অসি ফগৎহন্নবা অরোৎবা লৈহন্দবা অমসুং থৌদাং লৌবনি হায়না মহাক্না থমখি। সবসিদি পীবদা স্তেৎতা অথিংবা অমত্তা পীদে হায়নসু মহাক্না থমখি মরমদি স্তেৎনা পীনিংবা সবসিদি অদু পীবা য়াই অদুবু মখোয়না পীবা মতমদা দাইরেক্ত বেনিফিৎ ত্রান্সফর (দি.বি.তি.)গী খুত্থাংদা পীদুনা দিসকোমস অসি ফনা থমদুনা, ত্রান্সফোর্মরশিং অমসুং দিস্ত্রিব্যুসনগী লাইনশিংগুম্বা দিস্ত্রিব্যুসনগী ইনফ্রাস্ত্রকচর, পাৱর লৈবগী শেম পীবা য়েংশিনবা অমসুং ফগৎহনবা ঙমহনগনি অমসুং মীয়ামদা ক্বালিতী লৈবা ইলেক্ত্রিসিতী পীবা ঙমহনগনি।

লৈবাক অমগী শেন্মীৎলোন ফগৎহনবদা মথৌ তাবা খ্বাইদগী মরু ওইবা ইনফ্রাস্ত্রকচরগী মচাক অসি ইলেক্ত্রিসিতীনা ওই হায়বা য়াই। অমরোমদা ঐখোয়না ইলেক্ত্রিসিতী পুথোকপদা অমসুং ত্রান্সমিসনগী সেগমেন্তশিং, দিস্ত্রিব্যুদনগী সেকমেন্তশিং শীংথানিঙাই ওইনা ফগৎতুনা খুঙ্গংদা মৈ ঙালহনবা ১০০% ঙমলবসু অমসুং ইলেক্ত্রিসিতীগী য়ুনিভর্সেল এক্সেস য়ৌবা ঙমগদৌরবসু ফজনা চল্লাইবা ঙমদবা, লিক্ব্যুদিতি, অমসুং ফাইনান্সিএল সোলভেন্সিগী খুদোংচাদবনা কোয়শিন্দুনা লৈরি। হীরম অসিদা পাৱর মন্ত্রালয়না ইলেক্ত্রিসিতী এক্ত ২০০৩গী এমেন্দমেন্ত তৌনবা প্রপোজেল দ্রাফ অমা ইলেক্ত্রিসিতী (এমেন্দমেন্ত) বিল ২০২০গী দ্রাফকী মওংদা মখাদা পীরিবা পানদমশিং য়াওরগা শেমখি –

• কঞ্জুমরগীদমক খনবা

• ইজ ওফ দুয়িং বিজিনেস হেনগৎহনবা

• পাৱর সেক্তর য়োকখৎহনবা

• গ্রীন পাৱর থৌগৎপা

অদুম ওইনমক, ইলেক্ত্রিসিতী এক্তকী প্রপোজ তৌরিবা এমেন্দমেন্ত খরগী মতাংদা তোকঙা অমসুং ৱাখল লান্না লৌনবা শন্দোরক্লি। মখোয়শিং অদুগী ওইবা অচুম্বা ৱাফম থম্বা মরু ওই।

ৱাখল লান্না লৌবা ১: এস.ই.আর.সি.শিংনা এপ্পোইন তৌবগী শক্তি অসি স্তেৎতগী কেন্দ্র সরকারদা চৎখিবা

স্তেৎ ইলেক্ত্রিসিতী রিগুলেতরী কম্মিসনশিংগী মেম্বরশিং/চি্য়র্মেনশিং এপ্পোইন তৌবগী শক্তি অসি স্তেৎ সরকারদগী লৌথোকনবা প্রপোজেল তৌখিবা লৈতে। থোকখিবা দ্রাফ অদুগী মতুং ইন্না স্তেৎ ইলেক্ত্রিসিতী রিগুলেতরী কম্মিসনশিংগী মেম্বরশিং/চি্য়র্মেনশিং এপ্পোইন তৌবগী শক্তি অসি স্তেৎ সরকারদা অদুমক লৈগনি। সেলেক্সন কম্মিতিদা হৌজিক কেন্দ্রগী অমসুং স্তেৎ সরকারদগী মেম্বর মশিং চপ মান্ননা লৈরি – কেন্দ্র সরকারদগী অমা অমসুং স্তেৎ সরকারদগী অমা। প্রপোজ তৌখিবা সেলেক্সন কম্মিতি অসিদসু কেন্দ্রগী অমসুং স্তেৎ সরকারদগী মেম্বর মশিং চপ মান্ননা হন্নগুম লৈগনি। খেনবা অমখক অদুদি সেলেক্সন কম্মিতিদা হাই কোর্তকী থবক্তগী পোথরবা জজনা লুচিংবগী মহুৎতা, সুপ্রিম কোর্তকী সিত্তিং জজ অমনা কম্মিতি অসি লুচিংবা হায়না প্রপোজ তৌখিবা। সেলেক্সন কম্মিতি য়াম্না লৈবগী মহুৎতা, সেন্ত্রেল ইলেক্ত্রিসিতী রিগুলেতরী কম্মিসন অমসুং স্তেৎ ইলেক্ত্রিসিতী রিগুলেতরী কম্মিসনগী ফম অহাংবশিং মেনশিন্ননবা পেনেলশিং লৌখৎনবা সেলেক্সন কম্মিতি অমখক লৈরগনি। এপ্পোইনমেন্ত অসি সেন্ত্রেল ইলেক্ত্রিসিতী রিগুলেতরী কম্মিসনগী ওইনদি কেন্দ্র সরকারনা অমসুং স্তেৎ ইলেক্ত্রিসিতী রিগুলেতরী কম্মিসনগীনা স্তেৎ সরকারনা তৌগনি। এমেন্দমেন্ত অসি প্রপোজ তৌখিবগী মরমদি হৌজিক্কী ওইনা স্তেৎ খুদিংমক্কী ওইনা তোঙানবা সেলেক্সন কম্মিতি অমা অনৌবা ফম হাংবদা শেমগনি অমসুং মসি মতম চংই। করিগুম্বা মতমদা এপ্পোইনমেন্ত অসিনা চহি২ ফাওবা লৌদুনা রিগুলেতরী কম্মিসনগী থবক্তা অকায়বা থোকহল্লি। রিগুলেতরী কম্মিসনশিং অসিনা পাৱর সেক্তর অসি চল্লাইহনবনি। থেংথবা হায়বা অসি কঞ্জুমরশিং, দিসকোমস অমসুং জেনরেতরশিং অসিনচিংবা তোঙান তোঙানবা স্তেকহোল্দরশিংদা অমাংবা থোকহল্লি। অদুম ওইনমক পাউতাকশিংগী মতুং ইন্না, স্তেৎ খুদিংমক্কী হৌজিক লৈরিবা তোঙানবা সেলেক্সন কম্মিতিশিং অসি অদুমক লৈহন্নবা কেন্দ্র সরকারনা খন্নরি – অদুবু মখোয় অসি স্তেন্দিং সেলেক্সন কম্মিতি ওইনা লৈহন্দুনা অনৌবা থবক কৌবা খুদিংগী নৌনা শেম্বগী মথৌ তাররোই। সেলেক্সন কম্মিতি অসিদা স্তেৎ অমসুং কেন্দ্র সরকারগী মেম্বর মশিং অসি হান্নগুম চপ মান্নগনি খেনরিবা অমখক অদুদি স্তেৎকী হাই কোর্তকি চীফ জস্তিসনা লুচিংলগনি।

ৱাখল লান্না লৌবা ২: দি.বি.তি. অসি কঞ্জুমরশিংগী অপাম্বগী মায়োক্তনি

অতোপ্পা লান্না লৌরিবা অসুদি দাইরেক্ত বেনিফিৎ ত্রান্সফর (দি.বি.তি.)গী সবসিদিশিংগী সিস্তেম হাপচিন্নবা প্রোবিজনশিং প্রপোজ তৌখিবা অদু কঞ্জুমরশিং মরু ওইনা লৌমীদা শোকহনগনি। করিগু্বা স্তেৎ সরকারনা সবসিদিশিং অসি মতম চানা থিবা ঙমদ্রবদি, কঞ্জুমরশিংদা ইলেক্ত্রিসিতী পীরিবা অসি ককখিবা য়াই হায়না হায়নরি। মসি য়ুমফম য়াওদবনি। ইলেক্ত্রিসিতী এক্ত, ২০০৩গী সেক্সন ৬৫কী মতুং ইন্না স্তেৎ সরকারনা দিস্ত্রিব্যুসন কম্পনিশিংদা সবসিদিগী শেনফম অসি মাংজৌননা থিবা মথৌ তাই। সবসিদি অসি হৌজিক্তি দি.বি.তি.গী খুত্থাংদা দিস্ত্রিব্যুসন কম্পনিশিংগী মখাদা লৈবা কঞ্জুমরশিংগী একাউন্ততা ওইনা পীনবা প্রপোজ তৌখ্রে। অনৌবা তারিফ পোলিসি অসিদা পীরি মদুদি করিগুম্বা স্তেৎ সরকারনা মতম চানা সবসিদি পীবা ঙমদ্রবসু নত্রগা করিগুম্বা স্তেৎ সরকারনা সবসিদি অদু থা ৩ দগী ৪ ফাওবা থিবা ঙমদ্রবসু ইলেক্ত্রিসিতী সপ্লাই তৌরিবা অদু ককলোই। মরম অসিনা কঞ্জুমরশিংগী অপাম্বা অদু শোইদনা ঙাকনা চৎকনি। স্তেৎ সরকারনা সবসিদি অসি দিসকোম/ কঞ্জুমরশিংদা আইনগী মতুং ইন্না মাংজৌননা থিগদবনি। মসিদা খঙজিনগদবদি দাইরেক্ত বেনিফিৎ ত্রান্সফরনা স্তেৎ সরকার লোয়ননা দিসত্রিব্যুসন কম্পনিশিং অনিমক্তা কান্নহল্লগনি। মসিনা স্তেৎ সরকারদা কান্নহনগদৌরিবা অসিগী মরমদি মসিনা সবসিদি ফঙগদৌরিবা মীওই অদুদা শোইদনা য়ৌহনগনি অমসুং স্তেৎ সরকারনা সবসিদি ওইনা পীখ্রিবা শেনফম অদুগী একাউন্ত ময়েক শেংনা খঙগনি। বেনিফিসরিশিংগী মশিংগী মতুং ইন্না তোল্লিবা সবসিদিশিং অদু ফঙহন্দুনা দিসত্রিব্যুসন কম্পনিদা কান্নবা পীগনি। মন্ত্রালব ৫৬গা মরী লৈননা দাইরেক্ত বেনিফিৎ ত্রান্সফরগী স্কিম ৪১৯ ইমপ্লিমেন্ত তৌদুনা পুন্না লুপা কোতি লাখ ১.৭০ তুংশিনবা ঙমখ্রে।

ৱাখল লান্না লৌবা ৩: রিতেল পাৱর তারিফ শেম্বগী শক্তি স্তেৎতগী কেন্দ্র সরকারদা পীখ্রে

অতোপ্পা লান্না লৌবা অমা অদুদি হৌজিক্কী ওইনা স্তেৎ সরকারনা ইলেক্ত্রিসিতী সপ্লাই তৌবগী রিতেলগী তারিফ অসি শেম্মী অঞসুং প্রপোজ তৌরিবা অসিনা মসিগী শক্তি অসি কেন্দ্র সরকারদা লৌখ্রগনি হায়বা অসিনি। অমুক্কসু মসি তশেংনা য়ুম্ফম য়াওদবনি। হৌজিক্কী ওইনা তারিফ অসি স্তেৎ ইলেক্ত্রিসিতী রিগুলেতরী কম্মিসননা লেপ্পী অমসুং হৌজিক লৈরিবা অসিদা প্রপোজ তৌখিবা অদুনা অহোংবা পুরকওই।

অতৈ অতোপ্পা প্রপোজ তৌখিবা ইলেক্ত্রিসিতী এক্ত অসিগী মরু ওইবা এমেন্মেন্তশিং অদুদি মখাদা পীরি।

সসতেনিবিলিতী

(i) কোস্ত রিফ্লেক্তিব তারিফ: রিগুলেতরী এসেৎশিং কম্মিসন খরনা পীরিবা অসি তৌহন্দবা, দিসকোমশিংগী চংখিবা শেনফম অদু লৌখৎপা ঙম্নবা কম্মিসনশিংনা কোস্ত রিফ্লেক্তিব ওইবা তারিফশিং লেপহন্নবা মসিদা পীরি। চান্নবা তারিফতা হেনগৎনা পীবা ঙমদবনা মরম ওইরগা দিসকোম অমদা তোল্লিবা রিবেন্যু অদু খোখৎখিদে, মসিনা লৈবাক অসিগী অপুনবা রিউলেতরী এসেৎ অসি চাপরাক্না লুপা কোতি লাখ ১.৪ ওইরি।

(ii) ইলেক্ত্রিসিতী সেদ্যুল তৌনবগী মপুং ফাবা পেমেন্ত সেক্ব্যুরিতি মেকানিজম শেমগৎপা – কন্ত্রেক্তশিংগী মতুং ইন্না, ইলেক্ত্রিসিতী থাদ্রিঙৈ মমাংদা মপুং ফাবা পেমেন্ত সেক্ব্যুরিতি মেকানিজম শেমগৎপা য়েংশিন্ননবা লোদ দিস্পেৎস সেন্তরশিং থৌগৎনবা প্রপোজ তৌখি।

কম্পনিশিংনা মৈ পুথোকপা অমসুং পীবগী অতোনবশিং থেংনা থিদোকপা অসি কাহেনবা থাক্তা হেনগৎলক্লি। তাং ৩১.০৩.২০১৯ ফাওবদা জেনকোস অমসুং ত্রান্সকোসতা থিগদবা লুপা কোতি লাখ ২.২৬ লৈরি। মসিনা জেনকোস অমসুং এান্সকোসশিংগী শেন থুমগী অৱাবা মায়োক্নহন্দুনা মখোয়না ফুয়ল অমসুং অতৈ অতোপ্পগী লৈবদা খুদোংচাদবা ওইহল্লি লোয়ননা মশিনা বেঙ্কশিং অসিদসু শোথহল্লি। করিগুম্বা লিক্ব্যিুদিতি অসি ফজনা থমদ্রবদি পাৱর সেক্তরদা শোইথক্কনি। মরম অসিনা সিস্তেমশিংদা মতম চানা শেম থিদোক্নবা ঐখোয় পুন্না হোৎনবা তাই। মরম অসিনা সেক্ব্যুরিতি পেমেন্ত লীংখৎত্রি ফাওবা ইলেক্ত্রিসিতী অসি সেদ্যুল নত্রগা দিস্পেৎস তৌরোই হায়না পল্লি।

ইজ ওফ দুয়িং বিজিনেস

(iii) ক্রোস সবসিদি: হৌজিক্কী ওইনা, এক্ত অসিনা স্তেৎ কম্মিসনশিংনা ক্রোস সবসিদিশিং হন্থহন্নবা তৌরি। সপ্লাইগী কোস্তকী চাংচৎকী ২০%গী মনুংদা ক্রোস-সবসিদি হন্থহন্নবা তারিফ পোলিসি মথৌ তারবসু, স্তেৎ খরদা ৫০% হেন্দুনা ইন্দস্ত্রী অসি শোত্থহল্লি। বিল অসিনা এস.ই.আর.সি.শিংগীদমক্তা তারিফ পোলিসিগী প্রোবিজনশিংগী মতুং ইন্না ক্রোস সনসিদিশিং হন্থহনগদৌরি। মসিগী প্রোবিজনশিং অসি ৱারেপনদ্রিঙৈ মমাংদা স্তেকহোল্দর পুম্নমক অমসুং স্তেৎ সরকারগী ৱাখল্লোনশিং অদু খন্নরবা মতুংদা তারিফ পোলিসি অসি শেমখি। মসিদা খঙজিনগদবদি ক্রোস সবসিদি মুথৎনবা প্রপোজেল লৈতে

(iv) ইলেক্ত্রিসিতী কন্ত্রেক্ত এনফোর্সমেন্ত ওথোরিতি লীংখৎপা: সিবিল কোর্তকী তুং ইন্না সি.ই.আর.এস. অমসুং এস.ই.আর.সি.শিংনা মখোয়গী ওর্দর চৎনহন্ননবা শক্তি পাইদে। হাই কোর্তকী থবক্তগী পোথারবা জজ অমনা ওথোরিতি অসি অসিগুম্লবা শক্তি অসি পাইরগা লুচিংনবা প্রপোজ তৌখি অদুবু এতেচমেন্ত অমসুং প্রোপর্তি য়োনবা, ফাবা অমসুং কৈশুমশঙদা থম্বা, জেনরেতিং কম্পনি, দিসত্রিব্যুসন লাইসেন্স নত্রগা ত্রান্সমিসন লাইসেন্সকী মরক্তা লৈ লৈবা নত্রগা য়োনবা নত্রগা ত্রান্সমিসন তৌবগা মরী লৈনবা কন্ত্রেক্তশিং ফগৎহন্নবগী রিসিবর অমা এপ্পোইন তৌবগী শক্তি অসিদি পাইদে।মসিনা পাৱর সেক্তরদা কন্ত্রেক্তশিং ফনা লৈহনবা অমসুং মথৌ তাবা ইনবেসমেন্তশিং হেনগৎহল্লগনি।

রিন্যুএবল অমসুং হাইদ্রো ইনর্জি

(v) নেসনল রিন্যুএবল ইনর্জি পোলিসি: মহৌশা কন্নবগী মরমশিংগীদমক গ্রীন পাৱর থৌগৎপা অসি ঐখোয়গী মতম শাংনা চৎপগী অপাম্বদা য়াওই। পেরিস ক্লাইমেৎ এগ্রীমেন্ততা ভারতসু সহি তৌখিবা অমনি। মরম অসিনা রিন্যুএবল ইনর্জিদগী ইলেক্ত্রিসিতী পুথোকপগী চাওখৎনবা অমসুং থৌগৎনবা তোঙানবা পোলিসি অমা প্রপোজ তৌখি।

(vi) হাইদ্রো ইনর্জিশিংদগী ইলেক্ত্রিসিতী লৈবদা খ্বাইদগী নেম্বা পর্সেনতেজ কম্মিসনশিংনা পীনবা প্রপোজ তৌখি।

(vii) পেনাল্তিশিং: রিন্যুএবল অমসুং/নত্রগা হাইদ্রো ইনর্জিগী সোর্সশিংদগী ইলেক্ত্রিসিতী লৈবা চৎনা কাংলোনশিং ঙাক্তবদা পেনাল্তিশিং থিহনবা হায়না মখা তানা প্রপোজ তৌখি।

অতৈ অতোপ্পশিং

(viii) এপ্পেলেৎ ত্রিব্যুনেল (এপতেল) ফগৎহনবা: এপতেল, চিয়র্মেন্ নত্তনা এপতেলগী মেম্বশিংগী মশিং অসি য়ামদ্রবদা তরেৎ ওইহন্দুনা কেসশিং থুনা য়াংনা লৌশিন্ননবা মপাঙ্গল হেনগৎহন্নবা প্রপোজ তৌখি। খঙজিনবা য়াবদি এপতেলদা হৌজিক মশিং য়াম্লবা কেসশিং পন্দুনা লৈরি। মখোয়গী ওর্দর মপুং ফানা চৎনহন্ননবা মখোয়দা কনতেম্প ওফ কোর্তস এক্তকী প্রোবিজনশিংগী মখাদা হাই কোর্তকী শক্তি পীনবা প্রপোজসু তৌখি।

(ix) পেনাল্তিশিং: ইলেক্ত্রিসিতী এক্তকী অমসুং কম্মিসনশিংগী ওর্দরশিং, ইলেক্তিসিতি এক্তকী সেক্সন ১৪২ অমসুং সেক্সন ১৪৬গী প্রোবিজনশিং অসি ঙাক্না চৎনবা অহকপা পেনাল্তিশিং পীনবা এমেন তৌনবা প্রপোজ তৌখি।

(x) ইলেক্ত্রিসিতীদা ক্রোস বোর্দর ত্রেদ: অতোপ্পা লৈবাকশিংগা ইলেক্ত্রিসিতীদা খুদোংচাবা ফংহন্নবা অমসুং ললোল ইতিক তৌনবা প্রোবিজনশিং হাপখ্রে।

(xi) সব-লাইসেন্সীশিং য়েন্থোকপা: সপ্লাইগী ক্বালিতি ফগৎহন্নবা স্তেৎ ইলেক্ত্রিসিতী রিগুলেতরী কম্মিসনগী অয়াবগা লোয়ননা এরিয়া অমগী অক্নবা মফম অমহেক্তদা সব-লাইসেন্সি অমা ওইনা অতোপ্পা মীওই অমা ওথোরাইজ তৌনবা দিস্কোমশিংদা পাম্বৈ অমা পীনবা প্রপোজ তৌখ্রে।

ফ্রেন্সাইজসী দিস্ত্রিব্যুসনগা মরী লৈনবা প্রোবিজনশিং অসি এক্ত অসিদা হান্ননা য়াওরে অমসুং পর্ফোর্মেন্স ফগৎহন্নবা অমসুং ইফিসেন্সিশিং হেনগৎহন্নবা দিস্ত্রিব্যুসন কম্পনীশিংনা মাইপাক্না শীজিন্নরি। মসিশিং অসি ফ্রেন্সাইজসীশিং/সব-লাইন্সেন্সীশিংদা লম খরা পীবা পাম্বা দিস্কোমশিং/স্তেৎশিংনা শিজিন্নরিবা অয়াবা প্রোবিজনশিংনি। মসিনা তাকই মদুদি দিস্ত্রিব্যুসন সব লাইসেন্সী অসি রিগুলেতরী কন্ত্রোলগী মখাদা অমসুং কস্তমরশিংগী থাজবা ঙাক্নবা জুরিদিক্সনগী মখাদা লেংদনা লৈ।

*****