ঙসি কেন্দ্রগী মন্ত্রীমন্দলগী ৱারেপশিং কেন্দ্রগী গৃহ মন্ত্রী অমিৎ শাহনা থাগৎলি, ৱারেপশিং “শিংথানিংঙাই” ওই হায়খি। প্রধান মন্ত্রী শ্রী নরেন্দ্র মোদী থাগৎলদুনা মহাক্না হায়খি “মশা-মরোমদোম হিংজনবা, লায়রবশিং য়াইফনবা অমসুং ৱারবা মতম অসিদা শেন-থুমগী ফিবম ফগৎহন্নবা মোদী সরকারনা থাজবা পীরিবশিং ঙসিগী ৱারেপশিং অসিদা উবা ফংলে”।

লুপা ক্রোর ১৫০০০গী এনিমেল হসবেন্দরি ইনফ্রাস্ত্রকচর দিবলপমেন্ত ফন্দ অয়াবা পীখিবদা থাগৎলদুনা অমিৎ শাহনা হায়খি মসিনা মসিনা মোদী সরকারনা অত্মানির্ভর ভারতগী পায়খৎলিবা থবকশিং ফগৎহল্লগনি। দাইরি সেক্তর চাউখৎহনগনি অমসুং থবক ফংবা হেনগৎহনগনি ।

স্পেসকী থবকশিংদা লনাই কম্পেনিশিং শরুক য়ারকপদা তরাম্না ওক্লদুনা অমিৎ শাহনা হায়খি মসিগী পুৱারি ওইরবা অওনবা অসিনা ভারতকী অশেংবা স্পেসকী থৌনা উৎলগনি। ইন-স্পেসনা স্পেসকী থবকশিংদা লনাই কাংবু শরুক য়াহন্দুনা স্পেসকী থবকশিং চাউখৎহনবদা খোঙজেল য়াংহল্লগনি।

কেন্দ্রগী গৃহ মন্ত্রীনা হায়খি কোবিদনা শোকহল্লবা অপীকপা লল্লোন-ইতিক্কী থবকশিং মতেং পাংনবা অতোপ্পা অচৌবা ৱারেপ অমা লৌরে। মুদ্রা য়োজনাগী মখাদা সিসু লোন লৌরিবশিং য়াইফনবা থা ১২গী ওইনা চাদা ২গী শেন্দোয় সবসিদি পীবা মোদী সরকারনা য়ারে।

বেঙ্কিং সেক্তরগী ওর্দিনান্স অয়াবা পীবগী মতাংদা অমিৎ শাহনা হায়খি মসিনা অর্বান কোওপেরেতিব ১৪৮২ অমসুং মল্তি-স্তেৎ কোওপরেতিব বেঙ্ক ৫৮ আর বি আইগী মখাদা লৈরগনি। মসিনা শেন থমজিল্লিবশিংগী থাজবা হেনগৎহল্লগনি অমসুং মখোয়না ৱানা তানবা শেনফমশিং ঙাকশেন্দুনা বেঙ্কতা থাজবা হেনগৎহল্লগনি।

*****