প্রধান মন্ত্রী শ্রী নরেন্দ্র মোদীনা লুচিংবা মন্ত্রী মন্দলনা সংবিধানগী আর্তিকল ৩৪০গী মখাদা কেন্দ্রগী লিস্ততা য়াওরিবা অতোপ্পা বেকৱার্দ ক্লাসকী মনুংদা লৈবা থাক খায়দোকপগী হীরম কয়া য়েংশিন্নবা শেমখিবা কম্মিসনগী তেন্যুর থা ৬ শাংদোকপগী, তাং ৩১/১/২০২১ ফাওবা, অয়াবা পীখ্রে।

থবক পীবা ঙম্বা য়াওনা কান্নবা পীগদবশিং

হৌজিক লৈরিবা ও.বি.সি.গী মনুংদদি চনবা অদুবু কেন্দ্র সরকারগী থবকশিং অমসুং ইদুকেস্নেল ইন্সতিত্যুসনশিংদা মিং চনবগী খুদোংচাবা ফংবগী রিজর্বেসনগী স্কিমশিংগী অচৌবা খুদোংচাবা ফংদবা কাংলুপশিং অসি হৌজিক্তি কম্মিসন্না হায়বগী মতুং ইন্না হায়রিবা খুদোংচাবশিং অসি ফংলগনি। কেন্দ্রগী লিস্ততা য়াওরিবা তোখায়না তাবা ও.বি.সি.শিং অসিদা খুদোংচাবশিং অসি ফংহন্নবা কম্মিসন্না হায়রগনি।

চাদিং তৌবা

চাদিং তৌগদৌরিবা অসি কম্মিসন শেম্বা অমসুং মসিনা থবক তৌবগী মরী লৈনবশিং অদু ওইগনি অমসুং মসি সোসিএল জস্তিস অমসুং ইম্পাৱার্মেন্ত মন্ত্রালয়না অদুমক পুথোকখিগনি।

কান্নবশিং

কেন্দ্রগী এস.ই.বি.সি.গী লিস্ততদি য়াওবা কাস্ত/কাংলুপকী মনুংদা লৈবা মীওইশিং অদুবু কেন্দ্র সরকারগী থবকশিং অমসুং ইদুকেস্নেল ইন্সতিত্যুসনশিংদা মিং চনবগী খুদোংচাবা ফংবগী হৌজিক লৈরিবা স্কিমশিংগী মখাদদি খুদোংচাবা অমত্তা ফংদবশিং হৌজিক্তি কান্নবা ফংলগনি।

থবক ওইনা পাংথোকপগী মওং

কম্মিসনগী তর্মস ওফ রিফরেন্সকী মথক্তা তর্ম শাংদোকপগী ওর্দর অসি রাস্ত্রপতিনা অয়াবা পীরবা মতুংদা রাস্ত্রপতিনা থোকপা ওর্দর অমগী মওংদা গেজেৎ অমগী খুত্থাংদা পাউ ফাওরগনি।

বেকগ্রাউন্দ

কম্মিসন অসি রাস্ত্রপতিনা অয়াবা পীরবা মতুংদা ওক্তোবর ২, ২০১৭তা সংবিধানগী আর্তিকল ৩৪০গী মখাদা হৌদোকখিবনি। জস্তিস (থবক্তগী পোত্থারবা) শ্রীমতি জি. রোহিনিনা মকোক ওইদুনা কম্মিসন অসি ওক্তোবর ১১, ২০১৭তগী থবক তৌবা হৌখি অমসুং থাক খায়রবা ও.বি.সি.শিং অমসুং স্তেত বেকৱার্দ ক্লাসস কম্মিসন লৈবা রাজ্য/য়ু.তি.শিংগা পাউ ফাওনদুনা লাক্লি। কেন্দ্রগী ও.বি.সি.গী লিস্ত অসিদা হঞ্জিনবা নায়বা, ৱাহন্থোক য়াম্বা, অশোয়বা কয়া লৈবা অমসুং ৱাহন্থোক হনবদা বনান লানবনচিংবা অসি শেমদোকপদা মতম খরা হেন্না চংগদবা লৈবনা কম্মিসন্না মখোয়গী রিপোর্ত পীশিনবদা মতম খরা চংগনি হায়বা খংলে। মরম অদুনা কম্মিসন্না মখোয়গী তর্ম অসি জুলাই ৩১, ২০২০ ফাওবা শংদোকপিনবা হায়খি। অদুবু কোবিদ-১৯গী মরমদগী লৈবাক পুম্বদা লোকদাউন লৈখিবনা চত্থোক চৎশিন তৌবদা খুদোংচাদবা কয়া থেংনবদগী মতমসিগী মনুংদা থবক অসি লোয়শিনবা ঙমদ্রে। মরম অদুনা কম্মিসন অসিগী মতম অসি থা ৬ অমগা, তাং ৩১/১/২০২১, শংদোকখ্রে।

*****