প্রধান মন্ত্রী শ্রী নরেন্দ্রনা মোদীনা ময়াই তাংবল লৌখিবা কেন্দ্রগী মন্ত্রী মন্দলগী মীফম্না ঙসি শিশু লোন একাউন্ত খুদিংমক্তা থা ১২গী ওইনা চৎনবা য়ারবা শেল পুরিবশিংদা প্রধান মন্ত্রী মুদ্রা য়োজনা (পি.এম.এম.ৱাই.)গী মখাদা শেন্দোই ২% হন্থবগী থৌশিল অমা হৌদোকপদা অয়াবা পীখ্রে।

থৌশিল অসিনা মখাগী ক্রাইতেরিয়াশিং অসি ফংবা লোনশিং কোনশিনগনি- মার্চ ৩১, ২০২০ ফাওবদা মকোক থোংবা ওইখিবা; অমসুং মার্চ ৩১, ২০২০দা অমসুং থৌশিল অসি চৎনরিঙৈ মনুংদা রিজর্ব বেঙ্ক ওব ইন্দিয়া (আর.বি.আই.)গী চৎন-কাংলোনগী মতুং ইন্না নন- পরফোর্মিং এসেৎ (এন.পি.এ.)গী কাংলুপ্তা চনবা।

হন্থরিবা শেন্দোই অসি একাউন্তশিং অদুনা এন.পি.এ.দা অমুক হঞ্জিল্লবা মতুংদা পরফোর্মিং এসেৎ অমুক ওইরকপা থাদু য়াওনা এন.পি.এ. কাংলুপ্তা চন্দবা থাশিং অদু থিগনি। মসিগী থৌশিল অসিনা চাং নাইনা লোন শিংগৎপা মীওইশিংদা কান্নবা পীগনি।

থৌশিল অসিগীদমক ভারত সরকারনা পুথোক্কদবা চাউরাকপা চঙগদবা শেনফম অসি লুপা কোতি ১,৫৪২নি।

হৌরকফম

মসিগী থৌশিল অসি আত্মনির্ভর ভারত অভিয়ানগী মখাদা লাউথোকখিবা এম.এস.এম.ই.শিংগা মরী লৈনবা খোংথাংশিংগী মনুংদা অমা থবক ওইনা পায়খৎনবগীদমক্তনি। পি.এম.এম.ৱাই.গী মখাদা, লুপা ৫০,০০০গী মখাদা লৈবা আই তানবা য়াবা থবকশিংগী লোনশিং অসি শিশু লোন হায়না খঙনরে। পি.এম.এম.ৱাই. লোনশিং অসি মেম্বর লেন্দিং ইন্সতিত্যুসনশিং হায়বদি, মুদ্রা লিমিতেদকী মখাদা মিং চল্লবা সেদ্যুল কম্মর্সিএল বেঙ্কস, নন বেঙ্কিং ফাইনান্স কম্পনীশিং অমসুং মাইক্রো ফাইনান্স ইন্সতিত্যুসনশিংনা পীবনি।

হৌজিক-হৌজিক লৈরিবা কোবিদ-১৯গী খুদোংথিবা অমসুং মসিনা ওইহল্লকপা লোকদাউনশিংনা শিশু মুদ্রা লোনগী মখাদা শেল থাদরিবা মাইক্রো অমসুং স্মোল এন্তর্প্রাইজশিংদা করবার মরাই চাইথহল্লে। অপীকপা করবারশিংদি মহৌশানা য়াম্না পীকপা ওপরেতিং মার্জিন্দা মথৌ তৌজবনি, অমসুং হৌজিক চত্থরিবা লোকদাউন অসিনা মখোয়গী কেস ফ্লোদা মখোয়গী লোন মথৌ তৌনবগী থবকশিংদা খুদোংচাদবা থোকহন্দুনা অকনবা শাফু অমা পীবীরে। মসিনা মরম ওইদুনা শিংগৎপা ঙমদবনা পুত্থনবগী মচাক অমা ওইরে অমসুং মতুংদা ইন্সতিত্যুসনেল ক্রেদিৎ লৌবদা অকাইবা পীগদৌরি।

মার্চ ৩১, ২০২০ ফাওবদা, পি.এম.এম.ৱাই.গী শিশুগী কাংলুপ্তা চনবা লোন একাউন্ত কোতি ৯.৩৭গী লোনগী শেনফম লুপা কোতি লাখ ১.৬২ ফাওবা নীংথিনা শিংগৎলম্মি।

থবক ওইনা পায়খৎপগী থৌরাং

থৌশিল অসি স্মোল ইন্দস্ত্রীজ দিবেলপমেন্ত বেঙ্ক ওব ইন্দিয়া (সি.দ.বি.)গী খুথাংদা থবক পায়খৎকনি অমসুং থা ১২গী ওইনা মথৌ তৌগনি।

শেল পুফমশিংনা শেল য়ৈথবা য়াহল্লিবা শেল পুরিবশিংগীদমক, আর.বি.আই.না 'কোবিদ-১৯ রিগুলেতরী পেকেজ'গী মখাদা অয়াবা পীবগী মতুং ইন্না, থৌশিল অসিনা য়ৈথখিবা মতমদু লোইবদগী থা ১২গী মতম হায়বদি সেপ্তেম্বর ০১, ২০২০দগীনা ওগস্ত ৩১, ২০২১ ফাওবদা চৎনগনি। অতোপ্পা শেল পুবশিংগীনা, থৌশিল অসি জুন ০১, ২০২০দগী হৌদুনা মে ৩১, ২০২১ ফাওবা চৎনগনি।

মরুওইবা কান্নবা

থৌশিল অসি শেল পুরিবা মীওইশিংদা মখোয়দা তোল্লিবা শেল অদু হন্থবীদুনা 'পিরামিদকী মখোংদগী' হৌদুনা হৌজিক ওইরিবা খুদোংচাদবা ফিবম অসিদা মখোয়গী অৱাবদা মতেং পাংদুনা অমসুং মখোয়দা তারিবা শেলগী দশা অসিদগী কোকপীনবগীদমক হৌদোকখিবনি।

অপীকপা করবারশিংবু শৌগৎপীদুনা হৌজিক ওইরিবা খুদোংচাদ্রবা ফিবম অসিদা মখোয়গী থবক থৌরমশিং মহা চত্থবা য়াহন্দুনা থৌশিল অসিনা শেন্মিৎলোন্দা অমসুং তুংদা মীয়ামদা থবক পীবদা তঙাইফদবা অমা ওইরিবা মখোয়গী লম্বাশিং শৌগত্তুনা অফবা শাফু অমা পীবা ঙমগদ্রা হায়বগী আশা তৌরি।

***