نئی دہلی،  23/جون 2020 ۔ مرکزی وزیر داخلہ  جناب امت شاہ نے آج کہا کہ دہلی کے رادھا سوامی بیاس میں 10000 بستروں والا کووڈ کیئر سینٹر 26 جون سے کام کرنے لگے گا۔ اس سینٹر کی تیاری کا کام پوری تیزی کے ساتھ جاری ہے اور اس سینٹر کا ایک بڑا حصہ جمعہ کے دن سے کام کرنے لگے گا۔

جناب امت شاہ نے یہ بات نیوز ایجنسی اے این آئی کی اس خبر کے ردعمل میں ایک ٹویٹ کے ذریعے کہی۔ ایجنسی نے خبر دی تھی کہ دہلی کے وزیر اعلیٰ جناب اروند کیجریوال نے مرکزی وزیر داخلہ کو خط لکھ کر انھیں چھترپور کے رادھا سوامی ست سنگ بیاس کیمپس میں کووڈ کیئر سینٹر کا معائنہ کرنے کی دعوت دی ہے۔ دہلی کے وزیر اعلیٰ نے اس سینٹر میں آئی ٹی بی پی اور فوج کے ڈاکٹروں اور نرسوں کی تعیناتی کرنے کی درخواست بھی کی تھی۔ اپنے جواب میں جناب امت شاہ نے کہا کہ تین دن قبل ہماری میٹنگ میں یہ فیصلہ کیا جاچکا ہے اور وزارت داخلہ نے دہلی میں رادھا سوامی بیاس میں واقع کووڈ کیئر سینٹر کو چلانے کا کام آئی ٹی بی پی کو تفویض کیا ہے۔

مرکزی وزیر داخلہ نے کہا کہ کووڈ کے مریضوں کے لئے 250 آئی سی یو بستروں سمیت 1000 بستروں والا باقاعدہ اسپتال آئندہ ہفتہ تک تیار ہوجائے گا۔ مرکزی حکومت کی مدد سے، ڈی آر ڈی او اور ٹاٹا ٹرسٹ اس اسپتال کی تعمیر کررہے ہیں۔ مسلح افواج کے عملے کو اس میں تعینات کیا جائے گا۔ جناب امت شاہ نے کہا کہ یہ کووڈ کیئر سینٹر آئندہ 10 دنوں میں تیار ہوجائے گا۔

جناب امت شاہ نے کہا کہ اس کے علاوہ مسلح افواج کے عملے کو دہلی میں ریلوے کوچوں میں رکھے گئے کووڈ مریضوں کو طبی دیکھ بھال کرنے کے لئے کہا گیا ہے۔ مرکزی وزیر داخلہ نے کہا کہ ضرورت کے مطابق کووڈ کیئر سینٹر بنانے کے لئے 8000 اضافی بستر پہلے ہی دہلی حکومت کے تصرف کے لئے رکھے گئے ہیں۔

اس کو ملاکر آئندہ ہفتہ تک قومی راجدھانی میں کووڈ مریضوں کے لئے 250 آئی سی یو بستروں سمیت تقریباً 20000 بستروں کا اضافہ ہوجائے گا۔

Dear Kejriwal ji,
It has already been decided in our meeting 3 days back and MHA has assigned the work of operating the 10,000 bed COVID Care Centre at Radha Swami Beas in Delhi to ITBP. The work is in full swing and a large part of the facility will be operational by 26th Jun. https://t.co/VLMOQdEseY

— Amit Shah (@AmitShah) June 23, 2020

I would also like to inform the people of Delhi that a 1,000 bed full-fledged hospital with 250 ICU beds is being developed for Covid patients. DRDO and Tata Trust are building the facility. Armed forces personnel will man it. This Covid Care centre will be ready in next 10 days.

— Amit Shah (@AmitShah) June 23, 2020

Armed Forces personnel have been detailed for providing medical care and attention to COVID patients housed in the Railway coaches in Delhi. 8,000 additional beds have already been placed at Delhi government’s disposal for making COVID care centres, as per requirement.

— Amit Shah (@AmitShah) June 23, 2020

******

م ن۔ م م۔ م ر

U-NO. 3466

23.06.2020