কেন্দ্রগী জল শক্তিগী মন্ত্রী শ্রী গজেন্দ্রা সিংহ শেখাৱাৎনা মিজোরামগী চীফ মিনিস্তরদা ইখিবা মহাক্কী চিথীদা স্তেৎ অসিদা জল জীবন মিসন (জে.জে.এম.)গী থবক্তা খোংজেল তপথরকপগী মতাংদা নুংনাংবা ফোঙদোকখি। হাকুমগী নিংখা তম্বা নুমিৎ পালন তৌবদা ৱা ঙাংবদা প্রধান মন্ত্রী শ্রী নরেন্দ্রা মোদীনা লাউথোকখিবগী মতুং, স্তেৎশিংনা ২০২৪ ফাওবদা ফঙ্কস্নেল হাউসহোল্দ তেপ কন্নেক্সনস (এফ.ঐচ.তি.সি.শিং)গী খুত্থাংদা খুঙ্গংগী য়ুমথোং খুদিংদা থক্নবা ঈশিং ফঙহন্ননবা পান্দমদা জে.জে.এম. ইমপ্লিমেন্ত তৌখি। মসিগী মিসন অসি খুঙ্গংগী নুপী মরু ওইনা নুপীমচাশিং শাফনবা অমসুং নুঙাইনা হিংনবা খুৎলাই অমনি।

পীরিবা মতমগী মনুংদা জে.জে.এম.গী পান্দম ফঙনবা পোরম ফজনা য়াৎপা মথৌ তাই লোয়ননা হান্ননা লৈরবা ৱাতর সপ্লাই সিস্তেমশিংগী শেমজিনবা/চাওথোকপদা মীৎয়েং থম্লগা লেমহৌরিবা য়ুমথোংশিংদা তোতি কন্নেক্সনশিং পীনবা, জল শক্তিগী মন্ত্রীনা সি.এম.দা স্তেৎ অসিগী হান্ননা ৱাতর সপ্লাই স্কিমশিংগী পাইপ লৈরবা খুঙ্গং ৬৫৫দা খুদক্তা থবকশিং ‘কেম্পেন মোদতা’ পাইখৎনবা খঙহনখি। শোত্থরবা জিলাশিং, এস.সি./এস.তি.না নম্না খুন্দবা খুঙ্গংশিং/মফমশিং অমসুং সান্সদ অদর্শ গ্রামিন যোজনাগী মখাদা লৈবা খুঙ্গংশিংদা হেন্না খুদোংচাবা ফংহনগদৌরি।

য়ুমথোংদা তোতি কন্নেক্সন ফঙহনবা অমসুং লৈরিবা ফন্দশিং শীজিন্নবগী ফলশিংগী মখা পোন্না ভারত সরকারনা জল জীবন মিসনগী মখাদা ফন্দশিং থাদৈ হায়না শ্রী শেখাৱাৎনা থমখি। ২০১৯-২০গী চহিদা য়ুমথোং ২৩,৫২৫দা তোতি কন্নেক্সনশিং পীবগী পান্দম থম্বা, তোতি কন্নেক্সন ১৫,৮৭৮ পীখি। ২০১৯-২০দা মিজোরামদা লুপা কোতি ৩৯.৮৭ এল্লোকেৎ তৌখি অমসুং পর্ফোর্মেন্স গ্রান্তগা লোয়ননা অপুনবা লুপা কোতি ৬৮.০৫ থাদখি মদুগী মনুংদা স্তেৎনা শীজিন্নদবা বেলেন্স ওইনা লুপা কোতি ৩৭.৪১ থম্লগা লুপা কোতি ৩৭.৪১ শীজিন্নবা য়াগনি। ২০২০-২১দা মিজোরাগী ওইনা কায়থগদবা অদু ওপনিং বেলেন্স ওইনা লুপা কোতি ৩০.৭৮কা লোয়ননা লুপা কোতি ৭৯.৩০দা হেনগৎখি, মিজোরামদা কেন্দ্রগী ফন্দ ওইনা লুপা কোতি ১১০.০৮ লৈরগনি। স্তেৎকী চান্নবা শরুক্কা লোয়ননা, ২০২০-২১গী মনুংদা জে.জে.এ. ইমপ্লিমেন্ত তৌননবা স্তেৎনা লুপা কোতি ১২২.৩০ লৈরগনি। য়ুমথোং খুদিংদা থক্নবা ঈশিং ফঙহনবা হায়বা অসি লৈবাক অসিনা মরু ওইনা লৌই অমসুং স্তেৎনা পান্দম অসি মতম চানা লৌশিন্ননবা হোৎনগদবনি হায়না কেন্দ্রগী মন্ত্রীনা থমখি

ৱাতর সপ্লাই সিস্তেম মতম শাংনা ফঙননবা ঈশিং পীবগী কান্নবা অদু পল্লদুনা কেন্দ্রগী মন্ত্রীনা হান্ননা লৈরবা থক্নবা ঈশিং পীরিবা অসিগী থক্নবা ঈশিংগী সপ্লাই সিস্তেম অসি মতম শাংনা শীজিন্ননবা ফগৎহন্নবা হায়খি। প্লানিং অসি খুঙ্গংগী থাক্তা তোঙান তোঙানবা প্রোগ্রামশিং মদুদি এম.জি.এন.আর.ই.জি.এস., ১৫শুবা ফাইনান্স কম্মিসন গ্রান্তশিং পীরিবা পি.আর.আই.শিং, সি.এ.এম.পি.এ. ফন্দশিং, দিস্ত্রিক্ত মিনরেল দেবেলপমেন্ত ফন্দ, লোকেল এরিয়া দেবেলপমে্ন্ত ফন্দ অসিনচিংবা অসি পুনশিন্দুনা খুঙ্গং খুদিংগী ভিলেজ এক্সন প্লান (ভি.এ.পি.)না লৈরিবা রিসোর্স পুম্নমক শীজিন্নগদবনি। খুঙ্গংশিংদা ৱাতর সপ্লাই সিস্তেমশিংগী প্লানিং তৌবা, ইমপ্লেমেন্ত তৌবা, শীল-লাংবা, চল্লাইবা অমসুং য়েংশিনবা অসিদা খুঙ্গংগী মফম অদুগী মীয়াম/গ্রাম পঞ্চায়েৎশিং অমসুং/নত্রগা শীজিন্নরিবা কাংলুপশিংনা য়াওশিন্দুনা থকনবা ঈশিং মাংহন্দনা মতম শাংনা চৎনহন্ননবা পান্দম অদু ফংগনি।

২০২০-২১দা, ১৫শুবা ফাইনান্স কম্মিসন গ্রান্তগী পি.আর.আই.শিংদা পীবা ওইনা মিজোরামদা লুপা কোতি ৯৩ কায়থখ্রে অমসুং শেনফম অসিগী ৫০%না ৱাতর সপ্লাই অমসুং সেনিতেসনদা শুকশোই শোইদনা শীজিন্নগদবনি। স্বাচ ভারত মিসন (জি)গী মখাদা কায়থবা ফন্দশিং অসি গ্রে ৱাতর ত্রিৎমেন্ত অমসুং অমুক হন্না শীজিন্ননবা থবকশিংদা শীজিন্নগদবনি।

কোবিদ-১৯গী লায়চৎ থোকপা অসিদা, মরু ওইনা খুঙ্গংগী মীয়ামগী পব্লিক স্তেন্দ-পোস্তশিং/ঈশিং য়াফমশিংদা মী তীনহল্লোইদবনি। মিজোরামগী সি.এম.না খুঙ্গং পুম্নমক্তা য়ুমথোংদা তোতি কন্নেক্সনশিং পীনবা ৱাতর সপ্লাইগী থবকশিং পাইখৎনবা হায়খি মসিনা সোসিএল দিস্তেন্সিং ঙাকপদা মতেং ওইগনি অঞসুং মসিগী মথক্তা খুঞ্জাশিং থবক পীরগনি অমসুং খুঙ্গংগী শেন্মীৎলোনসু ফগৎহল্লগনি।

দিসেম্বর ২০২২ ফাওবদা স্তেৎ অসি ১০০% এফ.ঐচ.তি.সি. স্তেৎ’ অমা ওইনবা জল শক্তিগী মন্ত্রীনা মিজোরামগী সি.এম.দা অঙম্বা মতেং পীগনি হায়না থাজবা পীখি অমসুং অথুবদা সি.এম.গা লোয়ননা ভিদিও কনফরেন্সকী খুত্থাংদা জে.জে.এম.গী প্লানিং অমসুং ইমপ্লিমেন্তেসনগী খন্নরগনি।

*****