নেস্নেল ইন্সতিত্যুৎ ওফ ফার্মাস্যুতিকেল এজুকেসন এন্দ রিসর্স (এন.আই.পি.ই.আর.)না কোবিদ-১৯গা লান্থেংনবা ঙম্নবা সেফতী দিবাইস, সেনিতাইজর অমসুং মাস্ককুম্বা অনৌবা পোত্থোক কয়া পুথোকখ্রে। মসিগা লোয়ননা লায়না অসি চংহন্দনবা হায়দুনা হকচাংগী রেজিস্তেন্স হেনগৎহন্নবা ইম্ম্যুন বুস্তর ওইবা হর্বলগী চা অমসু পুথোরক্লে।

হৌজিকফাওবদা কোবিদ-১৯ লায়েংবা ঙম্বা অনৌবা হিদাক নত্ত্রগা বেক্সিন পুথোরক্ত্রিবা ওইবনা মীয়াম্না শাফনা লৈনবা অমসুং লায়না অমত্তনা ইরায় লায়না চংহন্দনবা অকনবা ইম্ম্যুন সীস্তেম অমা লৈবগী তঙাই ফদে। মসিগী ৱাফম অসিদা মরু ওইবা পীরদুনা মোহালিগী এস.এ.এস. নগরদা লৈনা এন.আই.পি.ই.আর.না ইম্ম্যুন কনখৎহন্নবা হর্বলগী চা অমা পুথোরক্লে। মসিগী হর্বলগী চা অসিনা হকচাংগী ইম্ম্যুন সীস্তেম কনখৎহনবদা মতেং পাংগনি অমসুং কোবিদ-১৯গী ভাইরসতগী ঙাকথোক্নবা পাম্বৈ অমা ওইনসু মসি শিজিন্নবা য়াই।

অকনবা ইম্ম্যুন সীস্তেম অমা লৈবনা মীওই অমবু লায়না-তিলনাদগী ঙাকথোকপা ঙম্মি অমসুং বেক্তরিয়া, ভাইরস অমসুং অতোপ্পা ফত্তবা পোত্থোকশিংনচিংবা পেথোজেনিক মাইক্রো-ওর্গানিজমশিংবু হাত্তোকপা অমসুং মথৌ তৌহন্দবা ঙম্মি। ইম্ম্যুন সীস্তেম কলহনবা অসিনা এন্তি-ভাইরেল/এন্তি-মাইক্রোবিএল হিদাকশিংগী মহুৎ শিনবা ঙম্মি। মনা-মশিংশিং অসি ইম্ম্যুনোমোদ্যুলেতরীগী গুন য়াওই অমসুং মসিনা তাকপদি মখোয়শিং অসিনা অখন্নবা অমসুং অতোপ্পা ইম্ম্যুন রেস্পোন্স পুথোকপা ঙম্মি হায়বনি।

মসিগী হর্বলগী চা অসি অকোয়বদা ফংবা মনা-মশিং ৬, অস্বাগন্ধা, গিলো, মুলেথি, তুলসি অমসুং গ্রীন তি, অসি অখন্নবা চাং অমদা মখোয়গী ইম্ম্যুন কনখৎহনবা ঙম্বা, সেন্সরী এপিল, শেম্বদা লায়বা অমসুং মহাও লৈবগী মওং অদুগী মতুং ইন্না চেকশিন্না য়ানশিন্নদুনা শেম্বনি। মনা-মশিং ময়াম অসি অয়ুর্বেদকী ৱাখল্লোন অমা ওইরিবা রসায়ানাদা য়ুম্ফম ওইদুনা খনগৎলি। রসায়ানা হায়বদি ফগৎহনবা নত্ত্রগা তেকখৎহনবা হায়বনি। মসিগী মনা-মশিংশিং অসি হান্নদগী হৌনা অয়ুর্বেদকী হিদাক শেম্বদা শিজিন্নদুনা লাক্লবনি অমসুং মসি মখোয়গী ইম্ম্যুনোমোদ্যুলেতরী ইফেক্তকীদমক্তা খংনৈ। মনা-মশিংশিং অসিনা সেল্ল্যুলার ইম্ম্যুনিতীগী থাক্তা মথৌ তৌই অমসুং ভাইরেল/বেক্তরিএল লায়নাশিং থেংনবা ঙম্নবা ঐখোয়গী হকচাংনা পুথোকপা ইম্ম্যুনগী রেস্পোন্সশিংগী মপাঙ্গল কনখৎহল্লি। মসিগী ফোরমুলা অসি খ্বাইদগী থাক ৱাংনা ইম্ম্যুন কনখৎহনবা ঙম্নবা শেম শাবনি।

মসিগী চা অসি নোংমদা অহুম্লক থকপা য়াই। মসি অঙাংশিং অমসুং অহল ওইরবা মীওইশিংনসু থকপা য়াই। মসিনা খনাও নুংঙাইহল্লি অমসুং ঐখোয়গী হকচাংদা কুমগী ওইবা ফ্লুনা থোকহনবা নুংঙাইতবশিংশু থেংনবদা মতেং পাংই। মসি এন.আই.পি.ই.আর.গী কেম্পস্তা লৈবা মেদিকেল প্লান্ত গার্দেন্দা হৌবা মনা মশিংশিং শিজিন্নদুনা শেমজবা মশাগী পোত্থোক্নি।

এন.আই.পি.ই.আর. অসি কেমিকেল অমসুং ফর্তিলাইজর মন্ত্রালয়গী ফার্মাস্যুতিকেল বিভাগনা ঙাক শেন্দুনা লৈবা লৈবাক অসিগী ওইনা য়াম্ন মরু ওইবা ইন্সতিত্যুৎশিংনি। অহমেদবাদ, হাইদ্রবাদ, হাজিপুর, কোল্কতা, গুৱাহাতি, মোহালি অমসুং রাইবরেলিদা ইনিস্তিত্যুৎ তরেৎনা নিংথিনা মথৌ তৌদুনা লৈরি।

*****