দেবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও. পর্সনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী কেন্দ্রগী মন্ত্রী (ইন্দিপেন্দেন্ত চার্জ) দোক্তর জিতেন্দ্র সিংহনা ঙসি অৱাং নোংপোকদা অখন্নবা মীৎ্য়েং থম্লগা লোয়ননা “এস্পিরেস্নেল” দিস্ত্রিক্তশিংদা ওইরিবা কোবিদকী ফীভম অমসুং হেল্থকেয়রগী খুদোংচাবশিং য়েংশিনখ্রে। কোবিদকী লায়চৎ থোক্লকপা অসিদা নোর্থ ইস্তর্ন (দোনর) মন্ত্রালয়না অৱাং নোংপোক্কী স্তেৎ নিপালগী হেল্থকেয়রগী খুদোংচাবশিং হেনগৎহন্ননবা, মরু ওইনা লৌনগনবা লায়নাশিং লাকশিন্ননবা ইনফ্রাস্ত্রকচর শেমগৎনবা লুপা কোতি ১৯০ কায়থনবা ৱারেপ লৌখ্রে হায়নসু মহাক্না ফোঙদোকখি।

হেলথ সেক্রেতরী লোয়ননা দিপুতী কম্মিসনরশিং অমসুং হেল্থ ওফিসিএলশিংনা শরুক য়াখিবা ভর্চ্যুয়ল মীফম অমদা ৱা ঙাংলদুনা দোক্তর জিতেন্দ্রা সিংহনা হায়, এস্পিরেস্নল দিস্ত্রিক্তকী ৱাখল্লোন অসি কী ইন্দিক্তের ৪৯দা য়ুম্ফম ওইরি, মসিদা হেল্থকেয়রগী স্তেসত অসিনা মরু ওইবা মচাক অমা ওইরি। সাইন্তিফিকেল্লী দিজাইন তৌবা মেকানিজমগী খুত্থাংদা এস্পিরেস্নেল দিস্ত্রিক্ত খুদিংমক্না কী ইন্দিক্তেরশিং ফগৎহনবদা মীৎয়েং থমগনি অমসুং পীরিবা ইন্দিক্তেরদা মখোয়গী রেতিং অদু খ্বাইদগী থবক ফজনা তৌবা স্তেৎকী দিস্ত্রিক্ততা অমসুং খ্বাইদগী থবক ফজনা তৌবা লৈবাক্কী দিস্ত্রিক্ততা হেনগৎহন্নবা হোৎনবনি হায়না মহাক্না মখা তাখি।

কোবিদকী লায়চৎতগী মরু ওইনা তমহৌবা অসি তুংলমচৎতা মাংজৌননা লায়চৎ থোক্লকপা অমসুং শন্দোরকপা থেংননবা শেম শাহৌবা অসিনা হেল্থকেয়র ওইনা খ্বাইদগী মরু ওই হায়বা অসিনা হায়না দোক্তর জিতেন্দ্রা সিংহনা ফোঙদোকখি। মসি মতুং ইন্না দোনর মন্ত্রালয়গী মখাদা লৈবা নোর্থ ইস্ত স্পেসিএল ইনফ্রাস্ত্রকচর দেবেলপমেন্ত স্কিম (এন.ই.আই.এস.দি.এস.)দগী লুপা কোতি ৫০০গী মথক্তা লৌথবা য়াবা হকশেলগা মরী লৈনবা প্রোজেক্তশিংগী প্রপোজেলশিং থাবগী খুদোংচাবা অৱাং নোংপোক স্তেৎশিংদা অৱাং নোংপোক (দোনর) মন্ত্রালয়না পীরি হায়না মহাক্না হায়খি। মখা তারকপা ওইনা অসাম, অরুনাচল প্রদেশ, মেঘালয়া, মনিপুর, সিক্কিম, মিজোরাম অমসুং নাগলেন্দদগী প্রপোজেলশিং ফংলে লোয়ননা নিপানশুবা স্তেৎ ওইরিবা ত্রিপুরাদগী প্রপোজেল লাকপা ঙাইরি।

লোকদাউন তৌদ্রিঙৈ কোরোনাগী লায়চৎ হৌরপগী অঙনবা মতমদা গপ-ফন্দিংগীদমক্তা খুদক্কী তেংবাং ওইনা লুপা কোতি ২৫ অৱাং-নোংপোক (দোনর) মন্ত্রালয়না কায়থখিবা অদু দোক্তর জিতেন্দ্রা সিংহনা নিংশিংখি। মসিগী মতুং তারকপদা লুপা কোতি ৫০০ হেনবা নোর্থ ইস্ত স্পেসিএল ইনফ্রাস্ত্রকচর দেবেলপমেন্ত স্কিম (এন.ই.আই.এস.দি.এস.) ফন্দ ফংনবা খুদোংচবা লাকখি।

অসামগী এস্পিরেস্নেল দিস্ত্রিক্ত গোলপরা অমসুং ধুব্রিনা অয়ুশমান ভারত চাউরাক্না মথংশিৎনা ১০০% অমসুং ৮৫% ফংহনবা ঙমখিবদা দোক্তর জিতেন্দ্রা সিংহনা থগৎপা ফোঙদোকখি। মসিগী মথক্তা থা তরুক্কী মনুংদা গোলপরা জিলানা ভারত পুম্বগী এস্পিরেস্নেল দিস্ত্রিক্ত ১৫০গী লিস্তকী মনুংদা ৬৮ শুবদা লৈরম্বদগী ১৬ শুবদা হেনগৎখি।

লম্বী থোংগী খুদোংচাদবা কয়া লৈরবসু, অৱাং নোংপোক স্তেৎশিংনা কোরোনাগী অৱাবা লাকশিনবদা মথৌ ফজনা পাঙথোকখি হায়না দোক্তর জিতেন্দ্রা সিংহনা হায়খি। মহাক্না হায়খি, মখল কয়াগী খুদোংচাদবশিং মঙোন্দা খঙহল্লকখি খুদম ওইনা, অয়ুশমান ভারতকী বেনিফিসরী ওইবা য়াবা লিস্ততা অমসুং গোল্দন কার্দকী মতাংদা অৱাৎপা লৈবা য়েংশিন্ননবা মরী লৈনবা ওথোরিতীগা লোয়ননা পাইখৎলগনি।

হৌখিবা থা অনিদা তৌখিবা হেল্থকেয়রগী থবক থৌরমদা য়ুম্ফম ওইরগা দোনর মন্ত্রালয়গী সেক্রেতরী অমসুং মকোক থোংবা ওফিসিএলশিং লোয়ননা অৱাং নোংচুপ লমদমগী স্তেৎ নিপানগী মকোক থোংবা ওফিসিএলশিংনা মখোয়গী তৌখিবশিং অদু থম্লি।

*****