জল শক্তি মন্ত্রালয়
কেন্দ্রগী মন্ত্রীনা মহারাস্ত্রগী মুখ্য মন্ত্রীদা রাজ্য অদুদা জল জীবন মিসন চৎনহন্নবগীদমক চিথী ইখ্রে
রাজ্য অদুদা ২০২০-২১দা জে.জে.এম. চৎনহন্নবগীদমক লুপা কোতি ১,৮২৮.৯২ থাদবগী অয়াবা পীখ্রে
Posted On:
20 JUN 2020 4:47PM by PIB Imphal
জল শক্তিগী কেন্দ্রগী মন্ত্রী শ্রী গজেন্দ্র সিংহ শেখাৱৎনা সরকারগী ফ্লেগশিপ প্রোগ্রাম জল জীবন মিসন অসি চাং নাইনা য়েংশিল্লি অমসুং হায়রিবা মিসন অসি অথুবা মতমদা চৎননবা রাজ্যশিং/য়ুনিয়ন তেরিতোরীশিংগা লেপ্পা লৈতনা পাউ ফাওনরি৷ হোৎনরিবা অসিদা মন্ত্রীনা মহারাস্ত্রগী মু্খ্য মন্ত্রী শ্রী উধভ থেক্কেরেদা ইখিবা চিথী অদুদা মিসন অদু খরা থুনা চৎনহন্নবা তকশিনখ্রে৷
২০১৯গী ওগস্ত ১৫দা রেদ ফোর্দকী লানবনদগী জল জীবন মিসন প্রধান মন্ত্রী নরেন্দ্র মোদিনা ২০২৪ ফাওবগী মনুংদা য়ুমথোং খুদিংদা তোতিগী ঈশিং ফংহনবগী(এফ.ঐচ.তি.সি.শিং) পান্দম থম্লিবা জল জীবন মিসন অসি লাওথোকখ্রে৷ লাইফ চেঞ্জিং ওইরবা মিসন অসিনা খুঙ্গংদা লৈরিবা মীওইশিং মরু ওইনা কা হেন্না শুজ নোমজবা নুপীমচাশিংগী থবক অদু হন্থহন্দুনা পুন্সি মরেল অদু হেন্না ফগৎহল্লগনি৷
জল জীবন মিসন (জে.জে.এম)গী মখাদা য়ুমথোং খুদিংমক্তা চাং নাইনা অমসুং লোঙ্গ তর্ম বেসিস্তা ক্বালিতী লৈবা থকপা য়াবা ঈশিং মরাং কাইনা ফংহন্নবা হোৎনবদা রাজ্য সরকারদা কেন্দ্র সরকারনা তৌবা য়াবা মতেং পুম্নমক তৌগনি হায়দুনা মন্ত্রী অদুগী চিথীদা থাজবা পীরকখ্রে৷ জে.জে.এম.গী মখাদা ভারত সরকারনা ফন্দশিং অদু এফ.ঐচ.তি.সি.না ফংহল্লিবা অউতপুত অমসুং কেন্দ্র অমসুং রাজ্যগী লৈরিবা মেচিং সিয়র অদু শিজিন্দুনা ফন্দশিং অসি থাদগদৌরি৷ ২০১৯-২০দা মহারাস্ত্র সরকারনা তোতি ঈশিং লাখ ১৬.২৬ শম্নবা পান্দম থম্বগী মনুংদা ইমুং লাখ ৫.৪৫দা তোতি ঈশিং পীখ্রে৷
ভারত সরকারনা রাজ্য অসিদা ২০২০-২১দা জে.জে.এম. অসি চৎনহন্নবগীদমক লুপা কোতি ১৮২৮.৯২ থাদবগী অয়াবা পীখ্রে৷ রাজ্যগী লৈরিবা শিজিন্নদ্রিবা শেনফম লুপা কোতি ২৮৫.৩৫ অমসুং কেন্দ্রগী চহী অসিগী এলোকেসন অমসুং রাজ্যগী মেচিং সিয়র অসিগা লোইননা ২০২০-২১দা জে.জে.এম. চৎনহন্নবগীদমক রাজ্য অসিদা লুপা কোতি ৩,৯০৮ ফংলগনি৷ মখাতানা ১৫শুবা শেঞ্জাগী কম্মিসন্না রাজ্য অসিদা লুপা কোতি ৫,৮২৭গী তাইদ গ্রান্তশিং শোইফদনা a) থক্নবা ঈশিং ফংহনবা, নোংগী ঈশিং য়োকশিনবা অমসুং ঈশিং রিসাইক্লিং তৌহনবা b) ও.দি.এফ. স্তেতস সেনিতেসন অমসুং মেন্তিনেন্স তৌবা হায়বা হিরম অসিদা শিজিন্ননবগীদমক শেনফম অদু কাইথোকখ্রে৷
লোঙ্গ তর্ম সস্তেনেবিলিতী লৈহন্দুনা থক্নবা ঈশিং মরাং কাইনা ফংহন্নবগীদমক খুঙ্গংশিং অদুদা ঈশিংগী সপ্লাই সিস্তেম অদু প্লান্নিং, ইমপ্লিমেন্তেসন, মেনেজমেন্ত, ওপরেসন অমসুং মেন্তিনেন্স তৌবদা লোকেল ভিলেজ কম্মুনিতী/গ্রাম পঞ্চায়তশিং অমসুং য়ুজর গ্রুপশিং য়াওহন্নবা কেন্দ্রগী মন্ত্রীনা মুখ্য মন্ত্রীদা তকশিনখ্রে৷ খুঙ্গং খুদিংমক্তা জল জীবন মিসন অসি অশেংবা মীয়ামগী ইহৌ অমা ওইহন্নবগীদমক কম্মুনিতী মোবিলাইজেসনগা লোইননা আই.ই.সি. কেম্পেন তৌগদবনি৷
ৱাতর সপ্লাই স্কিমশিংদা লৈরিবা পাইপ ৮,২৬৮ অসি নৌনা শেমজিন শাজিন্নবা মন্ত্রী অদুনা হায়জখ্রে অমসুং মসিনা চহী অসিদা য়ুং লাখ ২২.৩৫দা তোতিগী ঈশিং ফংহনবা ঙম্লগনি৷ লাক্কদৌরিবা থা ৪-৬ অসিদা হায়রিবা খুঙ্গংশিং অসি ইরাই লাইনা ‘হর ঘর জল গাউন’ ওইবা য়ানবগীদমক অমসুং অথুবা মতমদা শমাজ অসিদা লৈরিবা লাইরবা অমসুং শোৎথরবা কাংলুপশিংগী মনুং চন্না লৈহৌরিবা ইমুংশিংদা তোতিগী ঈশিং ফংহন্নবা হায়রিবা থবকশিং অসি কেম্পেন মোদতা চৎথনবা রাজ্যদা খঙহনখ্রে৷ ২০২০গী দিসেম্বর ৩১ ফাওবগী মনুংদা রাজ্য অসিদা কা হেন্না শোকচিল্লবা মফমশিং ১০০% কোনশিনবা ঙম্নবা প্লান শেমখ্রে৷ য়ুমথোং পুম্নমক য়াওনবা প্লান্নিং তৌরিঙৈদা ঈশিং লিক্না ফংবা মফমশিং, ক্বালিতী এফেক্তেদ মফমশিং, এস.সি./এস.তি.না নম্না খুন্দারিবা খুঙ্গংশিং, ঈশিং ফংলগনি নিংজরিবা জিলাশিং, সন্সদ অদার্শ গ্রামিন খুঙ্গংশিং মরু ওইনা ফিভম শোকপা য়ানা লৈরবা ত্রাইবেল কাংলুপশিংদা হেন্না প্রাইওরিতী পীখ্রে৷
মহারাস্ত্র রাজ্যদা ঈশিং য়োকশিন্দুনা থম্নবগীদমক অফবা থবক খরদি তৌখ্রে৷ থবকশিং অসিদগী মতৌ তম্বা ওইনা লৈরিবা ৱাতর রিসোর্স অসি তোঙান তোঙানবা প্রোগ্রামশিং এম.জি.এন.আর.ই.জি.এস., জে.জে.এম., এস.বি.এম.(জি), পী.আর.আই.শিংদা পীবা ১৫শুবা এফ.সি. গ্রানশিং, দিস্ত্রিক মিনরেল দিবেলপমেন্ত ফন্দ, কমপা, সি.এস.আর. ফন্দ, লোকেল এরিয়া দিবেলপমেন্ত ফন্দ অসি খুঙ্গংগী থাক্তা পুনশিন্নবা প্রান তৌগদবনি অমসুং হায়রিবা রিসোর্সশিং অসি পুনশিল্লগা খুঙ্গং খুদিংমক্কী ভিলেজ এক্সন প্লান (ভি.এ.আর.) শেমগদবনি৷
চৎথরিবা কোবিদ-১৯ লাইচৎ অসিগী ফিভম অসি য়েংলগা কেন্দ্র মন্ত্রীগী চিথী অদু মতম চাই৷ পব্লিক হেল্থ অমসুং খুঙ্গংগী শেল থুমগা মরী লৈনবা ইসুশিং অসি থেংননবা মসিগী ফ্লেগশিপ প্রোগ্রাম জল জীবন মিসন অসিনা য়াম্না মরু ওইবা থৌদাং লৌরগনি৷ মরম অদুনা য়ুমথোংশিংদা ঈশিং ফংহন্নবগীদমক খুঙ্গং খুদিংমক্তা ঈশিং পীবগী থবক অসি পাইখৎপা মরু ওইরে, মসিনা খুঙ্গংগী মীওইশিং অমসুং মাইগ্রেন্তশিংদা থবক পীদুনা খুঙ্গংগী শেল থুমগী ফিভম ফগৎহল্লগনি৷
২০২৪ ফাওবগী মনুংদা রাজ্য অসি ‘১০০% এফ.ঐচ.তি.সি.শিং লৈবা জিলা’ ওইহন্নবগীদমক মহারাস্ত্রগী মুখ্য মন্ত্রীদা জল শক্তিগী মন্ত্রীনা ফুল কোপরেসন পীগনি হায়দুনা থাজবা পীখ্রে অমসুং জে.জে.এম. অসি চৎনহন্নবগী অমসুং প্লান্নিং তৌবগী খন্না নৈনবগী থৌরম অমা মুখ্য মন্ত্রী য়াওনা ভিদিও কনফরেন্সিংগী খুৎথাংদা অথুবা মতমদা পাংথোক্লগনি৷
*****
(Release ID: 1633082)
Visitor Counter : 141