ঙসি ভিদিও কনফরেন্সিংগী খুৎথাংদা কেমিকেল অমসুং ফর্তিলাইজর্সকী কেন্দ্রগী মন্ত্রী শ্রী দি.ভি. সদানন্দ গৌদানা সেন্ত্রেল ইন্সতিত্যুত ওফ পেত্রোকেমিকেল্স ইঞ্জিন্নিয়ররিং এন তেক্নোলোজী (সিপেত)কী থবক থৌরমশিং অদু য়েংশিনখ্রে৷ কোবিদ-১৯ লাইচৎ অসিগী মনুংদা সিপেতনা চৎথরিবা স্কিল, তেক্নোলোজী সপোর্ত সর্ভিসেস অমসুং রিসর্সকা মরী লৈনবা থবক থৌরমশিং অদু মন্ত্রী অদুগী মমাংদা সিপেতকী দি.জি.না পুথোক্তুনা উৎখ্রে৷

মীফম অদুদা শ্রী গৌদানা হায়খ্রে মদুদি সরকারগী মিসন ওইরিবা করেন্ত থর্স্ত ‘‘অত্ম নির্বর ভারত’’ অসিগী মতুং ইন্না পেত্রোকেমিকেল সেক্তরদা লৈরিবা এম.এস.এম.ই.শিংগী চাওখৎলকপা অসিদা মতেং পাংন্নবগীদমক মরী লৈনবা অকুপ্পা প্রানগা লোইননা সিপেতকী লৈরিবা পাক চাওরবা নেতৱর্ক অসি শিজিন্নগদবনি৷ মহাক্না মেদিকেলগী শিনফমদা লৈরিবা মীওইশিংদা কান্নবা পীরিবা পি.পি.ই. কিৎশিং শানবগীদমক সিপেতকী দি.জি.দা হায়খ্রে৷ মন্ত্রী অসিনা লৈবাক অসিদা চৎথরিবা লোকদাউন অমসুং কোবিদ-১৯গী ফিভম অসিদা তোঙান তোঙানবা সিপেতশিংনা হোৎনরিবশিং অসি থাগৎপা ফোংদোকখ্রে৷ মহাক্না অসুম্না ফোংদোকখ্রে মদুদি কোবিদ-১৯গী মাইয়োক্তা লৈবাক অসিনা চৎথরিবা চেকশিন থৌরাংশিং অসি হেন্না মপাঙ্গল লৈহনগদৌরিবা হায়রিবা পোত্থোকশিং অসি সিপেতনা লেপ্পা লৈতনা শানবগী মপাম্বা অদু ফোংদোক্লম্মী৷

কেমিকেল্স অমসুং পেত্রোকেমিকেল্সগী সেক্রেতরী শ্রী আর.কে. চতুর্বেদিনা কোবিদ-১৯ লাইচৎ অসিগী মনুংদা সিপেতনা চৎথরিবা য়াম্না এদবান্স ওইরবা থিজিন হুমজিনবগী থবক থৌরমশিং খুদম ওইনা অমুক হন্না শিজিন্নবা য়ারবা এন্তিবেক্তরিয়েল/এন্তিমাইক্রোবিয়েল মাক্সশিং, ভেন্তিলেতর স্প্রিত্তরশিং অমসুং অতোপ্পা হেন্না ফরবা পি.পি.ই. কিৎশিং শেম শারিবশিং অদু কুপনা য়েংশিনখ্রে৷

পেত্রোকেমিকেল্সকী জোইন্ত সেক্রেতরী শ্রী কাশি নাথ ঝানা ফোংদোকখ্রে মদুদি হান্নদগী মেদিকেল লাইয়েংশিংদা অমসুং অতোপ্পা মরী লৈনবা মেদিকেল রিসর্সতা সিপেতনা থবক তৌদুনা লাক্লি অমসুং মসিনা পোলিমর অমসুং এলাইদ ফিল্দশিংদা লৈরিবা তেক্নিকেল এক্সপর্তাইস শিজিন্নদুনা “দিবেলপমেন্ত ওফ মেদিকেল দিভাইস পার্ক” অসি য়াম্না কান্নবা মওংদা মতেং পাংবা ঙম্লগনি হায়খ্রে৷ মীফম অদুদা জে.এস.(সি) সমির কুমার বিস্বাস, প্রোফেসর(দা) এস.কে. নায়ক, সিপেতকী দি.জি. অমসুং সিপেত সেন্তরশিংদগী অতোপ্পা সেন্তর হেদশিং/ দাইরেক্তরশিংগা লৌইননা মীফম অদুদা শরুক য়াখি৷

তোঙান তোঙানবা সিপেত সেন্তরশিংগী হেদ অদুনা কোবিদ-১৯ লাইচৎ অসিগী মনুংদা লৈবাক অসিগী মতেং পাংন্নবগীদমক রাজ্য/কেন্দ্র সরকারদগী লাক্লিবা দিমান্দ, মেদিকেল লাইয়েংদা লাক্লিবা আর অমসুং দিগী দিমান্দ, মোল্দস/দাইস অমসুং সেনিতাইজরশিং শেম্নবগী লাক্লিবা দিমান্দশিং অসিগী মখা পোন্না পি.পি.ই. কিৎশিং অসিগী কেরেক্তিরাইজেসন অমসুং বেলিদেসন অসিগা মরী লৈনবা মখোয়গী মথক থৌরমশিং অদুসু পুথোকখ্রে৷

*****