ঙাকশেল মন্ত্রালয়
কর্তেন রাইজর ইন্দিয়ন আর্ম ফোর্সেস কন্তিঞ্জেন্ত ভিক্তরী দে পেরেদ ২০২০
Posted On:
19 JUN 2020 12:13PM by PIB Imphal
কোলোনেলগী রেঙ্ককী ওফিসর অমনা লুচিংবা ইন্দিয়ন আর্ম ফোর্সেসকী রেঙ্ক পুম্নমক্কী ৭৫না শাবা ত্রাই-সর্ভিস কন্তিঞ্জেন্ত অমা ১৯৪১-১৯৪৫কী গ্রেত পেত্রিওতিক ৱারদা সোভিএত মীয়াম্না মায় পাকখিবগী ৭৫শুবা কুমওন থৌরম নীংশিংবা ওইনা জুন ২৪, ২০২০দা মোস্কোগী রেদ স্ক্ব্যরদা পাঙথোক্কদবা মিলিতরী পেরেদতা শরুক য়াগদৌরি।
অনিশুবা মালেমগী লাঞ্জাওগী মতমদা বৃতিশ ইন্দিয়ন আর্ম ফোর্সেস অসি এক্সিস পৱারগী মায়োক্তা শোক্নখিবা অৱাং অমদি নোংপোক অফ্রিকা কেম্পেন, নোংচুপ লৈকংলা কেম্পেন অমদি য়ুরোপিয়ন থিএতরদা শরুক য়াখিবা খ্বায়দগী চাউবা এলাইদ ফোর্সশিংগী মরক্তা ওইখি। কেম্পেনশিং অদুদা ইন্দিয়ন সর্ভিসমেন লিশিং ৮৭না থৱায় কৎখি অমদি ৩৪,৩৫৪না অশোক অপন নংখি। ইন্দিয়ন লান্মীনা মায়কৈ খুদিংমক্তা লান্থেংনখিবতা নত্তনা সোভিএত য়ুনিয়ন, ইরান অমদি ইরাক্তা খুৎশু খুৎলায়, নোংমৈ মরূ, মচাক মথুম অমদি চাননবা চীঞ্জাক পুরিবা খাথংবা, ত্রান্স-ইরানিয়ন লেন্দ-লিজ রুত লম্বীদা লোজিস্তিক সপ্পোর্তসু পীখি। ইন্দিয়ন লান্মীশিংগী থৌনা ভিক্তোরিয়া অমদি জোর্জ ক্রোস ১৮ য়াওনা মনা লিশিং মরি হেন্না পীদুনা শকখঙখি। মসিগীসু মথক্তা সোভিএত য়ুনিয়ননসু ইন্দিয়ন আর্ম ফোর্সকী থৌনাবু পুক্নীং থৌগৎখি অমদি মে ২৩, ১৯৪৪গী দিক্রীগী মতুং ইন্না মিখাইল কালিনিন অমদি অলেকজেন্দর গোর্কিননা খুৎয়েক পীবা য়ু. এস. এস. আরগী সুপ্রিম সোভিএতগী প্রেসিদিয়মনা রোয়েল আর্মী সর্বিস কোরগী সুবেদার নরায়ন রাও নিক্কাম অমসুং হবিল্দার গজেন্দ্র সিংহ চান্দদা ইকায়খুম্ননিংঙাই ওইরবা ওর্দর ওফ দি রেদ স্তার মনা পীখি।
ভিক্তরী দে পেরেদদা শরুক য়াগদৌরিবা মার্চিং কন্তিঞ্জেন্ত অদু থৌনা ফরবা সিখ লাইত ইন্ফেন্ত্রী রেজিমেন্তকী মেজর রেঙ্ক ওফিসর অমনা লুচিংলি। রেজিমেন্ত অসিনা অনিশুবা মালেমগী লাঞ্জাওদা থৌনা ফনা লান্থেংনখি অমদি গেলেন্ত্রী মনা কয়াগী মরক্তা বেত্তল ওফ ওনর্স মরি অমদি মিলিতরী ক্রোস অনি ফংখি।
******
(Release ID: 1632565)
Visitor Counter : 192