সি. এস. আই. আর.-ইন্দিয়ন ইনস্তিত্যুৎ ওফ কেমিকেল বাইওলোজী (আই. আই. সি. বি.), কোলকতাগী থিজিল্লোয় কাঙবু অমনা সারস-কোভ-২গী শিংলি-নাউরিদা চঙশিনবা ঙম্বগী মঙমগী মতাংদা থিজিনবগা লোয়ননা ভাইরস অসিনা থোপকী (ব্রেন) নীংশা হোনবগী মফমদা শোকহল্লমবা য়াই অমদি কোবিদ-১৯না মী শিহনবগী মরমদা থিজিল্লবসি সেন্ত্রেল নর্ভস সিস্তেমগী নীংশা হোনবগী মফমদা মীৎয়েং চঙগদবনি হায়বা ফোঙদোকখ্রে‍।

এ. সি. এস. কেমিকেল ন্যুরোসাইন্সনা ফোঙবা অদুগা দিপার্তমেন্ত ওফ সাইন্স এন্দ তেক্নোলোজী (দি. এস. তি.)গী স্তেতুতরী বোদী অমা ওইরিবা সাইন্স এন্দ ইঞ্জিনিয়রিং রিছর্চ বোর্দ (এস. ই. আর. বি.)না ঙাক্লৌ পীবা পেপর অদুনা সারস-কোভ-২ ভাইরসনা নাতোন্দগী মীওইবগী থোপ্তা চঙখিদুনা থোপকী ওলফেক্তরী বল্ব য়ৌশিল্লমবা য়াই হায়না উৎলি‍। মফমদুদগী সারস-কোভ-২ ভাইরসনা নীংশা হোনবগী তান্থা শেম্ববু কন্ত্রোল তৌরিবা থোপকী মরুওইবা মফম প্রিবোতজিঙ্গর কম্প্লেক্স (পি. বি. সি.)দা শোকহল্লমবা য়াই‍। থোপকী নীংশা হোনবগী মফম অসি কোল্লাপ্স তৌখিবনা কোবিদ-১৯ নারবা মীওই শিরকপগী মরম ওইরমবা য়াই হায়নসু শন্দোক্না তাক্লি‍।

লং অসি খ্বায়দগী শোকহনবা কায়াৎ ওইজরবসু থোপ য়াওনা হকচাঙগী তোঙান তোঙানবা কায়াৎ কয়াদসু শোকহল্লি হায়বা ৱাফম থিজিল্লোয় কাঙবু দা: প্রেম ত্রিপাথি, দা: উপাসনা রে; দা: অমিত স্রিভাস্তভ অমসুং দা: সোনু গান্ধিনা খন্নখি‍। সারস-কোভ-২না নীংশা হোনবগী থৌওং কন্ত্রোল তৌরিবা ব্রেনস্তেমগী পি. বি. সি.দা তার্গেত তৌদুনা কোবিদ-১৯ নারবার মীওইদা নীংশা হোনবগী থৌওং লেপহল্লবা য়াই হায়বা ৱাফম ফোঙদোকপা অহানবা রিপোর্ত ওইরি‍।

কোবিদ-১৯ নারবা মীওইশিংগী সেরেব্রোস্পাইইনেল ফ্লুইদ অমদি শীরবা অনাবগী থোপকী পোস্ত মোর্তেম নীংথিনা নৈনদুনা সারস-কোভ-২না চঙবগী লম্বী অমদি মসিনা থোপকী নীংশা হোনবগী মফমদা শন্দোকপগী থৌওং খঙদোক্নবা হোৎনগদবনি হায়না সাইন্তিস্তশিংদুনা ফোঙদোক্লি‍।

প্রিবোতজিঙ্গর কম্প্লেক্স অসিনা নীংশা হোনবগী মরুওইবা ওক্সিলেতর অমা ওইনা মথৌ তৌই অমদি মসি নীংশা হোনবগী মফম অমনি হায়না হায়বা ৱাফম লৈরি‍। পি. বি. সি.দা অপনবা পীবনা নীংশা হোনবগী থৌওং লেপহন্দুনা খুদোংথিবা থোকহল্লি হায়দুনা নীংশা হোনবগী তান্থা শেম্বদা লৌরিবা মরুওইবা থৌদাংগী ৱাফম মমাঙদা হান্ননা উৎখ্রে‍। সারস-কোভ-২না ব্রেনস্তেমগী পি. বি. সি.বু মাঙহন-তাকহন্দুনা নীংশা হোনবগী মফমবু মথৌ লেপহন্দুনা নীংশা হোনবদা শোকহল্লবা য়াই হায়রি‍। হায়রিবা ওইথোকপা য়াবা ৱাফমসি সারস-কোভ-২গী মতাংদা ভেলিদেত তৌবা মথৌ তারবসু কোবিদ-১৯ নারবা মীওইশিংনা মনম খঙবা ঙম্বগী পাঙ্গল মাঙবা অসি মরুওইবা লায়ওংশিংগী মনুংদা অমা ওইনা উৎলিবা কিঙ্স কোলেজ লন্দন, য়ু. কে.গী সাইন্তিস্ত কাঙবু অমগী কুইদ্রিবা অতোপ্পা স্তদী অমনা হায়রিবা লম্বী অসিদা সারস-কোভ-২না থোপ্তা চঙলমবা য়াই হায়বা ইঙ্গিৎ পীরি‍।

সারস-কোভ-২ অমদি সারস-কোভ অসি দি. এন. এ. সিকুএন্স চাং ৱাংনা মান্নরি, অনিমক্না চপ মান্নবা এঞ্জিওতেন্সিন-কন্ভর্তিং এঞ্জাইম ২ (এ. সি. ই. ২) রিসেপ্তর শীজিন্নদুনা ভাইরস অসিনা তার্গেত সেলদা চঙশিল্লি‍। মসিনা মরম ওইরগা সারস-কোভনা হোস্ত সেলদা শোকহনবগী থৌওং অসি সারস-কোভ-২গী মতাংদসু চপ মান্নৈ হায়না লৌনরি‍।

কোবিদ-১৯ নারবা মীওইশিংদা ন্যুরোলোজিকেল লায়ওং লাকপরা য়েংশিনবতা নত্তনা অসিগুম্বা লায়ওং লাকপা মতমদা মখোয়বু তোখায়না থম্বিবা মরুওই হায়না স্তদী অসিনা ফোঙদোক্লি‍। থিজিল্লোয়শিংদুনা হৌজিক্কী ওইনা থোপ অসি কোবিদ-১৯না শিবগী প্রাইমারী নৎত্রগা সেকেন্দরী ওইবা মরমগী মফম অমা ওইনা লৌদ্রি, সি. এন. এস.কী নীংশা হোনবগী মফমলোমদা মায় ওনশিনবা মথৌ তাই হায়বা ৱাফম উৎলি‍। মহিক অসিনা চঙখিবগী লম্বী অমদি থোপকী নীংশা হোনবগী মফমগী মতাংদা নীংথিনা য়েংশিনবা য়াওনা শোকহল্লিবা মফমশিং খঙদোক্নবগীদমক কোবিদ-১৯ নারবা মীওইশিংগী থোপকী পোস্ত মোর্তেম তৌবা য়াই‍।

পব্লিকেসন: https://pubs.acs.org/doi/10.1021/acschemneuro.0c00217

(অহেনবা অকুপ্পা ৱারোলগীদমক কন্তেক্ত তৌবিয়ু: দা: প্রেম প্রকাশ ত্রিপাথি, সাইন্তিস্ত, সি. এস. আই. আর.-আই. আই. সি. বি., ইমেল: prem.tripathi@iicb.res.in ,মোবাইল: +৯১-৮৩৭৫৯৪০৭৭৫

দিস্ক্লেমর: দা: ত্রিপাথিনা পীরকপা মথক্কী ফিগর অসি ফোঙখিবা আর্তিকল অদুগী শরুক নত্তে‍। মসিগী মতাংদা পেন্দবা লৈরবদি থিজিল্লোয় অসিনা দাইত্ব পুম্নমক পুগদবনি‍।

*****