সি.এস.আই.আর.গী শরুক অমা ওইরিবা লেব সি.এস.আই.আর- সেন্ত্রেল দ্রগ রিসর্স ইন্সতিত্যুৎ (সি.দি.আর.আই.) লখনৌনা এন্তিভাইরেল দ্রগ য়ুমিফেনোবিরগী কান্নবগী চাং, শীজিন্নবদা কায়দবা অমসুং খাঙবা ঙম্বগী চাং য়েংনবা ফেজ ৩গী রেন্দম্নাইজ, দব্বল ব্লাইন্দ, প্লাসেবো কন্তোল্দ ত্রাইএল তৌনবা অয়াবা ফংলে। ফেজ ৩গী ক্লিনিকেল ত্রাইএল অসি কিং জিওর্জ মেদিকেল য়ুনিবর্সিতী (কে.জি.এম.য়ু.), দা. রাম মনোহর লোহিয়া ইন্সতিত্যুৎ ওব মেদিকেল সাইন্সেস (আর.এম.এল.আই.এম.এস.) অমসুং ইরা'স লখনৌ মেদিকেল কোলেজ অমসুং হোস্পিতাল, লখনৌদা পাঙথোক্কনি।

মসিগী হিদাক অসিদা অশোই অঙাম য়াওদবগী চাং য়াম্না ৱাংই, অমসুং মীওইবগী সেলদা ভাইরস চঙবা থিংদুনা অমসুং ইম্যুন সিস্তেমদা মরোল অমা হাপকত্তুনা মথৌ তৌই। য়ুমিফেনোবির অসি ইনফ্লুএঞ্জা লাইয়েংবদা মরু ওইনা শীজিন্নৈ অমসুং মসি চাইনা অমসুং রসিয়াদা ফংই, অমসুং কোবিদ-১৯ অনাবশিংদা শীজিন্নবদা কান্নবগীদমক খঙনবা হেল্লক্লি। মসিগী কান্নবগী চাং অসি ভারতকী অনাবশিংদা চংয়েংনবগীদমক সি.এস.আই.আর.- সি.দি.আর.আই.না ক্লিনিকেল ত্রাইএলশিং পায়খৎখ্রে। মখা তানা, মসিনা অতেনবা মতমদা য়ুমিফেনোবিরগী প্রোসেস তেক্নোলোজী শেমগৎখ্রে অমসুং হিদাক অসিবু শানবগী ইকোনোমিকেল ওইবা প্রোসেস তেক্নোলোজীগী অমসুং মাঙজৌননা দি.সি.জি.আই.দগী তেস্ত লাইসেন্স পায়রবা এম./এস. মেদিজেস্ত ফার্মাস্যুতিকেলস প্রাইবেৎ লিমিতেদ গোৱাদা য়োন্নবগী লাইসেন্স পীখ্রে।

প্রোফেসর তপাস কুন্দু, দিরেক্তর সি.এস.আই.আর.- সি.দি.আর.আই.না হায়খি মদুদি, হিদাক অসিগী মচাক মথুম খুদিংমক লমদমসিদা ফংবা ঙাক্তনি অমসুং করিগুম্বা ক্লিনিকেল ত্রাইএল অসিদা মায় পাক্লবদি য়ুমিফেনোবির অসি শীজিন্নবদা কায়দবা, কান্নবা ফংবা, মমল হোংবা কোবিদ-১৯ লাইয়েংবদা শীজিন্নবা য়াবা হিদাক অমা ওইরগনি অমসুং নেসনেল প্রোগ্রাম অগেনস্ত কোবিদ-১৯গী শরুক অমা ওইবা য়ারগনি। প্রোফেসর কুন্দুনা মখা তানা হায়খি মদুদি মসিগী হিদাক অসি প্রোফাইলেক্তিক ওইনা শীজিন্নবদসু কান্নৈ।

দা. সেখর মান্দে, দি.জি.-সি.এস.আই.আর.না মসিগী ক্লিনিকেল ত্রাইএল অসি সি.এস.আই.আর.না লৌখৎলকপা হিদাকশিংবু কোবিদ-১৯ লাইয়েংবদা শীজিন্নবা য়াহন্নবগী খোংথাংগী মনুং চন্ননি অমসুং নোদাল সাইন্তিস্ত দা. রবিশঙ্কর রামচন্দ্রন্না লুচিংবা সি.এস.আই.আর.-সি.দি.আর.আই.গী সাইন্তিস্তকী তীম নিলঞ্জানা মজুমদার, অজয় কুমার স্রিবাস্তব, চন্দ্র ভুশন ত্রিপাথী অমসুং নয়ান গোসপু থাগৎপা ফোংদোকখি। ফোর্মুলেসন অমসুং দোক্যুমেন্তেসন তীমদা সি.এস.আই.আর.-সি.দি.আর.আই.গী পি.আর. মিশ্রা, ভি. ভোসলে, আর.কে. ত্রিপাথি অমসুং এস. শর্ম য়াওরি।

ক্লিনিকেল ত্রাইএল অসি দি.সি.জি.আই.গী কোবিদ-১৯ থেংননবা খোংথাংগী মখাদা অৱাংবা থাক্তা খ্বাইগী মকোক্তা থমদুনা পায়খৎখিবনি। ত্রাইএলগী মথংগী খোংথাংশিং অথুবা মতমদা ভারতকী অনাবশিংদা হিদাক অসি ফংহন্নবা হোৎননবা ফাস্ত ত্রেক তৌরি।

*****