শ্রী এন.কে. সিংহ, চিয়রমেন অমসুং ১৫শুবা ফাইনান্স কম্মিসনগী মেম্বরশিংগা ঙসি জল শক্তিগী মন্ত্রী শ্রী গজেন্দ্রা সিংহ অমসুং মহাক্কী তিমগী ওফিসরশিংগা লোয়ননা থক্নবা ঈশিং অমসুং সেনিতেসন সর্ভিসশিংগী প্রোবিজনগীদমক রুরেল লোকেল বোদিশিংদা এফ.সি.গী শেন্থংশিং পীথবগী হীরমদা মীফম অমা কৌখ্রে। কম্মিসনগী তার্মস ওফ রিফরেন্সনা “স্তেৎকী ফাইনান্স কম্মিসননা শেম্বা রিকম্মেন্দেসনশিংদা য়ুম্ফম ওইরগা স্তেৎ অমগী কন্সোলিদেতেদ ফন্দ পুনশিন্দুনা পঞ্চায়েৎশিং অমসুং ম্যুনিসিপালিতীশিংগী রিসোর্সশিংদা মতেং পাংনবা মথৌ তাবা খোংথাংশিং” কিকম্মেন্দ শুকশোই শোইদনা তৌগদবমনি। হীরম অসিগা মরী লৈননা ২০২০-২১গী রিপোর্ত পীশিল্লকপা অসিদা হৌজিক ওইরিবা মওং অমসুং লোকেল বোদিশিংগী শেন্থংশিংগী রিকমেন্দে তৌরিবশিং অসিগুম্বা মখলগী শেন্থং অসি ২০২১-২২দগী ২০২৫-১৬ ফাওবা মখা চৎথবদা অৱাৎপা লৈরোইদ্রা নত্রগা মসিদা ফগৎহনবা/শেমদোকপা করিগুম্বা মথৌ তাবরা হায়বা ফাইনান্স কম্মিসননা খঙবা মথৌ তারি। থক্নবা ঈশিং পীবা তৌবা অমসুং সেনিতেসনগী ওইবা সমস্যাশিং তোইনা থেংনরিবা পঞ্চায়তি রাজ ইন্সিতিত্যূসনশিং অসি চাওরাকনা লাখ ২.৫নি অমসুং মসিদা পঞ্চা্য়তি রাজকী মন্ত্রালয় অমসুং জল শক্তিগী মন্ত্রালয়গা স্তেৎশিংগা পুন্না হোৎনমিন্নবা মথৌ তাবগা লোয়ননা মপুং ফনা ইমপ্লিমেন্ত তৌবা অসিদা কম্মিসন অসিনা অখননবা মীৎয়েং চংলি।

হীরম অসিদা পঞ্চায়তি রাজকী মন্ত্রালয় আমসুং জল শক্তিগী মন্ত্রালয়না পুন্না চেবাউ অমা মার্চ ১৭, ২০২০দা ইদুনা স্তেৎশিংদা ১৫শুবা ফাইনান্স কম্মিসননা থক্নবা ঈশিং অমসুং সেনিতেসন সর্ভিসশিং পীনবা রুরেল বোদিশিংদা পীথবা শেন্থংশিং মপুং ফানা শীজিন্ননবা থাখ্রে। চেবাউ অদুদা পল্লিবা অদুদি ১৫শুবা ফাইনান্স কম্মিসনগী ২০২০-২১ চহিগী ইন্তেরিম রিপোর্ত্তা রুরেল লোকেল বোদিশিংগী মফমশিংদা ঈশিং সপ্লাই তৌবা অমসুং সেনিতেসন অসি লৈবাক অসিনা মরু ওইনা লৌই খঙখি, অমসুং মসিগী মতুং ইন্না লুপা কোতি ৬০,৭৫০গী ৫০% মদুদি লপা কোতি ৩০,৩৭৫ অসি আর.এল.বি.শিংদা তাইদ-গ্রান্তশিং ওইনা (অ) ওপন-দেফিকেসন ফ্রী (ও.দি.এফ.)গী স্তেতস ফংনবা সেনিতেসন অমসুং মেন্তেনেন্স; অমসু (আ) থক্নবা ঈশিং পীবা, নোংগী ঈশিং তুংশিনবা অমসুং ঈশিং রিসাইকল তৌনবা কায়থখি। তাইদ গ্রান্তশিং অসিগী শরুক তঙখাই অমদি কম্পোনেন্ত অনি অসিগীদমক পি.আর.আই.শিংনা থম্লগনি। অদুম ওইনমক, করিগুম্বা গ্রাম পঞ্চায়েৎনা কেতগোরী অমগী মথৌতাবা শেলশিং শীজিন্নদুনা লোয়শিনখ্রবদি, হায়রিবা জি.পি.না অতোপ্পা কেতগোরীগী ফন্দশিং শীজিন্নবা য়াগনি। ১৫শুবা ফাইনান্স কম্মিসনগী শেন্থংশিং ঈশিং অমসুং সেনিতেসনগীদমক্তা শীজিন্নবা মতমদা পি.আর.আই.শিংদা স্তেৎশিংনা খঙহনগদবনি, জে.জেম.এম. অমসুং এস.বি.এম. (জি)গী থবক থৌরমশিং পাংথোকপা ঙম্নবা খুদোংচাবা পীগনি মরমদি লৈবাক অসিগী খুঙ্গংগী মফমশিংদা থক্নবা ঈশিং অমসুং সেনিতেসনগী খুদোংচাবশিং ফংহন্দুনা অৱাবা হন্থহনগনি হায়না চেবাউ অসিদসু পল্লি।

জল শক্তি মিসন অসিগী মখাদা তৌখিবা থবককি মতাংদা কম্মিসনবু অপদেৎ তৌনবা জল শক্তিগী মন্ত্রালয়না প্রজেন্তেসন অমা শেম্মি, মসিদা এফ.এফ.সি.দগী ফংখিবা গ্রান্তশিং পীরি–

• লুপা কোতি ৬০,৭৫০গী ৫০% মদুদি লপা কোতি ৩০,৩৭৫ অসি আর.এল.বি.শিংদা তাইদ-গ্রান্তশিং ওইনা মসিগীদমক কায়থখ্রে:

i.) থক্নবা ঈশিং পীবা, নোংগী ঈশিং তুংশিনবা অমসুং ঈশিং রিসাইকল তৌনবা; অমসু

ii.) ওপন-দেফিকেসন ফ্রী (ও.দি.এফ.)গী স্তেতস ফংনবা সেনিতেসন অমসুং মেন্তেনেন্স

করিগুম্বা লোকেল বোদি অমা হেক্তনা কেতগোরী অমগী মথৌতাবা শেলশিং শীজিন্নদুনা লোয়শিনখ্রবদি, অতোপ্পা কেতগোরীগী ফন্দশিং শীজিন্নবা য়াগনি।

ঈশিং তাংবা অমসুং ঈশিং অফবা তাদবা মফমশিংগী থক্নবা ঈশিং ফংহনবা অসিনচিংবা কেপিতেল ইন্তেন্সিব প্রোজেক্তশিং মথৌ তাবা য়াওনা জল জীবন মিসনগী পান্দমশিং ফংবদা কোবিদ মতুংদা থেংনগদবা খুদোংচাদবশিং অদুসু মন্ত্রালয়না পনখি।

থক্নবা ঈশিং পীনবগী পঞ্চায়তি রাজ ইন্সতিত্যুসনশিংগী ৱাতর, সেনিতেসন অমসুং হাইজিন (ৱাশ) সর্ভিশিংগী শেন্থংশিংঅমসুং য়ু.এক.বি.শিং অমসুং পি.আর.আই.শিংগী শেন্থংশিংগী মন্ত্রালয় অসিনা কম্মিসনদা মশিং কয়াগী পাউতাকশিং পীখি।

মন্ত্রালয়না হায়নিংবদি মসিদা চাউৱোরাক্না শেনফম লুপা কোতি ৮২,০০০ অসি থক্নবা ঈশিং ফংহন্ননবা ‘ইনফ্রাস্তর্কচরেল দেবেলপমেন্তগীদমক সেক্তোরেল এল্লোকেসন’গী শরুক অমা ওইনা মথৌ তাগনি হায়বনি।

ফাইনান্স কম্মিসনগী হৌখিবা রন অপদগী চহি মঙাগী মদুদি ২০২১-২২ দগী ২০২৫-১৬ ফাওবগী ফাইনেল রিপোর্তকী প্রোজেক্ত অসিগীদমক কম্মিসননা অঙমবা মতেং পীগনি হায়না চিয়রমেননা থজাবা পীখি। মন্ত্রী অমসুং মহাক্কী তীমনা থমখিবা পাউতাকশিং অদু কম্মিসনগা মখোয়গী রিকমেন্দেসনশিং তৌবা মতমদা খন্নরগনি হায়না মহাক্না থাজবসু পীরকখি।

*****