কেমিকেল্স অমসুং ফর্তিলাইজর মন্ত্রালয়
প্রধান মন্ত্রী ভারতিয়া জনঔসধী কেন্দ্রশিংদা সেনিতরী নেপকিন্স পেদ অমদা লুপা ১দা ফংহল্লি
জুন ১০, ২০২০ ফাওবগী মনুংদা প্রধান মন্ত্রী ভারতিয়া জনঔসধী কেন্দ্রশিংদা পেদ কোতি ৩.৪৩ হেন্না য়োনখ্রে
Posted On:
17 JUN 2020 4:29PM by PIB Imphal
হৌজিক ওইরিবা ফিবম অসি য়েংদুনা মীয়ামগীদমক তৌবা থবক অমা ওইনা লৈবাক শীনবা থুংনা লৈরিবা প্রধান মন্ত্রী ভারতিয়া জনঔসধী পরিয়োজনা – পি.এম.বি.জে.পি. কেন্দ্র ৬৩০০দা জন ঔসধী সুবিধা সেনেতরী নেপকিনশিং শাদুনা পেদ অমদা খ্বাইদগী তাবা মমলদা লুপা ১দা য়োল্লি। অসিগুম্বা মান্নবা সেনিতরী নেপকিনশিংগী কৈথেলদা ফংবা মমল অসি পেদ অমদা লুপা ৩দগী লুপা ৮ ফাওবনি।
মসিনা হেক হৌদোক্লকপদগী (জুন ৪, ২০১৮) জুন ১০, ২০২০ ফাওবদা প্রধান মন্ত্রী ভারতিয়া জনঔসধী কেন্দ্রশিংদা সেনিতরী নেপকিন কোতি ৪.৬১ য়োনখ্রে। ওগস্ত ২৭, ২০১৯দা মমল হন্থরবা মতুংদা জুন ১০, ২০২০ ফাওবদা পেদ কোতি ৩.৪৩ প্রধান মন্ত্রী ভারতিয়া জনঔসধী কেন্দ্রশিংদা য়োনখ্রে।
পনবা য়াই, থাগী খোংকাপ লাকপা অমসুং মসিগী থবক অসিদা হৌজিকসু অদুমক সমাজগী ওইবা, নাৎকী অমসুং ধর্মগী ওইবা অথিংবা অদুমক লৈরি, মসিনা থাগী খোংকাপ লাকপা মতমদা হকচাং ফনা থম্বদা অৱাবা অদুমক মাইয়োক্নহল্লি। লৈবাক অসিগী মফম কয়াদা, মরুওইনা খুঙ্গংগী নুপীমচাশিংনা অমসুং মীয়াই চল্লবীশিংনা সেনিতরীগী পোত্থোকশিং শীজিন্নবা ফংজদ্রি নত্ত্রগা কৈথেলদা ফংলিবা অসিগুম্বা পোত্থোকশিং অসি মমল তাংবনা মরম ওইদুনা মখোয়না লৈনিংদে।
মসিগী খোংথাং অসিনা ভারতকী খুদোংচাবা ফংজদ্রবা নুপীশিংদা 'স্বচতা, স্বস্থ্যা অমসুং সুবিধা' পীবীরে। মসিগী খোংথাং অসি কেন্দ্রগী ফার্মাস্যুতিকেল বিভাগনা প্রধান মন্ত্রী শ্রী নরেন্দ্র মোদীনা মঙজরিবা মীয়াম পুম্নমক্তা অহোংবা অমসুং অফবা হকশেল পীনবগী মঙলান অদু মংফাওনহন্নবা লৌখৎপা খোংথাং অমনি।
সেনিতরী নেপকিনশিং অসি অকোইবদা অকায়বা পীদে, মরমদি মসিগী পেদশিং অসি ওক্সো-বিওদিগ্রেদেবল ওইবা এ.এস.তি.এম. দি-৬৯৫৪ (বাইওদিগ্রেদেবিলিতী তেস্ত)কী পথাপ ইল্লবা পোৎশকশিংনা শাবনি। প্রধান মন্ত্রী ভারতিয়া জনঔসধী পরিয়োজনাগী মখাদা মসিগী পেদশিং অসি পেদ অমদা লুপা ১দা য়োল্লি।
পি.এম.বি.জে.পি. কেন্দ্রশিং অসিনা কোবিদ-১৯ লাইচৎকী লুরবা তানফম মরক্তা মথৌ তৌরি অমসুং হিদাক অমসুং তঙাইফদবা পোৎলম কয়া লৈজদ্রবা মীওইশিংদা ফংহনলি। জন ঔসধী সুবিধা সেনিতরী নেপকিনশিং অসি কেন্দ্র খুদিংমক্তা ফংলি। পি.এম.বি.জে.পি.গী মখাদা পেদ কোতি ১.৪২রোম মার্চ, এপ্রিল অমসুং মে ২০২০দা লৈবাক শীনবা থুংনা য়োনখ্রে। সুবিধা পেদশিং অসি কেন্দ্র খুদিংমক্তা মতীক চানা ফংহনলি।
জুন ৪ ২০১৮দা পাঙথোকখিবা মালেমগী অকোইবগী নুমিত্তা, ভারত সরকারনা "জন ঔসধী সুবিধা ওক্সো-বাইওদিগ্রেদেবল সেনিতরী নেপকিন" ভারতকী নুপীজাশিংগীদমক চাউথোক্না হৌদোকখি।
***
(Release ID: 1632148)
Visitor Counter : 262