কেমিকেল অমসুং ফর্তিলাইজর মন্ত্রালয়গী মখাদা লৈবা পি.এস.য়ু. অমা ওইরিবা অমসুং লৈবাক অসিদা লৈরিবা মকোক চিংবা তীলহাৎ হিদাক শাবশিংগী মনুংদা অমা ওইরিবা হিল (ইন্দিয়া) লিমিতেদনা সরকার অমগা অমগগী মরক্তা লৌখৎপা লোকস্ত লাকশিন্নবা থৌরাংগী মখাদা ইরান্দা মলাথিওন ৯৫% য়ু.এল.ভি. মেত্রিক তন ২৫ থাখ্রে।

লৈকংলাগী লোকস্তনা মাংহন-তাকহল্লিবশি থেংননবা ভারতনা হন্দক্তা ইরান অমসুং পাকিস্তান্দা অপুনবা ওইনা থবক পায়খৎমিন্ননবা হৌদোকখ্রবনি। ইরান্না হৌদোক্লিবা ৱাফম অসিদা য়ানিংবা ফোংদোক্লকখি অমসুং মসিগী মখা তাবা ওইনা মপাল থৌরম পুবা মন্ত্রালয়না হিল (ইন্দিয়া) লিমিতেদতা মলাথিওন ৯৫% য়ু.এল.ভি. পুথোক্নবা অমসুং ইরান্দা থানবা খঙহনখ্রে। পোৎলমশিং অসি ইরান্দা জুন ১৬, ২০২০গী মনুংদা য়ৌগনি হায়না পারি।

ফুদ অমসুং এগ্রিকলচর ওর্গনাইজেসন (এফ.এ.ও.)গী রিপোর্তকী মতুং ইন্না, লোকস্তকী চোংদুনা চৎকদবা তাংকক অসি ইরানগী সিস্তান- বালুচিস্তানগী লমদমদা য়ামখৎলক্লি, মসিনা ভারত্তা লাক্লিবা থা খরসিদা য়ৌরক্তুনা মহৈ-মরোংশিং মাঙহন-তাকহল্লবা য়ারি। ভারত সরকারনা লোকস্তশিং অসি অসিবু মচা কোকফমদগী হৌদুনা লাকশিন্নবা ইরান্দা পুন্না হোৎনমিন্ননবা হৌদোকখ্রে।

লৈকংলাদগী লাকপা লোকস্তশিং অসিনা হোর্ন ওব অফ্রিকা, নোংপোক থংবা অফ্রিকা অমসুং অরব পেনিন্সুলাদা মহৈ-মরোং মাঙহন-তাকহল্লবা মতুংদা মার্চ/এপ্রিল ২০২০দা ভারত্তা চঙলকখিবনি অমসুং মসিনা লৌবুক্তা থাবা মহৈ-মরোং, হোর্তিকলচরগী মহৈ-মরোং অমসুং রাজস্থান, মধ্য প্রদেশ, গুজরাৎ, পঞ্জাব অমসুং উত্তর প্রদেশতা থাবা অতোপ্পা পাম্বীশিংদা মাঙ তাকহনখ্রে। লৈবাক অসিনা চহী ২৫গী মমাঙদগী অমুক্তা থেংনদ্রিবা মওংদা লোকস্তনা শাথীবা মওংদা লান্দাবা থেংনখ্রে।

হিল (ইন্দিয়া) লিমিতেদনা লৈবাক অসিগী লৌউ-শিংউ অমসুং লৌমীশিংগী য়াইফ থৌরাং মন্ত্রালয়গী লোকস্ত লাকশিন্নবা থৌরাংদা মলাথিওন ৯৫% য়ু.এল.ভি. পীরি। ২০১৯দগী হৌদুনা হৌজিক ফাওবদা কম্পেনী অসিনা থৌরাং অসিগীদমক মলাথিওন ৯৫% য়ু.এল.ভি. মেত্রিক তন ৬০০ হেন্না পীখ্রে।

*****