ৰসায়ন আৰু সাৰ মন্ত্ৰালয়ৰ অধীনস্ত দেশৰ অগ্ৰণী কীটনাশক উৎপাদনকাৰী ৰাজহুৱা খণ্ডৰ প্ৰতিষ্ঠান এইচআইএল(ইণ্ডিয়া) লিমিটেডে আন্তঃচৰকাৰ প্ৰচেষ্টাৰ অংশ হিচাপে ইৰানক কাকতি ফৰিং নিয়ন্ত্ৰণ কাৰ্যসূচীৰ বাবে ২৫ মেট্ৰিক টন মালাথিয়ন ৯৫% ইউএলভি কীটনাশক যোগান ধৰিছে৷

ভাৰতৰ দ্বাৰা ইৰান আৰু পাকিস্তানৰ এই অঞ্চলটোত মৰুস্থলীয় কাকতি ফৰিঙৰ ভয়াবহতা মোকাবিলা কৰাৰ বাবে সমম্বিত প্ৰচেষ্টাৰ বাবে যোগাযোগ কৰা হৈছিল৷  ইৰানে এই প্ৰস্তাৱত ইচ্ছা ব্যক্ত কৰে আৰু সেই অনুসৰি বিদেশ মন্ত্ৰালয়ে এইচআইএল(ইণ্ডিয়া) লিমিটেডক ইৰানলৈ ২৫ মেট্ৰিক টন মালাথিয়ন ৯৫% ইউএলভি প্ৰস্তুত কৰি দেশখনলৈ যোগান ধৰাৰ নিৰ্দেশ দিয়ে৷ ১৬ জুন, ২০২০ত ইৰানে প্ৰথমে খেপ কীটনাশক পোৱাৰ আশা আছে৷

খাদ্য আৰু কৃষি সংগঠন(এফপিঅ’)ৰ প্ৰতিবেদন অনুসৰি কাকতি ফৰিঙৰ আবাদী ইৰানৰ ছিস্তান-বেলুছিস্তান অঞ্চলত বৃদ্ধি হৈ আছে, যিটো অহা মাহ কেইটাত ভাৰতৰ ফালে গতি কৰিব আৰু ই শস্য ধ্বংসৰ কাৰণ হৈ পৰিব৷ ভাৰত চৰকাৰৰ দ্বাৰা কাকতি ফৰিঙৰ বিপদ মোকাবিলা ইয়াৰ প্ৰজনন স্থলতে কৰাৰ দিশত আঁচনি গ্ৰহণ কৰা হৈছে আৰু ইয়াৰ সৈতে সমন্বিত প্ৰচেষ্টাৰ বাবে যোগাযোগ কৰা হৈছে৷

মৰুস্থলীয় এই কাকতি ফৰিঙে হৰ্ণ অফ আফ্ৰিকা, পূব আফ্ৰিকা আৰু আৰৱ উপদ্বীপত ফচলৰ ব্যাপক ক্ষতি সাধন কৰাৰ পাছত মাৰ্চ/এপ্ৰিল, ২০২০ত ভাৰতত প্ৰৱেশ কৰে আৰু ৰাজস্থান, গুজৰাট, পাঞ্জাৱ আৰু উত্তৰপ্ৰদেশসহ কেইবাখনো ৰাজ্যৰ ফচল, কৃষি ফাৰ্ম আৰু অন্য খেতি নষ্ট কৰে৷ দেশে বৰ্তমান সৰ্বাধিক কাকতি ফৰিঙৰ আক্ৰমণৰ সন্মুখীন হৈছে৷ বিগত প্ৰায় ২৫ বছৰৰ পূৰ্বেও এনে কাকতি ফৰিঙৰ আক্ৰমণ দেখা গৈছিল৷

এইচআইএল (ইণ্ডিয়া) লিমিটেডে দেশত কৃষি আৰু কিষাণ কল্যান মন্ত্ৰালয়ক কাকতি ফৰিং নিয়ন্ত্ৰণ কাৰ্যসূচীৰ বাবে মালাথিয়ন ৯৫% ইউএলভিৰ যোগান ধৰি আহিছে৷ ২০১৯ৰ পৰা বৰ্তমানলৈকে কোম্পানীটোৰ দ্বাৰা এই কাৰ্যসূচীৰ বাবে ৬০০ মেট্ৰিক টনতকৈ অধিক মালাথিয়ন ৯৫% ইউএলভি যোগান ধৰি আহিছে৷

********

RCJ/RKM/DB