ৱার্ল্দ হেল্থ ওর্গনাইজেসন (দবল্যু.ঐচ.ও.)গী মতুং ইন্না এন্তামিবা হিস্তোলিতিকা অসি মীওইবশিংদা পেরাসাইৎ দিজিজনা মরম ওইদুনা মোর্বিদিতি অসুং মোর্তেলিতি থোকহনবা অহুমশুবা খ্বাইদগী মকোকথোংবা অমনি। চাওখৎত্রিবা লৈবাকশিংদা পাক শন্না নাগনবা এমিওবাইসিস নত্রগা এমিবিক দাইসেন্তরি থোকহল্লি। জৱাহরলাল নেহরু য়ুনিভর্সিতি (জে.এন.য়ু)দগী রিসর্সরশিংগী তীম অমনা এমিওবাইসিস থোকহল্লিবা প্রোতোজুৱা অদুগী মায়োক্তা অনৌবা দ্রগ মোলিক্যুলশিং পুথোকখ্রে।

মসিগী প্রোতোজুৱান অসি ওক্সিজেনগী কন্সেন্ত্রেসন অৱাংবাশিংদা হিংবা ঙমদবা মহৌশানা এনেরোবিক নত্রগা মাওক্রো-এরোফিলিক ওই। অদুম ওইনমক ইন্ফেক্সনগী মতমদা মসিনা মীওইবগী হকচাং মনুংদা ওক্সিজেন ৱাংখৎলকপা থেংনৈ। ওর্গানিজম্না ওক্সিদেতিব স্ত্রেস মায়োক্ননবা সিস্তিনগী চাং ৱাংনা শুংই।

মসিগী পেথোজেন অসিনা ওক্সিজেনগী লেভেলগী ৱাংবগী মায়োক্তা দিফেন্স মেকানিজম ওইনা তঙাই ফদবা মোলিক্যুলশিং অমা ওইনা সিস্তিন থাদোকই। এন্তামিবানা সিস্তিন শুংনবা মরুওইবা এঞ্জাইম অনি থাদোকই। জে.এন.য়ু.দগী রিসর্সরশিংনা মসিগী মরুওইবা এঞ্জাইম অনি অসিগী মোলিক্যুলর স্ত্রকচরশিং খাইদোকপা অমসুং খঙদোকপা ঙমখ্রে। “ঐখোয়না এনজাইমশিংগী মরক্তা ও-এসিতাইল এল-সেরিন সলফদ্রাইলেস (ও.এ.এস.এস)গী ইনহিবিৎ তৌবা ঙম্বা অদু মাই পাকনা স্ক্রীন তৌখ্রে। ইনহিবিতর খরা অসিনা মসিগী ওর্গানিজম অসিগী গ্রোথ কান্নবা ফংনা য়েংশিনবা ঙম্মি,” হায়না জে.এন.য়ু.গী স্কুল ওফ লাইফ সাইন্সেসকী রিসর্সরশিং লুচিংলিবা প্রোফেসর সমুদ্রলা গৌরিনাথনা ইন্দিয়ন সাইন্স ৱাইয়রগা ৱারি শাবদা ফোঙদোকখি।

“ই.ইস্তোলাইতিকা হীংবদা সিস্তেন বাইওসিন্থেসিস অসি য়াম্না মরু ওই অমসুং মসি প্রোতোজুৱান পেরাসাইৎশিংগা মান্নবা য়াই। ঐখোয়না মাই পাক্না তৌখ্রিবা অসিগুম্না মখোয়গী লম্বেলশিং অসি ইনহিবিৎ তৌরগা থোকহনবা য়াই। খঙদোক্লবা মোলিক্যুলশিং অসি দ্রগ পুথোকপদা শীজিন্নবা য়াগনি” হায়না দোক্তর গৌরিনাথনা ফোঙদোকখি।

রিসর্চ তীম অসিদা সুধাকর ধারভথ, রামচন্দ্রন বিজেয়ন, খুশবু কুমারি অমসুং প্রিয়া তোমার য়াওরি। স্তদি অসি য়ুরোপিয়ন জর্নেল ওফ মেদিসিনেল কেমিস্ত্রী জর্নেল অসিদা ফোঙখ্রে।

*****