মেদিস্নেল অমসুং এরোমেতিক প্লান্তশিং অসিনা মতম পুম্নমক্তা মীশিংগী পুক্নিং চিংশিল্লি। মখোয়শিং অসিগী মরক্তদি খরদি হায়নিংঙাই লৈতনা ফজৈ অমসুং য়াম্না তাংনা ফই। তাইবং মীওইবগী অমসুং শাশিংগী হকশেল ফনবগীদমক্তা মহৌশাদগী হৌনা মাগী মরু ওইবা অসিসু চহী কয়াদগী হৌনা নিংথিবা মওং-মরিল নাইনা শেমদুনা থমখ্রে। অসিগুন্বা মতম অসিদা, ঐখোয়শিংগী মরক্তগী মেদিস্নেল প্লান্ত অয়াম্বগী কান্নবা অসি খংদনা লৈরি। হায়রিবা কান্নবশিং অসিগী মতাংদা খংহন্নবগীবগীদমক সেন্ত্রেল ইন্সতিত্যুৎ ওফ মেদিস্নেল অমসুং এরোমেতিক প্লান্তস(সি.আই.এম.এ.পি.)না মেদিস্নেল অমসুং এরোমেতিক প্লান্তশিংগী ফোতোগ্রাফিগী চাংদম্নবা অমা পাংথোক্নবা লাওথোকখ্রে। চাংদম্নবা অসি পাংথোক্তুনা সি.আই.এম.এ.পি. নসু মেদিস্নেল প্লান্তশিংবু য়োকখৎনবা পাওজেল পীবা পাম্মী।

চাংদম্নবা অসিগী থীম্না ‘নো ইয়োর মেদিস্নেল অমসুং এরোমেতিক প্লান্তস(মেপ)’ ওইগনি। মায় পাকপা ঙম্বা মী অদুনা অহানবা, অনিশুবা অমসুং অহুমশুবা মনাগী ওইনা মথংশিৎনা লুপা ৫০০০, লুপা ৩০০০ অমসুং লুপা ২০০০ ফংগনি। মসিদা নত্তনা এন্ত্রী ১০দসু লুপা ১০০০-১০০০গী কন্সোলেসনগী মনাসু লৈগনি। চাংদম্নবা অসি ভারতকী এমেচর অমসুং প্রোফেস্নেল ফোতোগ্রাফরশিং পুম্নমক্কী ওইনা পাংথোকপনি। হীরমসিগী ওইবা অমমমদা ফোতোগ্রাফ ৩ ফাওবা পীশিনবা য়াগনি। লম-লমগী ওইবা পাম্বীশিংনা হেন্না পামগনি অমসুং ইন্সতিত্যুৎ অসিনা ময়াম্না খংনরবা হোরতিকলচর অমসুং লৈতেংগী ওইবা পাম্বীশিং য়াওহল্লক্নবা হায়খ্রে।

ফোতোগ্রাফ খুদিংদা পাম্বী অদুগী অচুম্বা লেতিন অমসুং ইমালোনগী মমিং লৈগদবনি অমসুং মাগী মেদিস্নেল অমসুং এরোমেতিক্কী মরুওইবশিং অদু ৱাহৈ ২০-৩০ রোমগী ওইগদবনি। ওরিজিনেল দিজিতেল ইমেজখক্তমক পীশিনবা য়াগনি অদুবু চাংদম্নবগী ওইবশিং অদুদি A4 পেজদা কলর প্রীন্ত তৌবা প্রীন্তশিং তৌবা অমসুং অনমাওন্তে তৌবা ওইগদবনি। দিজিতেল ইমেজগী এন্ত্রীশিং অদু ৩০০ দি.পি.আই.গী খ্বাইদগী য়ামদবা রিজোলুসনগী ওইবগা লোয়ননা এম.বি. ৩দগী তাবা ওইগদবনি। ইমেজ অদু জে.পি.ই.জি. নত্রগা তি.আই.এফ.এফ.কী ফোর্মেত্তা ওইগদবনি অমসুং দিসপ্লে রিজোলুসন অদু ১০৮৬x৭৬৮ ওইগদবনি অমদি হেন্না শাংবা নাকল অদু ১০৮৬তগী হেল্লোইদবনি। করিগুম্বা মনাগীদমক্তা স্ক্রীন তৌরবদি রো ইমেজ ফাইল অদু কোন্না হংলক্কনি।

শরুক য়াগদৌরিবশিংনা ইমেজ অসি মীশক অদুনা কাপ্তুনা চাংদম্নবা অসিগী এন্ত্রীদা ফংনবগীদমক্তা মেল থারিবা মী অসিনা কাপ্পনি হায়না মশানা ৱারোল অদু লাওথোক্কদবনি। মনা ফংলবা ইমেজ অদুগী অসিগী কোপীরাইত অসি ফোতোগ্রাফর অদুদা অদুম্মক লৈগনি তৌইগুম্বসুং এন্ত্রীশিং অদু মেদিস্নেল অমসুং এরোমেতিক প্লান্তশিং শৌগৎনবগীদমক উত্থোক্নবগী অমসুং মীয়ামদা খংহন্নবগী মচাকশিং ওইনা শিজিন্ননবা হক অদুদি সি.আই.এম.এ.পি.দা লৈগনি।

মনা ফংগদবশিং অদু সি.এস.আই.আর.-সি.আই.এম.এ.পি., লখনৌনা খনগৎলবা জজশিংনা খনগনি। মনা ফংবশিং অদু সি.এস.আই.আর.-সি.আই.এম.এ.পি.গী কুমওনগী থৌরম পাংথোকপা নুমীত্তা লাওথোক্কনি।

দিজিতেল ইমেজশিং অদু pc@cimap.res.in.দা ই-মেল থাগদবনি। এন্ত্রীশিং পীশিনবগী অরোইবা মতম্না জুন ৩০, ২০২০নি। চাংদম্না অসিগী মখা তাবা ৱারোলগীদমক www.cimap.res.in. দা য়েংবিয়ু।

*****