ইন্দিয়ন মেতেওরোলোজিকেল দিপার্তমেন্ত (আই.এম.দি.)না সুন্দরবনগী মফমশিংদা কে.এম.পি.ঐচ. ১৫৫-১৬৫গী খোংজেলদা শিৎখিবা অকনবা নোংলৈ নুংশিৎ অমা ওইনা মে ১৬-২১, ২০২০দা নোংচুপ বেঙ্গলগী সমুদ্র তোর্বান্দা শিৎখিবা সুপর সাইক্লোনিক স্তোর্ম “অম-পন”গী রিপোর্ত অমা থাদোকখ্রে। রিপোর্ত অসিনা সুপর সাইক্লোনিক স্তোর্ম “অম-পন”গী লাইফ হিস্ত্ররী, মরু ওইবা মওংশিং, য়েংশিনখিবগী মওং, মওং হান্না তাকখিবা অমসুং ফোংখিবা এদবাইজরীশিং নৈনরি। পথাপ অসিগী মরু ওইবা মওংশিং মখাদা পীরিঃ

সম্লপ্পা ৱারীঃ

• সুপর সাইক্লোনিক স্তোর্ম (এস.য়ু.সি.এস.) “অম-পন” অসি ১৯৯৯গী ওরিশা এস.য়ু.সি.এস.কী মথংদা বি.ও.বি.গী মথক্তা শিৎখিবা অহানবা সাইক্লোনিক নোংলৈ নুংশিৎনি।
• মসিনা মে ১৩দা অনকপা ইক্বেতোরিএল ইস্তর্লী ৱেবকী মথক্তা লৈবা অন্দমান সমুদ্রগী খা অমসুং মনাক নকপা বে ওফ বেঙ্গলগী খা-নোংপোক্তা থোকখিবা লো প্রেসসর এরিয়াগী লেমহৌবদগী হৌরকপনি।
• মসিনা মে ১৬কী অঙনবা অয়ুক্তা খা-নোংপোক বি.ও.বি.গী মথক্তা দিপ্রেসন (দি.) ওইনা তাশীন্দুনা নুমিত্তুমক্কী নুংথিলদা অরূবা দিপ্রেসন (দি.দি.) ওইরকখি।
• মে ১৬, ২০২০গী নুংথিলদা অৱাং-অৱাংনোংপোক্লোমদা চৎখিদুনা খা-নোংপোক থংবা বি.ও.বি.গী মথক্তা সাইক্লোনিক স্তোর্ম ওনখি। মে ১৭কী অয়ুক্তা মসিনা অৱাংলোমদা চৎখিদুনা খা-নোংপোক্কী বি.ও.বি.দা সিবিয়র সাইক্লোনিক স্তোর্ম (এস.সি.এস.) ওনখি।
• মথং তারকপা পুং ২৪দা মসিনা য়াম্না কুংশীল্লকখি অমসুং মদুগী মখা তারকপা ওইনা ১৭কী নুংথিলদা বেরী সিবিয়র সাইক্লোনিক স্তোর্ম (ভি.এস.সি.এস.) ওনখি, ১৮গী অঙনবদা এক্সত্রীম্লি সিবিয়র সাইক্লোনিক স্তোর্ম (ই.এস.সি.এস.) ওনখি অমসুং মে ১৮, ২০২০গী নুমিৎয়ুংবদা এস.য়ু.সি.এস. ওনখি।
• মসিনা মে ১৯গী নুমিৎয়ুংবা অদুৱাইদা বি.ও.বি.গী ময়ায় ওইবা নোংচুপ থংবা মফমদা ই.এস.সি.এস. ওন্দ্রিঙৈদা পুং ২৪মুক্তি বি.ও.বি.গী ময়ায় ওইবা নোংচুপ থংবা মফমদা এস.য়ু.সি.এস.কী ইন্তেন্সিতী মাংদনা অদুমক লৈখি।
• মসিগী মতুংদা খরা তপথরক্তুনা মে ২০গী আই.এস.তি. ১৫৩০-১৭৩০গী মনুংদা লেংদনা শিৎপা খ্বাইদগী য়াংবা খোংজেল কে.এম.পি.ঐচ. ১৫৫-১৬৫দগী কে.এম.পি.ঐচ. ১৮৫তা লৈদুনা সুন্দরবনগী মথাক্তা ভি.এস.সি.এস. ওইনা নোংচুপ বেঙ্গল-বঙ্গলাদেশ লানখি। মসিনা নোংচুপ বেঙ্গলগী মথক্তা ভি.এস.সি.এস. ওইনা লৈখি অমসুং মে ২০গী নুমিদাংদা অৱাং-অৱাংনোংচুপলোমদা তপ্না চৎখি। মতম অসিগী মনুংদা মসিনা কোল্কতাগী মনাক্তা য়াম্না নক্না চৎখি।
• অৱাং-অৱাংনোংচুপলোমদা মখা তানা চৎখিদুনা মে ২০গী অহিং-নোংয়াইদা বঙ্গলাদেশ অমসুং থংনবা নোংচুপ বেঙ্গলগী মথক্তা এস.সি.এস. ওইনা তপথদুনা পায়খি; মে ২১গী অঙনবদা বঙ্গলাদেশকী মথক্তা সি.এস. ওইনা পায়খি; মে ২১গী নুমিৎয়ুংবদা বঙ্গলাদেশকী মথক্তা দি.দি. ওইনা অমসুং নুমিত্তুমক্কী নুংথিলদা অৱাং বঙ্গলাদেশকী মথক্তা দি. ওইনা তপথদুনা পায়খি। মসিনা মখা তানা তপথখি অমসুং মে ২১গী অহিং অদুৱাইদা অৱাং বঙ্গলাদেশ অমসুং মনাক নকপা মফমশিংদা ৱেল মার্ক লো প্রেসর এরিয়া ওনখি।

অম-পন য়েংশিনখিবাঃ

ইন্দিয়ন মেতিওরোলোজিকেল দিপার্তমেন্ত (আই.এম.দি.)না মে ১৩দা লো প্রেসর এরিয়া ওইরকখিবগী চয়োল অহুমগী মমাং, এপ্রিল ২৩দগী হৌদুনা অৱাংথংবা ইন্দিয়ন ওসিনগী মথক্তা মসিবু অহিং নুংথিল চুপ্না শেন্নদুনা লাকখি। মে ৭তা ফোংখিবা এক্সতেন্দেদ রেঞ্জ আউৎলুক্তা আই.এম.দি.না অনিশুবা চয়োলগী মনুংদা অন্দমান সমুদ্র অমসুং মনাক নকপা বে ওফ বেঙ্গলগী খা নোংপোক্তা সাইক্লোজেনেসিস থোকপা য়াবগী ৱাফম থমখি। মে ৬-১২ ফাওবগী মনুংদা মফমসিদা থোকপা সাইক্লোনিক সর্ক্যুলেসন লেমহৌবগী ইথিলনা মফম অসিগী মথক্তা মে ১৩দা (থোক্ত্রিঙৈগী পুং ৯৬ ৱাৎলিঙৈদা) লো প্রেসর এরিয়া থোকপা য়াই হায়না মে ৯দা হায়খি। মে ১১দা বি.ও.বি.গী মথক্তা মে ১৬তা (লো প্রেসর এরিয়া থোক্ত্রিঙৈগী পুং ৪৮ অমসুং দিপ্রেসন থোক্ত্রিঙৈগী পুং ১২০ ৱাৎলিঙৈদা) সাইক্লোজেনেসিস (দিপ্রেসন থোকপা) থোক্কনি হায়খি। সাইক্লোন অসি ইন্সেত ৩ দি. অমসুং ৩ দি.আর., স্কেতসেত, এস্কেতনচিংবা য়াওনা পোলার ওর্বিতিং সেতিলাইৎশিংদগী ফংবা ওবজর্বেসন অমসুং মফমদুদা লৈবা জহাজ অমসুং বুওই ওবজর্বেসনগী মতেংনা য়েংশিনবা ঙমখি। মে ১৮গী অহিং (য়ু.তি.সি. ১৮০০)দগী মে ২০ ফাওবদা, সাইক্লোন অসিনা খাদগী অৱাংদা চৎপা হৌরকপদগী, মসিবু বিশাখাপত্নম, গোপালপুর, পারাদিপ, কোল্কতা অমসুং অগর্তলাদা লৈবা আই.এম.দি. দোপ্লর ৱেদর রেদার (দি.দব্ল্যু.আর.)শিংনা লেপ্তনা য়েংশিনখি। পথাপ অসিবু শেন্ননবা হায়দুনা আই.এম.দি.না বালাসোরগী চান্দিপুরদা লৈবা ‘দি.আর.দি.ও. ইন্তিগ্রেতেদ তেস্ত রেঞ্জ’কী পোত্থোকশিংশু শিজিন্নখি। আর্থ সাইন্স মন্ত্রালয় (এম.ও.ই.এস.)গী ইন্সতিত্যুসনশিং (মিং ওইনা পল্লবদা আই.এম.দি., আই.আই.তি.এম., এন.সি.এম.আর.দব্ল্যু.এফ. অমসুং আই.এন.সি.ও.আই.এস.)না পীবা ন্যুমেরিকেল ৱেদর প্রিদিক্সন মোদেলশিং , মালেমগী মোদেল কয়া অমা অমসুং আই.এম.দি.না পুথোকচবা দাইনামিকেল-স্তেতিস্তিকেল মোদেলশিং শিজিন্নদুনা সাইক্লোন অসিগী জেনেসিস, ত্রেক, লেন্দফোল অমসুং ইন্তেন্সিতী মাংজৌননা খংনবা শিজিন্নখি।

ফোরকাস্ত পর্ফোর্মেন্সঃ

১) জেনেসিস ফোর্কাস্ত তৌবা

• পথাপ অসি এপ্রিল ২৩দগী হৌদুনা মে ১৩দা খা-নোংপোক বি.ও.বি.গী মথক্তা লো প্রেসর এরিয়া ওইবগী চয়োল অহুম ৱাৎলিঙৈদগী য়েংশিনবা হৌরক্লবনি।
• মে ৭তা থোকখিবা এক্সতেন্দেদ রেঞ্জ আউৎলুক্তা মে ৮-১৪, ২০২০গী চয়োলগী অরোয়বদা সাইক্লোজেনেসিস (দিপ্রেসন থোকপা) থোকপা য়াবগী অনেম্বা প্রোবেবলিতী হায়খ্রবনি। পথাপ অসি কন্সিল্লক্কনি অমসুং হৌরকপদা অৱাং-অৱাংনোংচুপ্লোমদা চৎখিগনি অমসুং মদুদগী থৈদোক্তুনা অৱাং-অৱাংনোংপোক্লোমদা অৱাংথংবা বি.ও.বি. রোমদা চৎখিগনি হায়না হান্না হায়খ্রবনি।
• মে ৯দা থোকখিবা ত্রোপিকেল ৱেদর আউৎলুক্তা মে ৬-১২ ফাওবগী মনুংদা মফমসিদা থোকপা সাইক্লোনিক সর্ক্যুলেসনগী লেমহৈরিবগী ইথিলনা মফম অসিগী মথক্তা মে ১৩দা (থোক্ত্রিঙৈগী পুং ৯৬ ৱাৎলিঙৈদা) লো প্রেসর এরিয়া থোকপা য়াই হায়না হায়খি।
• মে ১১দা থোকখিবা ত্রোপিকেল ৱেদর আউৎলুক্তা বি.ও.বি.গী মথক্তা মে ১৬তা (লো প্রেসর এরিয়া থোক্ত্রিঙৈগী পুং ৪৮ অমসুং দিপ্রেসন থোক্ত্রিঙৈগী পুং ১২০ ৱাৎলিঙৈদা) সাইক্লোজেনেসিস (দিপ্রেসন থোকপা) থোক্কনি হায়খি। মে ১৩দা লো প্রেসর এরিয়া শেমখি অমসুং কুংশিল্লক্তুনা মে ১৬কী অয়ুক্তা দিপ্রেসন ওনখি।

২) ত্রেক, ইন্তেন্সিতী অমসুং লেন্দফোল ফোর্কাস্ত তৌবাঃ

• অহানবা ৱাফম অসি মে ৭তা ফোংখিবা এক্সতেন্দেদ রেঞ্জ আউৎলুক্না পীখি (এল.পি.এ. ওইদ্রিঙৈগী নুমিৎ ৬নিগী মমাংদা, দিপ্রেসন ওইদ্রিঙৈগী নুমিৎ ৯নিগী মমাংদা, লেন্দফোল ওইদ্রিঙৈগী নুমিৎ ১৩নিগী মমাংদা) অমসুং মসিনা পথাপ অসি সাইক্লোনিক স্তোর্ম ওইরক্কনি অমসুং অৱাংনোংচুপ্লোমদা চৎখিগনি অমসুং মদুদগী থৈদোক্তুনা অৱাং-অৱাংনোংপোক্লোমদা অৱাংথংবা বি.ও.বি. রোমদা চৎখিগনি হায়খি।
• এপ্রিল ১৩দা ফোংখিবা ত্রোপিকেল ৱেদর আউৎলুক, ভারত সরকারগী প্রেস রিলিজ অমসুং পাউ পীবা ৱারোলদা (এল.পি.এ. ওইবা নুমিৎ, দিপ্রেসন ওইদ্রিঙৈগী নুমিৎ ৩নিগী মমাংদা, লেন্দফোল ওইদ্রিঙৈগী নুমিৎ ৭নিগী মমাংদা) পথাপ অসি ১৬কী নুংথিল ফাওবদা সাইক্লোনিক স্তোর্ম ওইনা কনশিল্লক্কনি অমসুং অহৌবা ওইনা ১৭ ফাওবদা অৱাংনোংচুপ্লোমদা চৎখিগনি অমসুং মদুদগী থৈদোক্তুনা অৱাং-অৱাংনোংপোক্লোমদা অৱাংথংবা বি.ও.বি. রোমদা চৎখিগনি হায়খি।
• তশেংবদি ১৬কী অয়ুক্তা (য়ু.তি.সি. ০০০০) দিপ্রেসন ওইখি, ১৬কী নুংথিলদা (য়ু.তি.সি. ১২০০) সাইক্লোনিক স্তোর্ম ওইখি, ১৭কী নুংথিল (য়ু.তি.সি. ১২০০) ফাওবদা অৱাং-অৱাংনোংচুপ্লোমদা চৎখি অমসুং মদুদগী থৈদোক্তুনা ২০গী নুংথিলদা অৱাং-অৱাংনোংপোক্লোমদা অৱাংথংবা বি.ও.বি. রোমদা চৎখিবনি।
• মে ১৬কী আই.এস.তি. ০৮৪৫ (লেন্দফোলগী পুং ১০৪গী মমাংদা)দা দিপ্রেসন থোকপগা লোয়ননা ফোংখিবা অহানবা বুলেতিন্দা হায়খিবসি পথাপ অসি সাইক্লোনিক স্তোর্ম ওইনা কুংশিনখিগনি অমসুং ১৭কী নুংথিল ফাওবদা অৱাং-অৱাংনোংচুপ্লোমদা চৎখি অমসুং মদুদগী থৈদোক্তুনা মে ১৮-২০গী নুংথিলদা অৱাং-অৱাংনোংপোক্লোমদা অৱাংথংবা বি.ও.বি. রোমদা লেংদবা নুংশিৎকী খোংজেল কে.এম.পি.ঐচ. ১৫৫-১৬৫দগী কে.এম.পি.ঐচ. ১৮৫ হুমদুনা চৎকনি হায়খি।
• মে ১৬কী আই.এস.তি. ১৬৪৫ (কুংশিল্লক্ত্রিঙৈগী পুং ২৪গী মমাংদা)দা ফোংখিবা বুলেতিন্দা পথাপ অসি কুংশিল্লক্কনি হায়খি অমসুং মে ১৭কী নুংথিলদগী য়াম্না য়াংনা কুংশিল্লকখি।
• মে ১৭কী আই.এস.তি. ০৮৪৫ (লেন্দফোলগী পুং ৮০গী মমাংদা)দা ফোংখিবা বুলেতিন্দা পথাপ অসিনা মে ২০গী নুমিৎয়ুংবদগীনা নুংথিল ফাওবদা খ্বাইদগী কনবা লেংদবা নুংশিৎকী খোংজেল কে.এম.পি.ঐচ. ১৫৫-১৬৫দগী কে.এম.পি.ঐচ. ১৮৫ ফাওবদা হুমদুনা সাগর ইথৎ (নোংচুপ বেঙ্গল) অমসুং হাতিয়া ইথৎ (বঙ্গলাদেশকী তোর্বান)কী মরক্তা লৈবা নোংচুপ বেঙ্গল-বঙ্গলাদেশকী তোর্বান্দা চৎখিগনি হায়খি। মাংজৌননা হায়রিবা চৎপগী লম্বীসিদা ২০গী নুংথিলদা সুন্দরবনগী মফমশিংদা লেন্দফোল থোক্কনিসু হায়খি।
• আই.এম.দি.না মে ১৬তগী হৌনা অম-পন্না বেরী সিবিয়র সাইক্লোনিক স্তোর্ম (ভি.এস.সি.এস.) ওইনা মে ২০দা নুংশিৎকী খোংজেল কে.এম.পি.ঐচ. ১৫৫-১৬৫দগী কে.এম.পি.ঐচ. ১৮৫ ফাওবদা হুমদুনা নোংচুপ-বেঙ্গলগী সমুদ্র মপান লান্না চৎকনি হায়খি।

সাইক্লন ৱার্নিংশিং

• মে ১৬কী আই.এস.তি. ০৮৪৫ (লেন্দফোলগী পুং ১০৪ ৱাৎলিঙৈদা)দা ফোংখিবা অহানবা বুলেতিন্দা নোংচুপ-বেঙ্গল- অৱাং ওরিসা তোর্বানগী প্রি-সাইক্লোন ৱাৎচ ফোংখি।
• ৱার্নিংশিং অদু ওপদেৎ তৌদুনা মে ১৬কী আই.এস.তি. ২০৩০ (লেন্দফোলগী পুং ৯২ ৱাৎলিঙৈদা)দা নোংচুপ-বেঙ্গল- অৱাং ওরিসা তোর্বানগী সাইক্লোন ৱাৎচ ফোংখি।
• নোংচুপ-বেঙ্গল- অৱাং ওরিসা তোর্বানগী সাইক্লোন এলর্ত (য়েল্লো মেসেজ) মে ১৭কী আই.এস.তি. ০৮৪০ (লেন্দফোলগী পুং ৮০ ৱাৎলিঙৈদা)দা ফোংখি।
• নোংচুপ-বেঙ্গল- অৱাং ওরিসা তোর্বানগী সাইক্লোন ৱার্নিং (ওরেঞ্জ মেসেজ) মে ১৮গী আই.এস.তি. ০৮৪৫ (লেন্দফোলগী পুং ৫৬ ৱাৎলিঙৈদা)দা ফোংখি।
• নোংচুপ-বেঙ্গলগী গেঞ্জেতিক মফমশিং, অসম অমসুং মেঘালয়গী পোস্ত লেন্দফোল আউৎলুক (রেদ মেসেজ) মে ১৯গী আই.এস.তি. ২৩৩০ (লেন্দফোলগী পুং ১৭ ৱাৎলিঙৈদা)দা ফোংখি।

Ø মতৌ অসুম্না আই.এম.দি.না য়াম্না চুম্বা মওংদা লেন্দফোল মফম অমসুং মতম, ত্রেক অমসুং ইন্তেন্সিতীগী মথক্তা মরী লৈনবা নুংশিৎ শিৎপা, নোং তাবা, সাইক্লোন অম-পনগী মতুং ইন্না স্তোর্ম সর্জ তৌবনচিংবা তোঙান তোঙানবা ৱেদরগী মওং কয়া মাংজৌননা তাকখি। মখোয়না ওরিসাগী তোর্বান্দা ওইরক্কদবা কে.এম.পি.ঐচ. ১০০-১১০দগী ১২০ ফাওবগী খোংজেলদা শিৎলক্কদবা নুংশিৎ অমসুং অতোপ্পা ৱেদরগী ফিভমশিংশু হান্ননা হায়খ্রবনি।

ইন্দিয়া মেতেওরোলোজিকেল দিপার্তমেন্ত (আই.এম.দি.) অমসুং নই-দিল্লীগী আর.এস.এম.সি.না এস.য়ু.সি.এস. অম-পনগী মায় পাক্না মোনিতর তৌবা, প্রেদিক্সন তৌবা অমসুং আরলী ৱার্নিং সর্বিসকীদমক তেংবাংলকপা স্তেকহোলদর পুম্নমক অমসুং দিজাজতর মেনেজমেন্ত এজেন্সীশিংদা তৌবিমল খংবা উত্তুনা থাগৎপা ফোংদোক্লি। ঐখোয়না নেস্নেল সেন্তর ফোর মেদিয়ম রেঞ্জ ৱেদর ফোর্কাস্তিং সেন্তর (এন.সি.এম.আর.দব্ল্যু.এফ.), ইন্দিয়ন নেস্নেল সেন্তর ফোর ওসীন ইনফোর্মেসন সর্বিসেস (আই.এন.সি.ও.আই.এস.), নেস্নেল ইন্সতিত্যুত ওফ ওসীন তেক্নোলোজী (এন.আই.ও.তি.), ইন্দিয়ন ইন্সতিত্যুত ওফ ত্রোপিকেল মেতেওরোলোজী (আই.আই.তি.এম.) পুনে, দি.আর.দি.ও. ইন্তিগ্রেতেদ তেস্ত রেঞ্জ, চান্দিপুর য়াওবা আর্থ সাইন্স মন্ত্রালয়গী সিস্তর ওর্গানাইজেসনশিং অমসুং আই.আই.তি. ভুবনেসশ্বর, আই.আই.তি. দিল্লী অমসুং স্পেস এপ্লিকেসন সেন্তর, ইনিদয়ন স্পেস রিসর্চ ওর্গানাইজেসন (এস.এ.সি.-আই.এস.আর.ও.)গী মরু ওইরবা তেংবাংশিংগীদমক্তা তৌবিমল খংবা উৎলি। আই.এম.দি.গী তোঙান তোঙানবা দিবিজন/সেক্সনশিং- এরিয়া সাইক্লোন ৱার্নিং সেন্তর (এ.সি.দব্ল্যু.সি.) চেন্নই অমসুং কোল্কতা; সাইক্লোন ৱার্নিং সেন্তর (সি.দব্ল্যু.সি.) ভুবনেশ্বর অমসুং বিশাখাপত্নম; মেতেওরোলোজিকেল সেন্তর (এম.সি.) অগরতলা; বিশাখাপত্নম, চান্দিপুর, গোপালপুর, পারাদিপ, কোল্কতা অমসুং অগর্তলাগী দোপ্লর ৱেদর রেদার স্তেসনশিং অমসুং ওরিশা অমসুং অৱাং আন্ধ্র প্রদেশকী কোস্তেল ওবজর্বেতরীবুসু থাগৎপা ফোংদোক্লি। নই-দিল্লীগী ন্যুমেরিকেল ৱেদর প্রেদিক্সন দিবিজন, সেতিলাইৎ অমসুং রেদার দিবিজনশিং, সর্ফেস অমসুং অপ্পর এয়র ইন্সত্রুমেন্ত দিবিজনশিং অমসুং আই.এম.দি.গী ইনফোর্মেসন সীস্তেম অমসুং সর্বিসেস দিবিজন্দসু তৌবিমল খংবা উত্তুনা থাগৎপা ফোংদোক্লি।

[রিপোর্ত অসি এতেচ তৌরবনি]

হায়রিবা অসি আই.এম.দি.গী ৱেবসাইৎকী লিঙ্ক অসিদা ফংবীগনিঃ

https://mausam.imd.gov.in/Forecast/marquee_data/Summary%20Super%20Cyclonic%20Storm%20Amphan%20(13062020).pdf

অমসুং আর.এস.এম.সি., নই-দিল্লীগী ৱেবসাইৎকী লিঙ্ক অসিদা ফংবীগনিঃ

http://www.rsmcnewdelhi.imd.gov.in/images/pdf/publications/preliminary-report/amphan.pdf]

*****