সাইন্স অমসুং তেক্নোলোজী মন্ত্রালয়

এস.তি.আই.পি. ২০২০গী ওইনা পব্লিক অমসুং এক্সপর্ত কন্সল্তেসন ‘তাউন হোল মীৎ’ হৌদোকখ্রে


“ভারত অসি সাইন্স অমসুং তেক্নোলোজী চাওখৎনবা শেল থাদবা পোস্ত কোলোনিএল ওইবা লৈবাক খরগী মনুংদগী অমনি” :প্রোফেসর কে.বিজয় রাঘবন

প্রোফেসর অশুতোশ শর্ম : “অনৌবা থৌশিল-থৌরাং অসিনা স্তেকহোলদরশিং পুম্নমক্কা মখা তানা থবক তৌমিন্নবদা অশোনবা লিঙ্ক মশক খংদোকপদা অমসুং সিলোসকা মরী লৈনবদা অশোনবা অমসুং মদু ফহন্নবগী মতাংদা অপনবা লৈতবা কনেক্সন পুরক্কদবনি। তুংদা লাক্কদৌরিবা অসি তেক্নোলোজীশিং মফম অমত্তদা য়াওশিনবা অমসুং অমত্তা ওইবগী মপুং ওইবা মওংগী মতাংদনি”।

Posted On: 13 JUN 2020 2:04PM by PIB Imphal

এস.তি.আই.পি. ২০২০, তাউন হোল উন্নবা, সাইন্স, তেক্নোলোজী অমসুং ইন্নোভেসন পোলিসী (এস.তি.আই.পি.) ২০২০ ফোর্মুলেসন তৌনবগীদমক্তা ত্রেক-I মীয়াম অমসুং অখং-অহৈশিং খন্ন-নৈনবগী থবক-থৌওং অসি ভারত সরকারগী প্রীন্সিপল সাইন্তিফিক এদবাইজরী প্রোফেসর কে. বিজয় রাঘবন অমসুং দি.এস.তি.গী সেক্রতরী প্রোফেসর আশুতোশ শর্মনা জুন ১২, ২০২০দা হৌদোকখ্রে।

এস.তি.আই.পি. ২০২০, তাউন হোল মীৎ অদু হৌদোকপা মতমদা প্রোফেসর কে. রাঘবন্না হায়খি মদুদি অহোংবা অমসুং লেপ্তনা মখা তানা লৈবা, অকোয়বগী ফীভম অমসুং বাইওদাইবর্সিতী অমসুং ই-পাওগুম্বা মরুওইবা লমশিংদা ৱাখল চুংশিন্নবগীদমক সাইন্সতা ইনভেলস্ত তৌবা হায়বসি য়াম্না মরু ওই। মহাক্না মখা তানা হায়খি, “ভারত অসি সাইন্স অমসুং তেক্নোলোজী চাওখৎনবা শেল থাদবা পোস্ত কোলোনিএল ওইবা লৈবাক খরগী মনুংদগী অমনি”।

মহাক্না মদুদি সাইন্স অমসুং গ্যান অসি মীপুম খুদিংমক্তা লোল অমসুং লৈরিবা অতৈ অপনবশিং অসিগীদমক্তা লেম্না ফংহনবগী মথৌ তাই হায়না পুথোক্তুনা হায়খি। থৌশিল-থৌরাং অসিগী মথং-মনাওশিং অসি ঙম্মিবমখৈ মীওই কয়া অমা য়ৌহনগদবনি অমসুং মীশিংনা মশা-মশাগী লোন্দা মরোমদোম ৱাখল খনবা ঙমজনবা অমসুং গ্যান অমসুং রিসোর্সশিুং ফংহন্নবা সাইন্সকী ৱাহন্থোক হন্দোকপা অসি তশেংনমক য়াম্না মরু ওই হায়না মহাক্না ফোংদোকখি।

ত্রেক I গী খন্নবগী থবক-থৌওং অসিদা য়াম্লবা মীয়াম অমসুং য়াম্লবা মীয়াম অমসুং অখং-অহৈশিংগী পুলদগী খোয়রাংনবা ইনপুৎশিংগীদমক্তা কত্থোক্লবা প্লেৎফোর্ম অমা ওইরিবা সাইন্সকী পোলিসী ফোরমদগী এস.তি.আই.পি. ২০২০ খং-হৈরবা খন্ন-নৈনরোইশিং য়াওরি। মসিগী পান্দমদি এস.তি.আই.পি. ২০২০বু চুংশিন্নবা মওংদা ওইহনবা, মখাদগী মতোনলোম্ ওইহনবা অমসুং পুনশি্ন্নহনবনি।

ত্রেক I দগী লুচিংবশিং অমসুং পোলিসীগী থোইদোক-হেন্দোক্না খেলবশিংগা মীয়ামগী ৱা ঙাংনবগী পরিং অমা, মীয়ামগা থেমাতিক ওইবা পেনেল দিসকসন অমা, পান্দম থম্লিবা সর্ভে ইন্ত্রুমেন্তশিং, প্রীন্ত মেদিয়াগী পোৎলমশিং অমসুং অইবা ইনপুৎশিংগীদমক্তা চেনেলশিং, পাক শন্না কনেক্তিবিতী তৌনবা কম্ম্যুনিতী পোদকাস্তশিং য়াওগনি।

হৌদোকপগী সেসন্দা প্রো অশুতোশ শর্মানা অনৌবা থৌশিল-থৌরাং অসিনা স্তেকহোলদরশিং পুম্নমক্কা মখা তানা থবক তৌমিন্নবদা অশোনবা লিঙ্ক মশক খংদোকপদা অমসুং সিলোসকা মরি লৈনবদা অশোনবা অমসুং মদু ফহন্নবগী মতাংদা অপনবা লৈতবা কনেক্সন পুরক্কদবনি। তুংদা লাক্কদৌরিবা অসি তেক্নোলোজীশিং মফম অমত্তদা য়াওশিনবা অমসুং অমত্তা ওইবগী মপুং ওইবা মওংগী মতাংদনি হায়না পনখি।

সাইন্সকী থৌশিল-থৌরাং অসিগী আর্কিতেকচর অমসুং মসিগী ২০২০গী থৌশিল-থৌরাং অসি মতৌ করম্না মরু ওইরিবনো হায়বগী ৱাখল্লোনগী মরিক চুম্বা ৱাফমগী মতাংদা ৱাফম থম্লিঙৈদা মহাক্না হায়খি মদুদি মাংজিল থানবগীদমক অমসুং সাইন্সতগী অহোংবা পুরক্নবগীদমক দেতা, মেজর্মেন্ত ৱিজদম, গ্যান অসি পুনশিন্নহনগদবনি হায়না ফোংদোকখি।

প্রোফেসর শর্মানা কোবিদ-১৯না মথৌ তাহল্লবা আত্মনির্ভর ভারত অসি মালেমগী ওইনা চাংদম্ননিংঙাই ওইহনগদবনি অমসুং মরু ওইবা নোলেজগী সিস্তেম অসি শমজিন্নরবখক্তদা মসি ওইথোকপা ঙমগনি হায়না ফোংদোকখি।

এস.তি.আই.পি. ২০২০, সেক্রতরিএৎ অমসুং এদভাইজর দি.এস.তি.গী মকোকথোংবা দা. অখিলেশ গুপ্তনা ৱা তাননবা অদু হৌদোকপদা পোলিসী খুদম-চাংদম ওইবা মওংদা পাংথোকহন্নবা, থেমাতিক ওইনা, ৱিজদমদা য়ুম্ফম ওইদুনা, পুনশিন্না য়াওহন্দুনা অমসুং মখোংদগীনা মতৌনফাওবা ওইহন্দুনা #এস.তি.আই.পি. ২০২০গী ত্রেক I গী খন্ন-নৈনবগী থবক থৌওং অসি পুথোক্তুনা উৎখি।

 

https://static.pib.gov.in/WriteReadData/userfiles/image/image003HI2Q.jpg

 

ভারত সরকারগী প্রিন্সীপল সাইন্তিফিক এদভাইজরগী ওফিস(পি.এস.এ.গী ওফিস) অমসুং সাইন্স অমসুং তেক্নোলোজী বিভাগ(দি.এস.তি.)না স্তেকহোলদরশিং পাক-শন্না য়ৌবা ঙম্নবা অনৌবা নেস্নেল সাইন্স তেক্নোলোজী অমসুং ইন্নোভেসন পোলিসী(এস.তি.আই.পি.,২০২০) অমা ফোর্মুলেসন তৌনবগীদমক খন্ন-নৈনবগী থবক-থৌওং অমা হৌদোকখ্রে।

এস.তি.আই.পি. ২০২০গী ফোর্মুলেসনগী থবক-থৌওং অসি পোলিসী শেম্বদা মশিং য়াম্লবা স্তেকহোলদরশিংগা খন্ন-নৈননবা ফংহনবা ঙম্নবা চাং ৱাংনা অমগা-অমগা শম্নবা ত্রেক ৪দা হৌদোকপনি। ত্রেক I গী খন্নবগী থবক-থৌওং অসিদা পোলিসী অসি দ্রাফ্তিং তৌরিঙৈগী মতমদা অমসুং মতুংদা য়াম্লবা মীয়াম অমসুং অখং-অহৈশিংগী পুলদগী খোয়রাংনবা ইনপুৎশিংগীদমক্তা কত্থোক্লবা প্লেৎফোর্ম অমা ওইরিবা সাইন্সকী পোলিসী ফোরমদগী এস.তি.আই.পি. ২০২০ খং-হৈরবা খন্ন-নৈনরোইশিং য়াওরি। ত্রেক II দগী পোলিসী দ্রাফ্তিংগী থবক-থৌওং অসিদা অখং-অহৈশিংদগী পাংথোকহনবা য়াবা থেমাতিক ওইবা ৱা তানবশিং অমদি খুদম-চাংদমদা য়ুম্ফম ওইবা শেংদোকপা ৱাফমশিং য়াওগনি। মসিগী পান্দমসিদমক থেমাতিক গ্রুপ কুন-মাথোই(২১)দা শেমগনি। ত্রেক IIIদা মন্ত্রালয়শিং অমসুং রাজ্যশিংগা ৱা তানবশিং য়াওই অদুগা ত্রেক IV দা মকোক-ইথং থংবা স্তেকহোলদর কয়া অমদী ৱা তানবশিং য়াওগনি।

তোঙান-তোঙানবা ত্রেকশিংদা খন্ন-নৈনবগী থবক-থৌওং অসি হান্ননা হৌখ্রে অমসুং মান্নবা পরিংদা পাংথোক্লি। ত্রেক-II থেমাতিক গ্রুপ(তি.জি.)গী ৱা তাননবা অসি ই-পাওগী সেসনশিংগী পরিং অমদা হৌখ্রে অমসুং ত্রেক-I অসি অখং-অহৈশিংদগী ইনপুৎশিং খোমগৎপগা লোয়ন-লোয়ননা মীয়ামদগীসু খোমগৎনবা হৌদোকখি।

ইন-হাউসকী ওইবা পোলিসীগী গ্যান অমসুং দি.এস.তি.-এস.তি.আই. পোলিসী ফেলোশিংগী কেদর অমগা শেমখিবা দেতা সপোর্ত য়ুনিৎকী অমগা লোয়ননা দি.এস.তি. (তেক্নোলোজী ভবন)দা থবক-থৌওংশিং অসি মপুং ফাহনবদা মতেং পাংননবা সেক্রতরিএৎ অমা শেমগৎখ্রে।

*****


 



(Release ID: 1631422) Visitor Counter : 188