কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়লনা ক্বালিতীনা ভারতকী তুংলমচৎ তাক্কনি হায়না ফোঙদোকখ্রে। ঙসি ক্বাইলিতি কাউন্সিল ওফ ইন্দিয়া (ক্যু.সি.আই.)গী পাংথোকখিবা থবকশিং ভিদিও কনফ্রেন্সকী থোংদা য়েংশিল্লিদুনা শ্রী গোয়লনা হায় অত্মনির্ভর ভারতনা ক্বালিতী লৈবা য়েলহৌঙৈগী পোত্থোকশিং অমসুং সর্ভিসশিংদা য়ুম্ফম ওইরগা মাই পাকপা অমসুং চাওখৎপা ওইগনি। ক্বালিতীদা ৱাখল থাদবা অসি মীচমশিংগী থাক্তা য়ৌহনগদবনি অমসুং ঐখোয়গী পুন্সিগী হীরম খুদিংমক্তা ক্বালিতীগী চৎনবী চুশিনহনগদবনি অমসুং তুংশিনহনগদবনি হায়না মহাক্না ফোঙদোকখি।

ক্বালিতী কাউন্সিল ওফ ইন্দিয়া অসি লৈবাক অসিদা এক্রিদেসন স্ত্রকচর অমা শোইদনা লিংখৎপা অমসুং ভারততা ক্বালিতীগী ইহৌ শন্দোকপগা লোয়ননা নেস্নল ক্বালিতী কেম্পেন অমা হৌদোকপা দিপার্তমেন্ত ওফ প্রমোসন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি)গী মখাদা লৈবা নন-প্রোফিৎ ওতোনোমস সোসাইতি অমনি। ক্যু.সি.আই.গী মিসন অসি মরুওইনা লৈবাক অমসুং মসিগী প্রজাশিংগী ইন্তরেস্তশিং প্রমোৎ তৌবা অমসুং ঙাক্না চৎনবা থবক থোরম খুদিংমক্তা ক্বালিতী স্তেন্দর্দশিং পীবদা মীৎয়েং চংনবা স্তেকহোল্দর পুম্নমক য়াওহন্দুনা ভারততা লৈবাক শিনবা থুংনা ক্বালিতীগী ইহৌ লমজিংবনি।

হৌখিবা চহি খরদা হেন্না হেন্না মাই পাকপা হেনগৎলকপা অমসুং সেক্তর অমসুং হীরম খুদিংমক্কী থবক থৌরমশিংগী অচৌবা বেনৱিথ অমা পুথোকপগী ক্যু.সি.আই.বু থাগৎলদুনা মন্ত্রীনা হায় খোংজং অসি অপনবা য়াওদবা থৌওং অমদা মখা চত্থখিগদবনি। মহাক্না হায় ক্যু.সি.আই.না লোকদাউনগী মতমদা খোংথাং কয়া লৌখৎখ্রে অদুবু অশেংবা শিংনবা অমসুং খুদোংচাবশিংদি কোবিদকী মতম লোইরবা মতুংদা থোরক্কনি। শ্রী গোয়লনা হায় তুংলমচৎ অসি অনৌবা নোর্মশিংগা লোয়ননা অনৌবা পুন্সি মহিং অমদা লমজিংলগনি। মীওইবগী পুন্সিগী হীরম অমত্তা, সমাজ, ইমুং মনুং, শেন্মিৎলোননচিংববু ওইরে মসিগী অনৌবা নোর্মশিং অসিনা শোকহন্দনা থমগনি। অনৌবা নোর্ম অসিনা ইদুকেসন, হকশেল, শোপ্পিং, সর্ভিসশিং য়াওনা হীরম খুদিংমক্তা অনৌবা ক্বালিতী স্তেন্দর্দ অমা পীরগনি। ক্যু.সি.আই.না কোবিদ মতুংগী মতমগী অতোপ্পা লৈবাকশিংদা থোরক্লিবা খ্বাইদগী ফবা থবকশিং নৈননবা অমসুং তোঙান তোঙানবা হীরমশিং অমসুং লোকলগী ফীভমশিং খন্নরগা ভারততা চৎনহন্নবা ফোঙদোকখ্রে। মহাক্না ক্যু.সি.আই.দা লৈবাক অসি খুৎশা হৈবশিংদা অৱাৎপা লৈরিবা অদুসু য়েংশিন্নবা অমসুং অৱাৎপা অদু মেনশিন্নবা পাম্বৈশিং পুথোক্নবা হায়খ্রে। মন্ত্রীনা হায় লৈঙাক্কী সেক্তরদা ওফলাইন ত্রেন্নিংগী লিংখৎপা অচৌবা ত্রেন্নিং ইনফ্রাস্ত্রকচর অসি তুংদা মথৌ তারক্তবা য়াই অমসুং ওনলাইন ত্রেন্নিংনা হেন্না কান্নবা অমসুং এফোর্দেবল ওইরকপা য়াই।

মন্ত্রীনা ক্বালিতী ইবেলুএসন অমসুং সর্তিফিকেসন অসি রেস্নল, ত্রান্সপেরেন্ত, রিলাইএবল অমসুং মখল অমত্তগী শেমদোকপা নত্রগা লান্না থবক তৌহন্দবা ওইহনগদবনি হায়না মীয়েং চিংশিনখ্রে। ক্বালিদি স্তেন্দর্দশিং অসি অৱাংবা ক্লাস অমসুং ইমপ্লিমেন্ত তৌবা য়াবা ওইগদবনি। মহাক্না হায় ক্যু.সি.আই. অমসুং জি.ই.এম.( গবর্মেন্ত ই-মার্কেৎপ্লেস) জি.ই.এম.পোর্তেলদা য়াওরিবা মমল ৱাংবা পোত্থোকশিং অসি ক্বালিতী সর্তিফাই তৌনবা খুশম্ননা চৎমিন্ননবা হায়খ্রে। মহাক্না ইদুকেসন, হকশেল, হোস্পিতেলিতি, ত্রান্সপোর্ত, পেকেজিং, ফুদ প্রোসেসিং, এম.এস.এম.ই. সেক্তরশিংদা ক্বালিতী স্তেন্দর্দশিং লৈহনবদা অথুবা মতমদা মথৌ তাবা অদুসু ফোংদোকখি। শ্রী গোয়লনা লনাই সেক্তরশিংনা ক্বালিতী স্তেন্দর্দশিং অমসুং প্রেক্তিসশিং চৎনহনবদা ক্যু.সি.আই.না মতেং পাংনবা হায়খ্রে

*****