মমাং চহিদা প্রধান মন্ত্রী শ্রী নরেন্দ্রা মোদীনা লোঞ্চ তৌখিবা মরু ওইবা প্রোগ্রাম অমা ওইরিবা জল জীবন মিসন অসিনা খুঙ্গংগী য়ুমথোং খুদিংমক্তা চাং নায়না অমসুং মতম শাংনা তোতি ঈশিংগী সপ্লাই তৌদুনা ক্বালিতি লৈবা অফবা থক্নবা ঈশিং মরাং কায়না ফংহন্ননবা পান্দম থম্লি। আশা কয়া থম্লিবা প্রোগ্রাম অসি ২০২৪ ফাওবদা থবক অসি লোইশিন্দুনা খুঙ্গংগী নুপীশিং মরু ওইনা নুপীমচাশিংদা অৱাবা থবক শুহনবা হন্থহন্দুনা খুঙ্গংগী মীয়ামগী পুন্সিবু ফগৎহন্নবা স্তেতনা ইমপ্লিমেন্ত তৌরি।

মহারাস্ত্রনা এন্যুল এক্সন প্লান অদু খন্থবিনবা অমসুং অয়াবা পীবিনবা দ্রিঙ্কিং ৱাতর অমসুং সেনিতেসনগী বিভাক্তা উৎখ্রে। ২০২২-২৪ ফাওবদা স্তেত অসিগী য়ুমথোং পুম্নমক্তা তোতি কন্নেক্সন ১০০% পীনবা মহারাস্ত্র স্তেতনা থৌরাং তৌরি। মহারাস্ত্রত্র স্তেৎনা ্নেক্সন ১০০% পীনবা থৌরাং অসি লোইশিন্দুনা খুঙ্গংগি মীয়ামগি পুন্সিবু ফগৎহনন্নবা অমসগী খুঙ্গংগী য়ুমথোং কোতি ১.৪২গী মনুংদা, য়ুমথোং লাখ ৫৩.১১দা তোতি কন্নেক্সন হান্না পীখ্রে। ২০২০-২১দা য়ুমথোং লাখ ৩১.১০দা তোতি কন্নেক্সনশিং পীনবা স্তেত অসিনা থৌরাং তৌরি।

ৱাতর সপ্লাই স্কিমশিংগী হান্ননা লৈরবা পাইপ ৮,২৬৮ অসি শেমজিনবা অমসুং চাওথোকহন্নবা স্তেত অসিনা থৌরাং তৌরি অসুম তৌদুনা চহি অসিগী মনুংদা য়ুমথোং লাখ ২২.৩৫তা তোতি কন্নেক্সন পীনবা অমসুং লেমহৌরি লাখ ৯না অনৌবা স্কিমশিংদগী পীনবা প্রোবিজন শেম্লি। সমাজ অসিগী লাইরবা অমসুং শোথরবা কাংলুপতা চল্লিবা লেমহৌরিবা য়ুমথোংশিং অসিদা তোতি কন্নেক্সন অথুবা মতমদা পীনবা থবক পুম্নমক অসি ‘কেম্পেন মোদ’তা লৌখৎনবা স্তেততা য়াথং পীরকখি। . দিসেম্বর ২০২০গী ৩১ ফাওবদা ঈশিং অফবা ফংদবা মফমশিং ১০০% ফংহনবা ঙম্নবা স্তেতনা থৌরাং তৌরি। অমরোমদা য়ুথোং পুম্নমক্তা ফংহন্নবা থৌরাং তৌবা অসিদা ঈশিং ফংদবা মফমশিং, ঈশিং ফত্তবা ফংবা মফমশিং, এস.সি./এস.তি.না নম্না খুন্দবা মফমশিং/খুঙ্গংশিং, শোথরবা দিস্ত্রিক্তশিংগী অমসুং সান্সদ অদর্শ গ্রামিন যোজনাগী মখাদা লৈবা খুঙ্গংশিং মরু ওইনা মীশিং য়ামদবা ত্রাইবেলগী কাংলুপশিং অসিদা হেন্না খুদোংচাবা ফংহনগদৌরি।

২০২০-২১দা স্তেত অসিদা জে.জে.এম. ইমপ্লিমেন্ত তৌনবা ভারত সরকারনা কোতি ₹ ১,৮২৮.৯২ কায়থখ্রে। শীজিন্নদবা বেলেন্স ওইনা কোতি ₹ ২৮৫.৩৫কী শেনফম লৈবগা লোয়ননা কুমসি চহী অসিদা সেন্ত্রেল এল্লোকেসন অমসুং চান্নবা স্তেতকী সিবর কোতি ₹ ৩,৯০৮ জে.জে.এম.গী ওইনা ২০২০-২১দা স্তেত অসিদা লৈরগনি। মখা তানা, ১৫ শুবা ফাইনান্স কম্মিসননা শেনথং ওইনা লুপা কোতি ৫,৮২৭ স্তেতনা হায়রিবশিং অসিদা শোইদনা শীজিন্নগদবনি (অ) থক্নবা ঈশিং সপ্লাই তৌনবা, নোংগী ঈশিং তুংশিনবা অমসুং ঈশিং রিসাইকল তৌবা অমসুং (আ) সেনিতেসন অমসুং ও.দি.এফ. স্তেতস য়েংশিনবা

কনস্তিত্যুসনগী ৭৩শুবা এমেন্দমেন্তগী থৌনা লিংজেল অদু ঙাক্তুনা, জে.জে.এম.গী মখাদা খুঙ্গংশিংদা ৱাতর সপ্লাই সিস্তেমশিংগী প্লানিং তৌবা, ইমপ্লেমেন্ত তৌবা, শীল-লাংবা, চল্লাইবা অমসুং য়েংশিনবা অসিদা খুঙ্গংগী মফম অদুগী মীয়াম/গ্রাম পঞ্চায়েৎশিং অমসুং/নত্রগা শীজিন্নরিবা কাংলুপশিংনা য়াওশিন্দুনা থকনবা ঈশিং মাংহন্দনা মতম শাংনা চৎনহন্ননবা পান্দম অদু ফংগনি। খুঙ্গং পুম্নমক্তা, জল জীবন মিসন অসি মীয়ামগী ওইবা খোংজং অমা ওইহন্নবা আই.ই.সি কেম্পেনগা লোয়ননা মীয়ামগী মোবিলাইজেসন তৌবা তাই। ভোলুন্তরী ওর্গানাইজেসনশিং, সেল্ফ হেল্প গ্রুপশিংনা মীয়ামগী মোবিলাইজেসন তৌবদা থৱায় য়াওশিনমিন্দুনা মখোয়গীদমক লৈরিবা ৱাতর সপ্লাই সিস্তেমশিংগী প্লান তৌবদা, ইমপ্লিমেন্ত তৌবা লোয়ননা চল্লাইবা অমসুং য়েংশিনবদা থৌদাং লৌগদবনি।

জল জীবন মিসনগী মখাদা, থৱায় য়াওনা শরুক য়াদুনা মাংজিল থাদুনা মথৌ তৌরিবশিং লোয়ননা মীয়াম, মদুদি খুঙ্গং খুদিংদা মীওই ৫ মরু ওইনা তাকপি-তম্বিরবা নুপীশিং অসিগী খুত্থাংদা ঈশিংগী ক্বালিতীগী য়েংশিনবা অসিনা মরু ওইনা লৌরি। খুঙ্গংগী মফমশিংদা ফংহল্লিবা ঈশিংগী ক্বালিতী অসি চাংয়েং তৌনবা স্কুলশিং অমসুং কলেজশিংগী মহৈরোইশিংদা ফিল্দ কিৎশিং শীজিন্ননবা থৌগৎলি। সোর্স খুদিংমক চহী অমদা অমুক্তি ফিজিকেল অমসুং কেমিকেল পেরামিতরশিংগী অমসুং বেক্তেরিওলোজিকেল কন্তামিনেসনগী চাংয়েংশিং তৌথৌকপা মথৌ তাই।

গ্রাম পঞ্চায়েৎ, জি.পি. খুদিংমক্তা নত্রগা মখোয়গী সব-কম্মিতী মদুদি খুঙ্গংগী ঈশিং অমসুং লুনানবগী কম্মিতী নত্রগা পানি শমিতিস অসি খুঙ্গংগী থাক্তা প্লানিং তৌবদা য়াওগনি। খুঙ্গংশিংগী ভিলেজ এক্সন প্লানশিংদা য়ুম্ফম ওইরগা স্তেতকী এন্যুএল এক্সন প্লান অসি শেম্মী। এম.জি.এন.আর.ই.জি.এস., ১৫শুবা ফাইনান্স কম্মিসন গ্রান্তশিং পীরিবা রুরেল লোকেল; বোদিশিং, এস.বি.এম., সি.এ.এম.পি.এ., দিস্ত্রিক্ত মিনরেল দেবেলপমেন্ত ফন্দ, লোকেল এরিয়া দেবেলপমে্ন্ত ফন্দ অসিনচিংবা তোঙান তোঙানবা সোর্সশিং অসিদগী লাকপা অদুনা ঈশিংগী রিসোর্সশিং, এক্ব্যুফর রিচার্জ, গ্রে ৱাতর মেনেজমেন্ত অসিনচিংবা অসি হেনগৎনবা মরি লৈনবা থবকশিং অসি লৌখৎকনি।

কোবিদ-১৯গী লাইচৎ থোক্লিঙৈ মনুংগী ফীভম অসিদা, মরু ওইনা খুঙ্গংগী মীয়ামগী ঈশিং য়াফমশিংদ ক্ব্যু শাংনা লেপতুনা মীয়ামনা ঈশিং শোকপগী অৱাবা থেংনদনবা সরকারনা খুঙ্গংগী য়ুমথোং খুদিংদা তোতি কন্নেক্সনশিং পীনবা কন্না হোৎনরি। লাইরবা অমসুং শোৎথরবা সমাজকী কাংলুপশিংদা মখোয়গী য়ুমগী ওইবা মফমশিংদা তোতি কন্নেক্সনগী খুত্থাংদা ঈশিং ফংহন্দুনা অমসুং ঈশিং য়াফমশিংদা চৎতনবা অমসুং সোসিএল দিস্তেন্সিং থমদুনা খুঙ্গংগী মীয়ামবু লাইনা অসিদগী ঙাকথোকপা ঙমহনবা হায়বা অসি সরকারগী অপাম্বনি।

স্তেতনা ইমপ্লিমেন্ত তৌরিবা জল জীবন মিসন অসিনা য়ুমদা ঈশিং ফংহন্দুনা খুঙ্গংগী নুপীশিংগীদমক নুংঙাইবা পুরক্লি অমসুং খুঙ্গংগী মীয়ামগী মমল য়াম্লবা মতম অসি মাংহন্দনা লোয়ননা হকচাংগী ফীভম ফনা লৈহন্দুনা শেন্মীৎলোনগী থবক থৌরমশিংগী খুদোংচাবশিং ফংহল্লি।

*****