শাবগী চাং হেনগৎলকপা অমসুং ক্লাইমেৎ চেঞ্জনা মরম ওইদুনা মোন্সুনদা হোংলক্লিবশিং অসিনা মরম ওইদুনা ভারত্তা নোং কন্না চুবা য়াবগী ফিবম হেনগৎলক্লি। মহারাস্ত্রগী কোনুং ওইরিবা, মেগাপোলিস অমসুং ভারতকী শেল-থুমগী কোনুং ওইরিবা মুম্বাই অসি মতম কুইনা নোং চুবদগী ইচাউ থোকপা অমসুং ওগস্ত ২৯, ২০১৯দা ইচাউ নংখিবনা হৌজিকসু শহর অসি অৱাবা মাইওক্নরি। জুলাই ২৬, ২০০৫দা শহর অসিদা সেন্তিমিতর ৯৪ য়ৌনা চুখিবা, পুং ২৪গী মনুংদা চহী ১০০ ৱাংনা চুদুনা শহর অসিবু পুমশি শিহনখিবা ইচাউ অদু মুম্বাইগী মীয়াম খুদিংমক্কী ৱাখলদা চুদুনা লৈরি। ইচাউ থোক্ত্রিঙৈদা মাঙজৌননা শেম শাদুনা লৈহৌনবা, মীয়ামদা শেম শাজনবা মাঙজৌননা পাউ পীগদৌরি।

ইচাউ নংগনবা শহরদা ইচাউ লাকশিন্নবা থবক পায়খৎপা নুংঙাইনবগীদমক, মহারাস্ত্রা সরকারগী ম্যুনিসিপাল কোর্পোরেসন ওব গ্রেতর মুম্বাইনা আর্থ সাইন্সেস মন্ত্রালয়দা আইফ্লোজ-মুম্বাই হায়না খঙনবা ইন্তিগ্রেতেদ ফ্লদ ৱার্নিং সিস্তেম- মুম্বাই অমা শেম্বীনবা জুলাই ২০১৯দা আর্থ সাইনেস মন্ত্রালয়গী মনুংদা লৈজরিবা ইন-হাউজ এক্সপর্তাইজ শীজিন্নদুনা ম্যুনিসিপাল কোর্পোরেসন ওব গ্রেতর মুম্বাইগা খুৎশম্নদুনা শেম্নবা হৌদোকখি। আইফ্লোজ-মুম্বাই অসি নোং কন্না তাবা অমসুং সাইক্লোন লৈবা মতমদা ঙন্না চেকশিন্নবা লাউথোক্তুনা ইচাউ থোকপদগী খরমখৈ মুম্বাইদা ফনবা ইনৌ নৌনা পুথোকপা ইচাউ লাক্কদবদগী মাঙজৌননা পাউ পীননবা মুম্বাইগী পথাপ অমনি।

আইফ্লোজ অসি মমিং ওইনা এসিমিলেসন, ফ্লদ, ইনন্দেসন, ভলনরেবিলিতী, রিস্ক, দিসেমিনেসন মোদ্যুল অমসুং দিসিজন সপ্পোর্ত সিস্তেম হায়না মোদ্যুল তরেৎ য়াওবা মোদ্যুলার স্ত্রকচর অমদা শাবনি। সিস্তেম অসিদা নেসনেল সেন্তর ফোর মেদিয়ম রেঞ্জজ ৱেদর ফোর্কাস্তিং (এন.সি.এম.আর.দব্যু.এফ.), ইন্দিয়া মেতিওরোলোজিকেল দিপার্ত্মেন্ত (আই.এম.দি.), ইন্দিয়ন ইন্সতিত্যুৎ ওব ত্রোপিকেল মেতিওরোলোজী (আই.আই.তি.এম.)না শেম্বা রেন ফোজ নেৎৱার্ক স্তেসন্দগী ফংবা ফিল্দ দেতা, ম্যুনিসিপাল কোর্পোরেসন ওব গ্রেতর মুম্বাই (এম.সি.জি.এম.) অমসুং আই.এম.দি., এম.সি.জি.এম.না পীবা লম শীজিন্নবগী থিমেতিক লেয়রশিং, ইফ্রাস্ত্রকচরনচিংবশিং শীজিন্নরি। ৱেদর মোদেলশিং অসিদগী ফংবা ঈ পাউশিং অসিদা য়ুম্ফম ওইদুনা, নোং চুববু চেন্থখিনবা অমসুং ইনফ্লো ইনপুৎশিংবুনা তুরেলগী পথাপ অমা ওইনা ওন্থোক্নবা হায়দ্রোলোজিক মোদেল ওইনা ওন্থোক্লি। হায়দ্রোলোজিক মোদেলশিং অসি ইচাউবু নৈনবগী জগাদা পুশিন্দুনা ঈশিংনা চেনবগী মওং লৌদুনা ফ্লুইদ মোসনগী ইক্বেসন হোৎনবা শীজিন্নৈ। মুম্বাই অসি শমুদ্রগা শম্নবা ইনলেন্দ সিতী ওইরম্বনা শহরদা ইথৎ কারকপা অমসুং নোংলৈ লাকপদু হায়দ্রোদাইনামিক মোদেল অমসুং স্তোর্ম সর্জ মোদেল শীজিন্নদুনা হোৎলি। মসিগী সিস্তেম অসি শহর অসিগী মনুংদা লৈবা লাংখোংবু ফোতো লৌবগী অয়াবা অমসুং অরোইবা সিস্তেমদা হাপচিন্দুনা ইচাউ নংবা য়াবা মফমশিং খঙদোকই। মিথি, দাহিসর, ওশিৱারা, পোসার, উলহাস, পাৎ অমসুং খোংশিংগী অরুবা এন.সি.সি.আর.না এম.সি.জি.এম. অমসুং আই.এম.দি. মুম্বাইগা খুৎশম্নদুনা লৌই। লমগী ফিবম, শীজিন্নবগী মওং, ইনফ্রাস্ত্রকচর, মীশিংনচিংববু এম.সি.জি.এম.না পীদুনা দিসিজন সপ্পোর্ত সিস্তেমদা শীজিন্নদুনা ইচাউগী ৱাংবগী চাং অসি ৱার্দ লেবেল জি.আই.এস.তা থিমেতিক লেয়র শীজিন্নদুনা লেপ্পী। ৱেব জি.আই.এস.তা য়ুম্ফম ওইবা দিসিজন সপ্পোর্ত সিস্তেম অমা খুদোংথীবা থোক্কদবগী চাং অমসুং ইচাউনা শোক্কদবা জগাশিং হোত্তোক্নবা শাই।

ফ্লদ ৱার্নিং সিস্তেম অসি হৌনবী মতুং ইন্না ইকাই খুম্নুনিংঙাই ওইরবা মহারাস্ত্রগী মুখ্য মন্ত্রী শ্রী উধবজি বালাসাহেব থাকেরাই অমসুং ইকাই খুম্ননিংঙাই ওইরবা কেন্দ্রগী হকশেল অমসুং য়াইফ-য়ুম্বাল মন্ত্রালয়, সাইন্স অমসুং তেক্নোলোজী, আর্থ সাইন্সেস, ভারত সরকারগী মন্ত্রী দা. হর্শ বর্ধন্না জুন ১২, ২০২০দা মুম্বাইদা পুং ১২৩০ তাবা মতমদা হৌদোক্কনি।

*****