দিপার্তমেন্ত ওব সাইন্স এন্দ তেক্নোলোজী (দি.এস.তি.)গী সেক্রেতরী প্রোফেসর অশুতোশ শর্মনা এস.তি.আই.পি. ২০২০ শেম্বদা য়াওবা পোলিসী ফেলো, দি.এস.তি.গী ওফিসিএলশিং, অমসুং পি.এস.এ.গী ওফিসিএলশিংনা শাবা এস.তি.আই.পি. ২০২০ সেক্রেতরিএৎকা ৱারী শানদুনা ৱাখল পুথোকপা মীওইশিংগা পুনশিন্দুনা মখোয়দগী করি তৌবা য়াবগে হায়বদু লৌদুনা, ৱাখল লৌশিং পুথোকপা হায়বসিগা ৱাখল লৌশিং লৌশিনবা হায়বসিগগী মরক্তা অমগা অমগা লৈনরিবা মরীগী পথাপ অমসুং তোঙানবা সেক্তরশিংগী মরক্তা লৈরিবা মরী অমসুং চাউখৎলক্লিবা এ.আই.গী হীরম্বু পোলিসী শেম্বগী থৌওংদা হাপচিন্নবা খন্ন-নৈনখ্রে।

"তি.আই.এফ.এ.সি., পোলিসী সেন্তরশিংগুম্ব ৱাখল লৌশিংগী পুলশিং, সি.আই.আই., এফ.আই.সি.সি.আইগুম্বা ইন্দস্ত্রী বোদীশিংনা সাইন্সকী পোলিসীগা মরী লৈনবা খুদোংচাদবশিংগী মতাংদা হান্ননা নৈনখ্রে অমসুং খনখ্রে, অমসুং ঐখোয়না মখোয়দগী মমুৎ তানা নৈনরবা তৌবা য়াবশিং লৌনবগীদমক মখোয়বু বার্তোন তৌবা য়াই। মসিগী নাকন্দা, থিমেতিক গ্রুপ ২১দা সাইন্সনা অতোপ্পা সেক্তর কয়া অমা কোনশিনবগুম্না নৌনা হৌগৎলক্লিবা হীরম আর্তিফিসিএল ইন্তেলিজেন্সগুম্বা, মেচিন লর্নিং, ক্বান্তম কম্প্যুতিং অমসুং ত্রেদিসনেল সেক্তরশিংগী তোঙান-তোঙানবা সেক্তরশিংগী মরক্তা মরী লৈনৈ। অদুগা, পোলিসী অসিদা ৱাখল লৌশিং পুথোকপা হায়বসিগা ৱাখল লৌশিং লৌশিনবগী পথাপ হায়বসিগগী মরক্তা অমগা অমগা মরী য়াম্না লৈনৈ। মখোয়শিং অসি পোলিসীদা হাপচিনগদবনি," হায়না প্রোফেসর শর্মনা খন্ন-নৈনবগী থৌরম অদুদা ফোংদোকখি।

পোলিসী শেম্বগী থৌওংদা অচৌবা থৌদাং লৌগদৌরিবা নহা ওইরিবা পোলিসী ফেলোশিংবুসু পুক্নিং থৌগৎখি অমসুং মখোয়গী থৌনা অমসুং হোৎননিংবগী ইথিলগা অহলশিংগী লৌশিংগা পুনশিন্দুনা মায় পাক্না দিসেন্ত্রেলাইজ তৌরবা অমসুং ইনক্লুসিব ওইরবা থৌওং অমা ওইবা য়াগনি হায়না মহাক্না মখা তাখি।

ভারত সরকারদা প্রিন্সিপাল সাইন্তিফিক এদবাইজর (পি.এস.এ.গী লোইশঙ)গী লোইশঙ অমসুং দিপার্তমেন্ত ওব সাইন্স এন্দ তেক্নোলোজী (দি.এস.তি.)না দিসেন্ত্রেলাইজ তৌরবা, মমুৎ তানা খন্দুনা অৱাংবা থাক য়ৌনা হোৎনরগদবা অমসুং ইনক্লুসিব ওইবা অনৌবা লৈবাক অসিগী সাইন্স তেক্নোলোজী এন্দ ইনোবেসন পোলিসী (এস.তি.আই.পি. ২০২০)শেম্নবা থবক অমা হৌখ্রে।

এস.তি.আই.পি. ২০২০ শেম্বগী থবক অসি অৱাংবা থাক্তা শম্নরবা ত্রেক ৪ থোক্না শেম্লিঃ ত্রেক ১দা সাইন্স পোলিসী ফোরম – পোলিসী শেম্বগী মতমদা মীয়ামদগী পীরকপা ৱাখল্লোন অমসুং এক্সপর্তশিংগী পুলদগী ফংবশিংগীদমক শেম্বা প্লেৎফোর্ম ওইরিবা মীয়মা অমসুং অখঙ অহৈশিংগা তান্নবগী তাঙ্গকক অসি য়াওরি। ত্রেক ২দনা পোলিসী শেম্বগী থৌওংদা অখঙ অহৈশিংনা পীবা থিমেতিক কন্সলতেসনশিং ইবিদেন্স-ইনফোর্ম্দ রিকমেন্দেসনশিং হাপচিনগনি। মসিগী থৌওং অসিগীদমক ফোকস্দ থিমেতিক গ্রুপ কুন্মাথোই (২১) শেমখ্রে। ত্রেক ৩দনা মন্ত্রালয় অমসুং রাজ্যশিংগা তান্নবগী তাংকক ওইরি অদুগা ত্রেক ৪ অসিনা অৱাংবা থাক্কী মলতি-স্তেকহোল্দরশিংগা তান্নবগী তাংকক ওইরি।

তোঙান-তোঙানবা তাংককশিংদা তান্নবগী থবকশিং অসি মমাংদগী হৌখ্রে অমসুং খম্ব্রাংননা চৎমিন্নরি। ত্রেক ২ থিমেতিক গ্রুপ (তি.জি.) তান্নবনা ঈ পাউগী সেসনশিংগা লোইননা হৌখ্রে, অমসুং ত্রেক ১ অসি অখঙ-অহৈশিংদগী অমসুং মীয়ামদগী ৱাখল্লোনশিং খোমজিন্না অথুবা হৌরগনি।

ইন-হাউজ পোলিসী নোলেদজ অমসুং দেতা সপ্পোর্ৎ য়ুনিৎ লৈবা দি.এস.তি.-এস.তি.আই. পোলিসী ফেল্লোগী কেদরশিংগা লোইননা শেম্বা সেক্রেতরিএৎ অমা মপুং ফাবা থৌওং মসুং ত্রেক মরি অসিগী মরক্তা লৈরিবা মরীশিং য়েংশিন্নবা দি.এস.তি. (তেক্নোলোজী ভাবন)দা শেমখ্রে।

দি.এস.তি.-এস.তি.আই. পোলিসী ফেলোশিং, দি.এস.তি. ওফিসিএলশিং, অমসুং পি.এস.এ.গী লোইশঙগী ওফিসিএলশিং শরুক য়াখিবা খন্ন-নৈনবগী থৌরমদুদা দি.এস.তি.গী পোলিসী কোওর্দিনেসন এন্দ প্রোগ্রাম মোনিতরিং দিবিজনগী মকোক ওইরিবা দা. অখিলেশ গুপ্তনা পোলিসী শেম্বগী থৌওংশিং সাইতিফিক দিপার্তমেন্তশিং, মন্ত্রালয়শিং, এজেন্সীশিং, সোসিও-ইকোনোমিক মন্ত্রালয়শিং, দিপার্তমেন্তশিং অমসুং রাজ্য অমসুং য়ু.তি.শিং য়ৌনা পাউদমখি। খন্ন-নৈনবা অদুনা এস.তি.আই.পি. ২০২০ শেম্বগী থৌওংগী তোঙান-তোঙানবা ত্রেকশিং হৌদোকপগী তৌগদবা থবক্কী প্লানশিং শেম্বদা মতেং ওইরগনি।

*****