কেমিকেল্স অমসুং ফর্তিলাইজর মন্ত্রালয়
তোঙান তোঙানবা ত্রেদশিংদা ত্রেনিং পীনবগীদমক এন.এফ.এল.না আই.তি.আই.গা খুৎশম্নদুনা থবক পায়খৎপা হৌরে
प्रविष्टि तिथि:
10 JUN 2020 11:53AM by PIB Imphal
ভারত লৈঙাক্কী “স্কিল ইন্দিয়া” ইনিসিয়েতিবতা থ্রস্ত পীনবগীদমক কেন্দ্রগী দিপার্তমেন্ত ওফ ফর্তিলাইজর্সকী মখাদা লৈবা সি.পি.এস.ই. অমা ওইরিবা নেস্নেল ফর্তিলাইজর লিমিতেদ (এন.এফ.এল.)না মখোয়গী প্লান্তকা নক্ননা লৈবা ইন্দস্ত্রিএল ত্রেনিং ইনস্তিত্যুৎ (আই.তস.আই.)গা খুৎশম্নদুনা নহাশিংবু তোঙান তোঙানবা ত্রেদশিংদা ত্রেনিং পীদুনা মখোয়বু হেভী এন্দ প্রোসেস ইন্দস্ত্রীদা থবক ফংবগী খুদোংচাবা হেনগৎহন্নবা থবক পায়খৎপা হৌরে।
কম্পেনী অসিগী পঞ্জাবতা লৈবা নঙ্গল প্লান্তনা ত্রেদ ১২দা নহাশিংবু ত্রেনিং পীনবগীদমক আই.তি.আই. নঙ্গলগা মেমোরেন্দম ওফ অন্দর্স্তেন্দিং অমা খুৎয়েক পীনখ্রে। মহৈরোয়শিং অদু দুএল সিস্তেম ওফ ত্রেনিং স্কিমগী মখাদা ইনস্তিত্যুৎ অসিদা থিওরেতিকেল স্কিল তম্লগা এন.এফ.আই. নঙ্গল প্লান্ততা ওন.দি.জোব ত্রেনিং পীগনি।
এম.ও.য়ু. অদু এন.এফ.এল. নঙ্গল য়ুনিতকী দি.জি.এম. (ঐচ.আর.) ইন-চার্জ মিস রেনু আর.পি. সিংহ অমসুং আই.তি.আই. নঙ্গলগী প্রিন্সিপাল শ্রী ললিত মোহনগা খুৎয়েক পীনখিবনি।
আই.তি.আই. নঙ্গল অসি পঞ্জাবতা লৈবা খ্বাইদগী লিরবা ইনস্তিত্যুৎশিংগী মরক্তা অমনি। আই.তি.আই. অসিগা এম.ও.য়ু. অসি খুৎয়েক পীনবগা লোয়ননা এন.এফ.এল.না পঞ্জাবতা অসিগুম্বা থৌরাং লৌখৎপা খ্বাইদগী অহানবা সি.পি.এস.ই. ওইরে।
কম্পেনী অসিনা ইনস্তিত্যুৎশিংদগী অহেনবা নহাশিং ত্রেনিং পীদুনা স্কিল ইন্দিয়াবু হেন্না মপুং ফাহন্নবগীদমক তুংদসু অসিগুম্বা থবক থৌরমশিং লৌখৎনবা থৌরাং তৌরি।
এন.এফ.এল.গী গ্যেস পেজ এমোনিয়া-য়ুরিয়া প্লান্ত মঙা লৈ – পঞ্জাবতা নঙ্গল অমদি ভতিন্দা প্লান্তশিং, হরিয়ানাদা পানিপত প্লান্ত অমসুং মধ্য প্রদেশগী গুনা দিস্ত্রিক্কী বিজয়পুরদা লৈবা প্লান্ত অনি।
******
(रिलीज़ आईडी: 1630622)
आगंतुक पटल : 253