آر ای سی فاؤنڈیشن ، آر ای سی لمیٹڈ کی سی ایس آر اکائی جو کہ وزارت بجلی کے ماتحت ایک مرکزی پی ایس یو اور ہندوستان کے سب سے بڑے بجلی فائنانسرز میں سے ایک ہے ، نے کووڈ۔ 19 وبا کے باعث لاک ڈاؤن کی وجہ سے متاثرہ مزدوروں اور ضرورت مندوں میں لازمی اشیا والے پانچ ہزار پیکٹ تقسیم کئے ہیں۔ ان پیکٹوں (پائیدار کپڑے کے تھیلے) میں پینے کے پانی کی بوتل ، بھنا ہوا چنا ، مونگ پھلی ، نمکین ، گلوکوز پاؤڈر ، جوتے چپل اور دوبارہ استعمال میں لائے جانے والے ماسک شامل ہیں۔

آر ای سی لمیٹڈ ، نورتنا این بی ایف سی ، باہمی تعاون سے کی جانے والی کوششوں کے ذریعہ مزدوروں اور ضرورت مندوں کو کھانا کھلانے کے مشن کی سربراہی کر رہا ہے۔ اس سرگرمی کا پہلا مرحلہ 4 جون 2020 کو تیار کیا گیا تھا اور دہلی میں 500 فائدہ اٹھانے والوں میں تقریبا 500 ایسے پیکٹ تقسیم کیے گئے تھے۔ دوسرا مرحلہ 7 جون کو گڑگاؤں اور نوئیڈا میں کامیابی کے ساتھ مکمل ہوا تھا جہاں قریب 1000 پیکٹ تقسیم کیے گئے تھے۔ باقی پیکٹ آنے والے دنوں میں تقسیم کردیئے جائیں گے۔ ان تھیلوں کی تقسیم کارپوریشن کے ملازمین نے کی تھی جو اس معاشرتی مقصد کے لئے رضاکارانہ طور پر کھڑے ہوئے تھے۔

مزید برآں ، آر ای سی مختلف ضلعی حکام ، این جی اوز اور بجلی تقسیم کرنے والی کمپنیوں (ڈسکامس) کے اشتراک سے پہلے ہی ملک بھر میں ضرورت مندوں کو پکا ہوا کھانا اور راشن مہیا کررہا ہے۔ یہ اقدام اس وقت شروع کیا گیا جب کورونا وائرس پر قابو پانے کے لئے ملک بھر میں لاک ڈاون نافذ کیا گیا۔ 6 جون 2020 تک ، کارپوریشن نے 4.66 لاکھ کلوگرام سے زیادہ خوراک ، 2.56 لاکھ کھانے کے پیکٹ ، 9600 لیٹر سینیٹائزر ، 3400 پی پی ای کٹس اور 83000 ماسک تقسیم کیے ہیں۔

آر ای سی لمیٹڈ نے ، نئی دہلی کے صفدرجنگ اسپتال میں طبی عملے کے لئے خصوصی طور پر تیار شدہ غذائیت سے بھرپور کھانے کے پیکٹوں کی تقسیم کے لئے ، تاج سیٹس (آئی ایچ سی ایل اور ایس اے ٹی ایس لمیٹڈ کا مشترکہ منصوبہ) کے ساتھ بھی شراکت کی ہے۔ ہر روز 300 فوڈ پیکٹ نئی دہلی کے فرنٹ لائن ہیلتھ کیئر وارئیرز کا شکریہ ادا کرنے کے طور پر پہنچائے جارہے ہیں۔ اس اقدام کے ذریعے نئی دہلی میں 18،000 سے زیادہ کھانا پہنچایا جارہا ہے۔

*************

م ن۔ن ا ۔م ف 

 (08-06-2020)

U: 3131