পাৱর মন্ত্রালয়গী মখাদা লৈবা সেন্ত্রেল পি.এস.য়ু. অমা ওইরিবা আর.ই.সি. লিমিতেদকী সি.এস.আর.গী মশা ওইরিবা অমসুং ভারতকী খ্বাইদগী চাওবা পাৱর ফাইনান্সিয়র অমা ওইরিবা আর.ই.সি. ফাউন্দেসন অসিনা কোবিদ-১৯ লাইচৎ অসিনা মরম ওইদুনা তৌরিবা লোকদাউননা শোকহল্লবা শিন্মীশিং অমসুং লৈত লাইরবশিংদা তঙাই ফদবশিং য়াওবা তোঙান্না শেম্বা পেক্কেৎ ৫০০০ য়েন্থোক্নবা ৱাশকখ্রে। হায়রিবা পেক্কেৎ (শীজিন্নবা য়াবা ফীগী খাউ) অসিদা থকনবা ঈশিং বোত্তল, চানা অঙৌবা, লৈবাক হৱাই, মিকচর, গ্লুকোজ পাউদর, খোঙউপ অমসুং অমুক শীজিন্নবা য়াবা মাক্সশিং য়াওরি।

নবরত্ন এন.বি.এফ.সি. অমা ওইরিবা আর.ই.সি. লিমিতেদনা অপুনবা খোঙথাংশিংগী খুথাঙদা শিন্মীশিং অমসুং লৈত লাইরশিংদা মবুক থলহন্নবা মিসন অসিনা মাংলোমদা চঙশিল্লি। অহানবা শরুক্কী ওইনা ২০২০গী জুন ৪দা তৌখি অমসুং চাউরাক্না হায়রিবা পেক্কেৎ ৫০০রোম দিল্লীদা লৈবা বেনিফিসরি ৫০০দা য়েন্থোকখি। অনিশুবা শরুক অসি জুন ৭তা গুরগাউন অমসুং নোইদাদা পেক্কেৎ ১০০০ মুক মাইপাক্না য়েন্থোকখি। লেমহৌরিবা পেক্কেৎশিং অসি লাক্কদৌরিবা নুমিৎশিংদা য়েন্থোক্লগনি। হায়রিবা বেগশিং অসি কোর্পরেসনগী ইমপ্লোইয়ীশিংনা মীয়ামগী শেবাগীদমক মশানা পাম্না চোংথোক্তুনা য়েন্থোকখি।

মসিগী মথক্তা, তোঙান-তোঙানবা দিস্ত্রিক্ত ওথোরিতীশিং, এন.জি.ও.শিং অমসুং ইলেক্ত্রিকসিতী দিস্ত্রিব্যুসন কম্পনীশিং (দি.আই.এস.সি.ও.এম.এস)গা লোয়ননা আর.ই.সি.গা চুংশিন্নদুনা মমাংদা লৈবাক অসিগী মফম কয়াদা লৈরিবা লৈত লাইরবশিংদা অথোংবা চানবা চাকলেনশিং অমসুং চেঙ পীখি। ইনিসিএতিব অসি কোরোনাভাইরস লাকশিন্নবা লৈবাক পুম্বা লোকদাউন তৌখিবা মতম অদুদগী হৌখি। জুন ৬ ২০২০ ফাওবদা, কোর্পোরেসন অসিনা হৱাই-চেংৱাইগী কিলোগ্রাম লাখ ৪.৬৬, চাকলেনগী পেক্কেৎ লাখ ২.৫৬, সেনিতাইজরগী লিতর ৯৬০০, পি.পি.ই. কিৎ ৩৪০০ অমসুং মাস্ক ৮৩০০০ হেন্না য়েন্থোকখ্রে।িং, এন.জি.ও.শিং অমসুং ইলেক্ত্রিকসিতীি ৫০০রোম দিল্লিদা লৈবা বেনিফিসরি ৫০০দা য়েন্থোকখি। অনিশুবা

আর.ই.সি. লিমিতেদনা তাজএস.এ.তি.এস. (আই.ঐচ.সি.এল. অমসুং এস.এ.তি.এস. লিমিতেদকী অপুনবা ভেনচর অমা)গা চুংশিন্নদুনা ন্যু দিল্লীগী সাফদরজং হোস্পিতালগী মেদিকেল স্তাফকীদমক অখন্ননা শেম্বা মচি ওইবা চানবা পেক্কেৎশিং য়েন্থোকখি। নুমিৎ খুদিংগী, চানবা পেক্কেৎ ৩০০ অসি ন্যু দিল্লীগী ফ্রন্তলাইন হেলথকিয়র লানমীশিংদা তৌবিমল খঙবা উৎপা ওইনা পীরি। ইনিসিএতিব অসিগী খুথাংদা ন্যু দিল্লীদা চাকলেন ১৮,০০০গী মথক্তা য়েন্থোকখ্রে।

*****