ভারত সরকারগী, সাইন্স অমসুং তেক্নোলোজী বিভাগকী ওতোনোমস ইন্সতিত্যুত অমা ওইরিবা ইন্সতিত্যুত ওফ এদভান্স স্তদী ইন সাইন্স এন্দ তেক্নোলোজী (আই.এ.এস.এস.তি.), গুৱাহতীগী সাইন্তিস্তশিংনা ওরেল স্ক্বামস সেল কার্সিনোমাবু য়াম্না থুবা মওংদা খংদোক্নবা আর্তিফিসিএল ইন্তিলিজেন্সতা য়ুম্ফম ওইবা অলগোরিথম অমা পুথোকখ্রে।

ফ্রেমৱর্ক অসি দা. লিপী বি. মহন্তনা লুচিংদুনা সেন্ত্রেল কম্প্যুতেস্নেল অমসুং ন্যুমরিকেল সাইন্সেস দিভিজন, আই.এ.এস.এস.তি.না শেমখিবনি অমসুং মসিনা ওরেল স্ক্বামস সেল কার্সিনোমাবু মথং-মনাও নাইনা খংদোকপদা মতেং পাংগনি।

স্তদী অসিগীদমক্তা বেঞ্চমার্ক অমা হেক্তগী ওইবা ওরেল কেন্সরগী দেতাসেৎ অদু ফংহন্নবগীদমক্তা সাইন্সিশিংনা খুৎশম্নদুনা ইন্দিজিনস ওইবা দেতাসেৎ অমা শেমখি। তোঙান-তোঙানবা এ.আই. তেক্নিকশিংগী স্তেত-ওফ-আর্ত পুথোক্তুনা খংহন্নবা অমসুং খনগৎলবা মেথদ অদুদা প্লে তৌদুনা সাইন্তিস্তশিংনা ওরেল কেন্সরগী গ্রেদিংদা হান্না ফংবা ঙমখিদ্রিবা মওংদা চপ-চানা ফংবা ঙমখি। স্তদী অসি প্রী-ত্রেন তৌরবা অরুবা কনভোলুস্নেল ন্যুরেল নেতৱর্ক(সি.এন.এন.) শিজিন্নরগা ত্রান্সফর তৌনবা এপ্লিকেসন্দগী এপ্রোচ অনি শিজিন্নরগা পাংথোকখি।

প্রী-ত্রেন তৌরবা মোদেলশিংগী কেন্দিদেৎ মরি, মিং ওইনা হায়রবদা অলেক্সনেৎ, ভি.জি.জি.-১৬. ভি.জি.জি.-১৯ অমসুং রেসনেৎ-৫০ অসি ক্লাসিফিকেসনগী প্রোব্লেম অসিগীদমক্তা খ্বাইদগী চানবা মোদেল অমা খনখি অমসুং প্রোব্লেম অসি ফীৎ তৌনবা সি.এন.এন. মোদেল শেমগৎখি। অদুম ওইনমক রেসনেৎ-৫০না চাদা ৯২.১৫গী খ্বাইদগী ৱাংবা ক্লাসিফিকেসনগী চপ চানা অচুম্বা অদু ফংখি অমসুং পুখৎখিবা সি.এন.এন.মোদেলনা চাদা ৯৭.৫ চুম্না উৎপা ঙম্বা ত্রান্সফর তৌবা অদু তম্ননবগী মীৎয়েংদা পুথোক্নবা এক্সপরিমেন্তেল ওইবা ফাইন্দিংদা শিংথানিংঙাই ওইনা থমখি। থবক অসি ন্যুরেল নেতৱর্ক হায়বা জর্নেলদা ফোংখ্রে।

হৌজিকফাওবদা গ্রুপ অসিনা অলগোরিদম অদু চপ চাবা সোফৱেয়রদা ওন্থোক্তুনা ফীলদা চাংয়েংশিং পাংথোক্নবা শেম শারে। মসি হেল্থ অমসুং আই.তি. সেক্তরগী মরক্তা লৈনরিবা মতম পুম্বগী ওইবা খেৎনবশিং অসি য়েংলগা গ্রুপ অসিনা ফংনবা হোৎনবা মথং তারকপা শিংনবনি। দা. মহন্তনা শিংনবশিং অসি থেংননবা খুমাং চাওশিনবা ইনফ্রাস্ত্রকচর পুম্নমক শৌগৎনবগী ৱাখল্লোন থম্মি অমসুং অশেংবা ওইনা অকনবা, হেন্না থাজনিংঙাই ওইবা অমসুং রিএল-তাইমগা মতিক চাননবা সোফৱেয়র অসি হোসপিতলশিংদা নিংথিজনা তম্বীবগী মথৌ তাই হায়না খল্লি।

কেন্সরশিং পুম্নমক অসিদগী চাওরাক্না নুপাশিংদনা চাদা ১৬.১ অমসুং নুপীশিংদনা চাদা ১০.৪ কেন্সরনা নারিবা অসি ওরেল কেন্সরনি, লাই অসিদা অৱাং-নোংপোক ভারত পু্ম্নক্তা হেন্না খুদোংথিনিংঙাই ওই। ওরেল কেভিতী কেন্সর অসি কোম ক্বা মরু অমসুং হীদাক মনা চাং ৱাংনা শিজিন্নবনা মরম ওইরগা অতৈ কেন্সরশিংগা চাংদম্নবদা হন্না নারকপগী চাং য়াম্না ৱাংনা লৈ।

মসিগী কেন্সরগী গ্রুপ অসি মনুংথংবা খজাইগী মফমশিংগী মেম্ব্রেনশিং অদু অকাইবা পীদুনা ইপিথেলিএল ওইবা স্ক্বামস তিশুগী খেৎনহন্নবগী অমসুং শাথিবা মওংগী ত্যুমরশিং চাওখৎহবগী মওং ওই অমসুং মসিনা ব্রোদরগী হিস্তোপেথোলোজিকেল সিস্তেমগা লোয়ন-লোয়ননা নিংথিজনা খেৎনহল্লবা এস.সি.সি(দব্লিয়ু.দি.এস.সি.সি.), ময়াই ওইনা খেৎনহনবা ঙম্বা এস.সি.সি(এম.দি.এস.সি.সি.) অমসুং ৱানা খেৎনহনবা ঙম্বা এস.সি.সি(পি.দি.এস.সি.সি.) হায়না মথং-মনাও শেম্বা য়াই। ত্যুমর চাওখৎলকপা অসিবু উহল্লিবা সেলুলর মোর্ফোমীত্রীনা কাংলুপ অহুম অদু য়াম্না পীকপা খায়দোক্তুনা হিস্তোলোজিকেল ওইবা খেৎনবা অদু উহল্লি, মদু মীওইবগী মীৎনা উবদা ৱানা থোকই। চাং ৱাংনা মান্নবা হিস্তোলোজী ওইবনা পেথোলোজিস্তশিংনফাওবা খাইদোকপদা অকুবা ওইহন্দুনা পুনশিন্নবা মওংদা অদুম লৈ।

আর্তিফিসিএল ইন্তিলিজেন্সতা অরুবা মহৈ-মশিং খংদোকপদা কম্প্যুতেস্নেল ওইবা তেংবাংগী মওংদা থবক পাংথোক্ননবা দিজিতেল ইমেজ নৈনবদা ময়ামদগী তোঙানবা মওংদা ওইরকপা য়াবশিং য়াওই, মসিনা অসিগুম্বা কেন্সরনা নারবা মীশি্ংগীদমক্তা মতম চানা অমসুং ফগদবা লায়না অসি চংহন্দনবা অমসুং মল্তী-মোদেল ওইবা লাইয়েংগী প্রোতোকোলদা অমসুং লায়না অসি য়েংশিন্দুনা পেথোলোজিস্তশিংনা থবক-থৌওংশিং পাংথোকপগী পোৎলুম অদু হন্থহন্দুনা মতেং পাংই।

শক্তম: কনভোলুস্নেল ন্যুরেল নেৎৱর্ক শিজিন্নদুনা খাইদোকপগী মওং উৎপা

[পব্লিকেসনগী লিঙ্ক: https://doi.org/10.1016/j.neunet.2020.05.003

হেন্না মরিক চুম্বা ৱারোলগীদমক, দা. লিপী বি মহন্তা (lbmahanta@iasst.gov.in) দা পাও ফাওবিরকপা য়াগনি।]

******