কেন্দ্রগী জল শক্তিগী মন্ত্রী, শ্রী গজেন্দ্রা সিংহ শেখাৱৎনা অসমগী চীফ মিনিস্তরদা চীথি অমা ইদুনা স্তেৎ অসিদা জল জীবন মিসনগী থবক খুমাং চাওশিন্দবা অসিগী মতাংদা মহাক্না মীৎয়েং চংনবগী ৱা ফোংদোকখ্রে। মিসন অসি প্রধান মন্ত্রী শ্রী নরেন্দ্রা মোদীগী খ্বাইদগী চাওবা প্রোগ্রাম অমনি, মসিগী পান্দমদি ২০২৪ ফাওবদা য়ুমথোং খুদিংদা তোতি পুশিনবগী (এফ.ঐব.তি.সি.শিং) খুত্থাংদা খুঙ্গংগী য়ুমথোং খুদিংমক্তা থক্নবা অফবা ঈশিং ফংহন্দুনা খুঙ্গংগী মীয়ামগী পুন্সি ফগৎহনবনি। পুন্সিদা অওনবা পুরক্লিবা মিসন অসিনা ইনফ্রাস্ত্রকচর শেমবগী মহুৎতা সর্ভিস ফংহনবনা মরু ওইনা লৌরি। জে.জে.এম.গী মখাদা উরিবা অসি, খুঙ্গং/মী খুন্দবগী থক্তা ৱাতর সপ্লাই স্কিমশিং অসি দিসেন্ত্রেলাইজ তৌবা, দিমান্দগী মতুং ইন্না চৎপা, মীয়ামনা শেন্নবা অসিনা ভারতকী ওইনা থক্নবা ঈশিংগী সেক্তরদা এপ্রোচ অসিনা অওনবা পুরকহনবনি।

স্তেৎ লৈঙাকনা পান্দম অসি ফংনবা হোৎনবদা কন্দ্র লৈঙাকনা মতেং পুম্নমক পীগনি হায়না শ্রী শেখাৱৎনা মহাক্কী চীথি অদুদা অমুক হন্না হায়খি। জল জীবন মিসনগী ওইনা তোতিগী কন্নেক্সনশিং পীবা অমসুং ফংলিবা কন্দ্রগী অমসুং চান্নবা স্তেৎকী সিয়র অদু শীজিন্নবা অসিগুম্বা আউৎপুৎতা য়ুম্ফম ওইরগা ভারত লৈঙাকনা ফন্দশিং পীথৈ। ২০১৯-২০গী চহী অসিদা স্তেৎ অসিগী য়ুমথোং লাখ ১২.৪৫তা তোতিগী কন্নেক্সনশিং পীগদবা পান্দম অদুদা য়ুমথোং ৪৮,৮৫২ খক্তা য়ৌহল্লমখি। মখা তানা, অসমদা ২০১৯-২০দা লুপা কোতি ৬৯৪.৩৪ এল্লোকেৎ তৌখি মসিগী মনুংদা স্তেৎ অসিনা লুপা কোতি ৩৯২.৩৬ খক্তা শীজিন্নবা য়াখি।

থক্নবা ঈশিং খুঙ্গংগী য়ুমথোং খুদিংদা ফংহনবা হায়বা অসি লৈবাক অসিনা মরু ওই হায়না লৌরিবা অমনি অমসুং মিসন অসি খুমাং চাওশিন্ননবা, অসমদা এল্লোকেৎ তৌখিবা লুপা কোতি ৬৯৪.৩৪দগী লুপা কোতি ১,৪০৭.০৭দা ২০১৯-২১দা হেনগৎহল্লগনি হায়না শ্রী শেখাৱাৎনা মহাক্কী চীথিদা অকনবা ৱা থমখি। অসুম্না, ওপনিং বেলেন্স লুপা কোতি ৪৪০গা লোয়ননা পুনশিল্লগা স্তেৎ অসিনা কেন্দ্রগী সিয়র য়াওনা লুপা কোতি ১,৮৪৭.৬২ ফংলগনি। মখা তানা, খ্বাইদগী নেম্বা চান্নবা স্তেৎকী সিয়র ১০%গা লোয়ননা, চহী অসিদা স্তেৎ অসিদা ফংগদবা অপুনবা ফন্দ অদু লুপা কোতি ২,০৫৩ ওইরবা য়াই।

অদুম ওইনমক হৌখিবা শেনবা চহীদা, স্তেৎ অসিনা ফন্দশিং অদু মপুং ফানা শীজিন্নবা ঙমখিদবা অসিনা মরম ওইরগা থবক শুবা খুমাং চাওশিনবা অমসুং ফন্দ শীজিন্নবা হেনগৎনবা স্তেৎ অসিগী ৱাতর সপ্লাই স্কিমশিং অসিগী প্লানিং অমসুং ইমপ্লিমেন্তেসনগী মওং অসি শেম্দোকপা মথৌ তারে হায়বা উৎলি। কন্দ্রগী মন্ত্রীনা চান্নবা স্তেৎকী সিয়র অদু মরী লৈনবা থবক পাইখৎলিবা বিভাগ অদুনা প্রোগ্রাম অসিগী থবক খোঙজেল য়াংশিন্দুনা মতম চানা ফংহন্নবা সি.এম.দা হায়জখি।

প্লানিং তৌবা মতমদা অমসুং তোতিগী কন্নেক্সন পীনবা হোৎনবদা লায়রবা অমসুং সমাজ অসিগী শোথরবা কাংলুপতা হেন্না খুদোংচাবা পীনবা মীৎয়েং চংহন্নিংবগী অপাম্বা মন্ত্রীনা সি.এম.দা ফোংদোকখ্রে। শোথরবা দিস্ত্রিকশিংগী খুঙ্গংশিং, এস.সি./এস.তি.না নম্না খুন্দবা খুঙ্গংশিং/মী তাবশিং অমসুং সান্সদ অদর্শ গ্রামিন যোজনাগী মখাদা লৈবা খুঙ্গংশিং অসিদা ঈশিং ফংহন্নবা অসিসু খুদোংচাবা ফংহনগদৌরি।

থক্নবা ঈশিংগী সপ্লাই সিস্তেমশিং অসি কুইনা শাংনা চৎনবা হৌজিক লৈরিবা থক্নবা ঈশিংগী লাকফমশিং অসি ফগৎহন্নবা শ্রী শেখাৱৎনা পাওতাক পীরকখি। প্লানিং অসি এন.আর.ই.জি.এস., এস.বি.এম., পি.আর.আই.এস. তা ১৫শুবা ফাইনান্স কম্মিসন গ্রান্তশিং পীবা, সি.এ.এম.পি.এ. ফন্দশিং, লোকেল এরিয়া দেবেলপমে্ন্ত ফন্দশিংগুম্বা তোঙান তোঙানবা প্রোগ্রামশিং অসিগী মখাদা লৈরিবা রিসোর্সেস পুম্নমক তৌদুনা খুঙ্গং খুদিংমক্কী খুঙ্গংগী থাক্তা অমসুং ভিলেজ এক্সন প্লান (ভি.এ.পি.)না শীনগদবনি।

খুঙ্গংশিংদা ৱাতর সপ্লাই সিস্তেমশিংগী প্লানিং তৌবা, ইমপ্লেমেন্ত তৌবা, শীল-লাংবা, চল্লাইবা অমসুং য়েংশিনবা অসিদা খুঙ্গংগী মফম অদুগী মীয়াম/গ্রাম পঞ্চায়েৎশিং অমসুং নত্রগা শীজিন্নরিবা কাংলুপশিংনা য়াওশিনবা মথৌ তাই, মসিনা ঈশিং মাংহন্দনা মতম শাংনা চৎনহন্নবা পান্দম ফংহন্নবা মহাক্না মখা তানা ফোংদোকখি।

কোবিদ-১৯গী লাইচৎ থোলকপা অসিদা, মরু ওইনা মীয়ামনা মীয়ামগী ঈশিং য়াফমশিং/ মীয়ামগী ঈশিং শোকফমশিংদা মী তীল্লোইদবনি। খুঙ্গং পুম্নমক্তা ঈশিং সপ্লাই তৌবগী থবকশিং লৌখৎনবা অমদি সোসিএল দিস্তেন্সিং ঙাকনবা য়ুমথোংদা তোতি তাহন্নবা অমসুং অহেনবা ওইনা মফমদুগী মীয়ামশিং/মাইগ্রেন্তশিংদা থবক পীদুনা অমসুং খুঙ্গংগী শেনমিৎলোন ফগৎহন্নবা অসমগী সি.এম.না হায়খি।

জল শক্তিগী মন্ত্রীনা মহাক্না অঙম্বা মতেং পাংদুনা স্তেৎ অসি ‘১০০% এফ.ঐচ.তি.সি.গী স্তেৎ’ অমা ওইহনগনি হায়না অসমগী সি.এম.দা থাজবা পীরকখ্রে অমসুং মহাক্না স্তেৎ অসিদা জে.জে.এম.গী প্লানিং অমসুং ইমপ্লিমেন্ত তৌনবা সি.এম. অমসুং শেল-থুমগী মন্ত্রীগা লোয়ননা ভিদিও কনফরেন্সিং অথুবদা তৌদুনা খন্নরগনি হায়খি।

*****