কেন্দ্রগী অৱাং-নোংপোক লমদম চাউখৎ থৌরাংগী রাজ্যগী মন্ত্রী (ইন চার্জ) ওইরিবা অমসুং প্রধান মন্ত্রী লোইশঙগী রাজ্যগী মন্ত্রী ওইরিবা দা. জিতেন্দ্র সিংহনা ঙসি ফোংদোকখ্রে মদুদি লৈবাক অসিগী অৱাং-নোংপোক লমদমশিংনা তপ্না-তপ্না ভারতকী লল্লোন ইতিক্কী মফম অমা ওইরক্লি। অনৌবা পেরাদাইমশিং কোবিদ-১৯গী মতুংদা শেল-থুম, লল্লোন ইতিক, সাইন্তিফিক রিসর্স অমসুং অতোপ্পা হীরম কয়াদা অৱাং নোংপোক্কী লমশিংবু লৈবাক অসিগী লল্লোন ইতিক্কী মফম অমা ওইনা খুমাং চাউশিল্লক্লগনি অমসুং স্তার্তঅপশিংগী খ্বাইদগী পাম্নবা মফম অমা ওইনা থোরক্লগনি।

দা. এ.পি.জে. অব্দুল কলাম সেন্তর ফোর পোলিসী রিসর্স এন্দ এনালাইসিস অমসুং আই.আই.এম. শিল্লোং অনীনা পাঙথোকখিবা ই-সিম্পোজিয়মগী থৌরমদা ভিদিও কনফরেন্সকী খুথাংদা অথোইবা মীথুংলেন ওইদুনা হৌদোক্লদুনা দা. সিংহনা ঙসি হায়খি, মদুদি হৌখিবা চহী তরুক অসিদা মোদী লৈঙাক্কী মখাদা, অৱাং-নোংপোক্কী লমশিংনা মমাংঙৈদগী লৈরক্লবা অৱাৎপা কয়া অমা মেনখৎলদুনা লৈবাক অসিগী অতোপ্পা মফমশিংগা চপ মান্নবা মীৎয়েং য়েংলি। মসিনা মীয়ামদা থাজবা অমা পোকহনবদা নত্তনা ভারতকী অতোপ্পা লমশিংগা অমসুং অতোপ্পা মপান লৈবাকশিংগা লোইননা থবক তৌবা ঙম্বগী চাং তোঙান-তোঙানবা মওংদা হেনগৎলে।

মমাঙদা পানখিবা লৈঙাকশিংনা লমদম অসোমদা চাউখৎ-থৌরাংদা মীৎয়েং চংবীরমদবদা নুংঙাইতবা ফোংদোক্লদুনা দা. সিংহনা হৌজিক পাল্লিবা লৈঙাক অসিনা লমদম অসিদা অপুনবা অমসুং অমত্তা ওইবা চাউখৎপা পুরক্নবগীদমক পায়খৎলিবা থৌরাংশিং পনখি। লম্বী-থোংগী অৱাৎপা ওইরবসু নত্ত্রগা লমদমসিদা ওন্ত্রপ্রিনরশিপকী পুক্নিং থৌগৎপবু ওইরো, হৌজিক পাল্লিবা লৈঙাক অসিনা অরৈবা মতেং অমসুং অঙম্বা মওংদা শৌগৎক্নবা লেপ্লি।

হৌজিক উরিবা অসিগুম্না, হৌখিবা চগী তরুক্লোম অসিদা, লম্বী, রেল অমসুং নোংথক্কী চত্থোক-চৎশিন্দা চাউনা অহোংবা কয়া অমা পুরক্তুনা পোৎচৈ অমসুং মীওই কয়া লমদম অসোমদতা নত্তনা লৈবাক অসিগী মফম খুদিংমক্তা চত্থোক চৎশিন তৌনবদা নুংঙাইহল্লে। মমাঙদা রেল লম্বী উরমদবা অরুনাচল প্রদেশ অমসুং মেঘালয়গুম্বা রাজ্যশিংদা হৌজিক্তি রেল লম্বীনা শম্নহল্লে। মসিগা মান্ননা অতোপ্পা রাজ্য সিক্কিমগুম্বা রাজ্যশিংদা অহানবা ওইনা এরোপ্লেন তাফম উবা ফংলে। অতোপ্পা রাজ্যশিংদসু অনৌবা হিথাংফম হাংদুনা নত্ত্রগা হান্ননা লৈরবশিংগী ফেসিলিতীশিং অমসুং কেপাসিতী হেনগৎহনবা থেংনরে। মহাক্না মখা তানা হায়খি মদুদি প্রধান মন্ত্রী শ্রী নরেন্দ্র মোদীগী এনক্লেবশিং একচেঞ্জ তৌনবগী ইন্দো বঙ্গলাদেশ ত্রিতীনা মমাংদা অরুবা ওইরম্বা ললোন ইতিক তৌবদা লাইহল্লে, চত্থোক-চৎশিন তৌবদা লাইহল্লে। অথুবদা ঐখোয়না ত্রিপুরাদগী অনৌবা লমাই অমা হাংদুনা বঙ্গলাদেশফাওবা ত্রেন চেলহল্লগনি অমসুং লমদমসিদা হিথাংফমশিং শেমগত্তুনা চাউখৎপগী খোংজেল য়াংহল্লগনি। মসিনা ঙমখৈ লান্না নোংপোক মাইকৈদা লৈবা য়ুম্লোন্নবা লৈবাকশিংগা লোইননা লল্লোন ইতিক তৌবদা চাউনা মাই পাক্লগনি। সরকার অসিনা "নোর্থ ইস্ত রোদ সেক্তর দিবেলপমেন্ত স্কিম" (এন.ই.আর.এস.দি.এস.) হায়বা লমদম অসিগী রাজ্য অমদগী অমদা ফাওননবা লম্বী থোং নীংথীনা শেমগৎনবা অনৌবা স্কিম অমা শেম্লগনি হায়রিবসি মমাংঙৈদা শম্নরিবা রাজ্যশিংনা য়েংশিনবীরমদবদগী 'অয়োকপা লম্বী' হায়না কৌনরমই। পায়খৎকদবগী লৈরিবা থৌরাংশিংগী মনুংদা মমিং ওইনা পনবদা লোইবা নাইররোই। পন্দ্রবসু, সরকার অসিনা লমদম অসোমগী অপুনবা ওইনা চাউখৎ থৌরাং কয়াদা অৱাংবা থাক্তা থমদুনা হোৎনরি।

অতোপ্পা মাইকৈ অমরোমদনা, সরকার অসিনা অমসুং দোনর মন্ত্রালয়না য়ুম্লৈ কৈরৈদা য়ুম্ফম ওইবা লাইরবশিং মরুওইনা মহৌশাদগী হৌনা হোৎনবা কনবা লৈবাক অসিগী লমদম অসোমদা লৈরিবা নুপীশিংগী শেলথুমগী ফিবম ফগৎনবগীদমক সেল্ফ হেল্প গ্রুপ শেমগৎপদা মীৎয়েং থম্লি। হোর্তিকলচর, চা, ৱা, শা শন য়োকপা, সেরিকলচর, তুরিজম্নচিংবগী প্রোজেক্তশিংদা অকনবা মীৎয়েং থম্লি। হৌজিক ওইরিবা ফিবম অসিদা, দা. সিংহনা হায়খি, অৱাং নোংপোক লমদা ফংলিবা ৱা অসিনা ভারতকী লল্লোন ইতিক্কী মরুওইবা লম্বী অমা ওইবদা নত্তনা অপুনবা সবকন্তিনেন্ত অসিগীসু ওইরি।

মসিগী খুদোংচাবসি উরদুনা, সরকার অসিনা চহী চাম্মা হেন্না লিরবা ফোরেস্ত এক্ত অসিবু শেমদোক্তুনা ৱাবু ফোরেস্ত এক্তনা কোনশিল্লিবা অসিদগী লৌথোক্নবা শেমদোকখ্রে। হৌজি-হৌজিক্কী ফিবম অসিদা, তুরিজম অসি লমদম অসিগী ফজরবা মফম কয়া অসিনা য়ুরোপ লমগী লমকোইবা কয়াগী পুক্নিং চিংশিল্লদুনা অচৌবা মাই পাকপা অমা ওইগদৌরি। সরকারনা লমদম অসিগী পুক্নিং চংবা ওন্ত্রপ্রিনরশিংদা ভেঞ্চর ফন্দশিং পীবীদুনা অমসুং ইনবেস্তমেন্ত ফংহন্দুনা অমসুং মরুপ ওইরিবা লৈবাকশিংদগী ফোরেন ইনবেস্তরশিং য়াওনা লমদম অসোমগী ওন্ত্রপ্রিনরশিংগী পুক্নিং থৌগৎলি।

সরকার অসিনা থবক পায়খৎপদা য়াহনবগী থৌদাং লৌরিঙৈ চৈরক্তা আই.আই.এম. শিল্লোংগুম্বা ইন্সতিত্যুৎশিংনা পোলিসীশিং শেম্নবা অমসুং কেন্দ্র অমসুং রাজ্য সরকারবু লমজিংদুনা অপুনবা ওইনা লমদম অসোমদা চাউখৎপা পুরক্নবা দা. জিতেন্দ্র সিংহনা পুক্নিং চিংশিনলক্লি। দা. সিংহগী মমাঙদা দোনরগী সেক্রেতরী দা. ইন্দরজিৎ সিংহ, এন.ই.সি.গী সেক্রেতরী মিস্তর মোসেস কে. চলাই, আই.আই.এম. শিল্লোংগী বোর্দ ওব গবর্নরগী চেয়রমেন শ্রী শিশির বাজোরিয়া, আই.আই.এম. শিল্লোংগী বোর্দ ওব গবর্নরগী মীহুৎ শ্রী অতুল কুলকর্নি, আই.আই.এম. শিল্লোংগী দিরেক্তর প্রোফেসর দি.পি. গোয়াল অমসুং প্রোফেসর কেয়া সেনগুপ্তাসু থৌরম অদুদা পান্দম অমসুং স্ত্রেতেজিক্কী ওইবা তঙাই ফদবা অমসুং লমদম অসিদা লৈরিবা চাউখৎ থৌরাংগী ওইবা তঙাই ফদবশিংগী মতাংদা থমখি।

*****