সাইন্স অমসুং তেক্নোলোজী মন্ত্রালয়
সি.এস.আই.আর. লেবনা কালেন্থাগী রিসর্স ত্রেনিং প্রোগ্রাম লৈবাক শিন-থুংনা পাঙথোক্কদৌরি
অসিগুম্বা অনৌবা থৌরাং অসিদা সি.এস.আই.আর. লেবোরেতোরীশিংদগী অফাওবা সাইন্তিস্ত ৪০০ রোম্না শরুক য়াগদৌরি
থৌরম অসিদা শরুক য়াবা তোঙান-তোঙানবা মহৈরোই ৪০০দা শেলগী মতেং পীগদৌরি
Posted On:
04 JUN 2020 7:24PM by PIB Imphal
নোর্থ ইস্ত ইন্সতিত্যুৎ ওব সাইন্স এন্দ তেক্নোলোজী (এন.ই.আই.এস.তি.)না কোবিদ-১৯ লাইচৎনা মরম ওইদুনা লৈবাক অসিদা মহৈ-মশিংগী লমদা অপনবা লৈরিবা অসি কোকহন্নবগী মাইকৈদা চঙশিল্লি। জোরহাত্তা লৈবা সি.এস.আই.আর-এন.ই.আই.এস.তি.না সি.এস.আই.আর.গী দি.জি. দা. শেখর সি. মান্দেদগী লৈবাক শীনবা থুংনা সি.এস.আই.আর. সম্মর রিসর্স ত্রেনিং প্রোগ্রাম (সি.এস.আই.আর.-এস.আর.তি.পি.-২০২০) পাঙথোক্নবা অমসুং শীল-লাংনবা অয়াবা ফংখ্রে।
ওনলাইন প্রোগ্রাম (সি.এস.আই.আর.-এস.আর.তি.পি.-২০২০) অসি লৈবাক অসিদা লৈরিবা সি.এস.আই.আর. লেবোরেতরী ৩৮দগী ফেকলতী অমসুং মেন্তরশিংনা পীগদৌরি। হায়রিবসি সি.এস.আই.আর-এন.ই.আই.এস.তি.গী দিরেক্তর জি. নরহারী সাস্ত্রীনা লাউথোকখিবনি।
ওনলাইন প্রোগ্রাম অসিগী ৱাহৌদোক ওইনা http://www.neist.res.in/srtp2020/ হায়বা ৱেবসাইৎ অমা থৱাই য়াওবা মহৈরোইশিংনা ওনলাইন্দা এপ্লিকেসন ফোর্ম লৌনবা অমসুং থৌরম অসিগী অকুপ্পা ৱারোল য়াওবা লাইরিকসু ফংবা অমা হৌদোকখ্রে। মিং চনবগী থবক মে ২৮, ২০২০দগী জুন ৫, ২০২০দগী হৌগনি।
ওনলাইন প্রোগ্রাম অসি বি.এস.সি., এম.এস.সি., বি.তেক/বি.ই., এম.সি.এ., এম.তেক. অমসুং এম.ফার্মা লৌবা মহৈরোইশিংগীদমক অমসুং মহৈগী লমদা রেকোর্দ ফজবা মহৈরোইশিংগী য়েংদুনা শেম্বনি। প্রোগ্রাম অসি য়ু.জি.সি./এ.আই.সি.তি.ই./রাজ্য/কেন্দ্র/প্রাইবেৎ য়ুনিবর্সিতীশিংগী মখাদা লৈবা তোঙান-তোঙানবা কোলেজশিংগী ফেকলতীশিংনসু শীজিন্নবা য়াগদৌরি।
খনবগী থবক্তি কেন্দিদেৎশিংনা পীশিল্লকপা প্রোজেক্ত প্রোপোজেলশিংদা অপুনবা ওইনা য়ুম্ফম ওইগনি। এপ্লিকান্ত অমদা সি.এস.আই.আর. লেব/ইন্সতিত্যুৎ অহুম অপাম্বগী মতুং ইন্না খনবা য়াগনি অমসুং ওনলাইন প্রোগ্রাম অসি মপুং ফানা লোইশিনবগা কেন্দিদেৎশিংদা সর্তিফিকেৎ পীগনি।
অসিগুম্বা অনৌবা থৌরাং অসিদা সি.এস.আই.আর. লেবোরেতরীশিংদগী অফাওবা সাইন্তিস্ত ৪০০রোম্না কেমিস্ত্রী, ফিজিক্স, মেথমেতিক্স, জিওসাইন্স, ফার্মাসী, দেতা সাইন্স, আর্তিফিসিএল ইন্তেলিজেন্স অমসুং মেদিসিনগী হীরমদা ওনলাইন লেকচর পীগনি। থৌরম অসিদা শরুক য়ারিবা তোঙান-তোঙানবা মহৈরোই ৪০০দা শেলগী মতেং পীগদৌরি।
মসিগী অনৌবা থৌরাং অসিনা লৈবাক অসিগী মহৈ-মশিংগী লমদা থীন্থরিবশিং অসি মহৈরোই কাংলুপ অনৌবা ইনোৎ পীবগা লোইননা মখোইবু ৱাখল লৌশিং অহেনবা পীবীদুনা হৈনিংহন্দুনা হিংগৎহনবা ঙম্লগনি হায়না দা. সাস্ত্রীনা ফোংদোকখ্রে। প্রোগ্রাম অসিনা মহৈরোইশিংবু হৈনিংহন্দবা অমসুং তন্থবা পোক্লিবসিদগী লাপথোকহনবদা মতেং ওইরগনি।
(সি.এস.আই.আর.-এন.ই.আই.এস.তি., জোরহাৎ অসমগী সেনিয়র সাইন্তিস অমা ওইরিবা বিরজিৎ কুমার চৌধুরীনা ইবা)
******
(Release ID: 1629519)
Visitor Counter : 207