হ্যুমেন রিসোর্স দিবেলপমেন্ত মন্ত্রী শ্রী রমেশ পোখ্রিয়াল 'নিশাঙ্ক', হাউসিং অমসুং অর্বান এফির্সকী রাজ্যগী মন্ত্রী (আই/সি) শ্রী হর্দীপ সিংহ পুরী, অমসুং ওল ইন্দিয়া কাউন্সিল ফোর তেক্নিকেল এদজুকেসন (এ.আই.সি.তি.ই.)না অপুনবা ওইনা 'দি অর্বান লর্নিং ইন্তর্নশিপ প্রোগ্রাম (তুলিপ)'- লৈবাক অসিগী অর্বান লোকেল বোদী (য়ু.এল.বি.)শিংদা অমসুং স্মার্ত সিতীশিংদা লৈবা নৌনা গ্রেজুএত লোইরবশিংদা ইন্তর্নশিপকী খুদোংচাবা পীনবা ওনলাইনগী পোর্তেলগী থৌরাং অমা ঙসি হৌদোকখ্রে। তুলিপকী পোর্তেল অসি ঐচ.আর.দি.গী সেক্রেতরী শ্রী অমিত খারে, হাউসিং অমসুং অর্বান এফিয়র্স মন্ত্রালয়গী সেক্রেতরী শ্রী দুর্গা শঙ্কর, এ.আই.সি.তি.ই.গী চেয়রমেন অমসুং মন্ত্রালয়শিং অমসুং এ.আই.সি.তি.ই.গী ওফিসরশিং য়াওনা হৌদোকখিবনি।

তুলিপ হায়বসি অর্বান সেক্তরদা লৈরিবা নৌনা গ্রেজুএৎ লোইরবশিংদা হকথেংননা তম্বা য়াবগী খুদোংচাবা অমা পীনবা থৌরাং অমনি। হায়রিবসি ঐখোয়গী প্রধান মন্ত্রীগী তুংগী অশানবা মীৎয়েংগা লোইননা নহাশিং অমসুং মখোয়গী তৌবা ঙম্বশিংনা লৈবাক অসিদতা নত্তনা মালেমগী থাক্তা চাউখৎপা অহোংবা অমা পুরক্কনি হায়বগী থাজবা থম্বীদুনা লুচিংবীরিবা অসিগী মহৈননি। নহাশিংনা ঐখোয়গী লৈবাক্কী তুংগী মরাইবক্তা লৌহৌগদবা মরুওইবা থৌদাংশিংদা মরুওইবা মীৎয়েং থম্লি।

স্মার্ত সিতীশিংগী মিসন- খুমাং চাউশিনবগী ৱারী মতেক অমা

স্মার্ত সিতী মিসন অসিনা হৌখিবা চহী অহুম্লোম অসিদা ভারতকী অর্বান ওইবা জগাশিংগী তুংগী য়ুম্বী লিংখৎপদা চাউনা খুমাং চাউশিনখ্রে। হৌজিক ফাওবদা, লুপা করোর ১,৬৫,০০০লোমগী ওইগদবা প্রোজেক্তশিংগী তেন্দর পীখ্রে, মসিগী মনুংদগী লুপা করোর ১,২৪,০০০ রোমগী ওইগদবা প্রোজেক্তশিং থবক ওইনা পায়খৎপা হৌখ্রে। লুপা করোর ২৬,৭০০ লোমগী প্রোজেক্তশিংনা মাঙজৌননা লোইশিনখ্রে অমসুং লৈবাক মীয়ামদা কান্নবা ফংহনখ্রে। ঐখোয়গী স্মার্ত সিতীশিংনা মমাং থাদুনা মখোয়গী মনুংদগী ৪৭না খুদোংথীবা য়েংশিন্নবা লানগী ওইবা কা অমা ওইনা স্মার্ত কম্মান্দ অমসুং কন্ত্রোল সেন্তর শীজিন্নরি অমসুং শহর ৩৪না মখোয়শিংবু অথুবদা লোইশিন্নবা শীজিন্নদুনা কোবিদ-১৯গী খুদোংথীবা লাকশিন্নবা হোৎনবদা তেক্নোলোজীগী খুদোংচাবা লৌরি। শীজিন্নবগী চাং, মোতোরাইজ ওইদবা ত্রান্সপোর্ত অমসুং পব্লিক ত্রান্সপোর্তশিং ৱাংখৎননবগীদমক ঐখোয়গী শহরশিংনা লুপা করোর ২,৩০০রোমগী ওইগদবা স্মার্ত রোদ প্রোজেক্ত ১৫১ অমসুং লুপা করোর ১৮,৩০০ লোমগী ওইগদবা প্রোজেক্ত ৩৭৩ অথুবদা লোইশিল্লগনি। লুপা করোর ৩,৭০০রোমগী ওইগদবা পি.পি.পি. প্রোজেক্তশিং লোইশিনখ্রে অমসুং লুপা করোর ২১,৪০০রোমগী ওইগদবা প্রোজেক্ত ২০৩ অথুবদা লোইশিল্লগনি। লুপা করোর ৮০০ লোমগী ওইগদবা শহরগী মফম মশক থোকহন্নবগী মিংদা প্রোজেক্ত ৫১ লোইশিনখ্রে। লুপা করোর ২,৩০০লোমগী ওইগদবা স্মার্ত ওইবা ঈশিংগা মরী লৈনবা প্রোজেক্ত ৬৭ অমসুং লুপা করোর ২০০ রোমগী ওইগদবা স্মার্ত সোলারগী প্রোজেক্ত ৪১ লোইশিনখ্রে।

তুলিপ অসি শেল-থুম মন্ত্রী শ্রীমতি নিরমলা সিতারমন্না 'এস্পিরেস্নেল ইন্দিয়া' হায়বা নুংগী ৱাখল্লোন অসিদা বদজেৎ ২০২০-২১দা হাপনবা লাউথোকখ্রে। লাউথোকপা অদুদা অশুম্না মখা তারি, " লৈবাক অসিদা লৈরিবা অর্বান লোকেল বোদীশিংনা নৌনা গ্রেজুএৎ লোইরবশিংদা চহী অমফাওবগী ইন্তর্নশিপ পীনবা অনৌবা থৌরাং অমা হৌদোক্নবা ৱাফম পুখৎলক্লি।" অসিগুম্বা থৌরাং অসিনা লাক্কদৌরিবা চহী খরা অসিদা মালেমগী মনুংদা থবক ফংবা মী মশীং খ্বাইদগী য়াম্বা ওইদুনা ভারতকী মীশীং য়াম্বা অসিগী খুদোংচাবা ফংহনগদৌরি। ভারত্তা মালেমগী থাক্তা পায়খৎলিবা প্রোজেক্তশিং অমসুং প্লান্নিংশিংদা পুথোকপীদুনা প্রোফেস্নেল স্কিল তালহনবগী তঙাইফদবা লৈরবা তেক্নিকেল গ্রেজুএৎ মশীং মতীক চানা লৈ। জেনরেল এদজুকেসন্না খুনাই অসিদা লৈরিবা চাউখৎপা য়াবা লৌশিং কয়াগী মনুং হঞ্জিনবা ৱাখল্লোন অদু পীবা ঙমদবা য়াই। 'তমদুনা থবক্তা ওন্থোকপা'গী মহৈ তম্বগী মওং নত্তবদা ঐখোয়গী খুনাই অসিনা মহৈ তম্বগী মওং অসি 'থবক্তা ওন্থোক্তুনা তম্বা'তোমদা ওন্থোকপা তঙাই ফদে।

তুলিপনা ভারতকী গ্রেজুএৎশিংনা কৈথেলদা করি তৌবা ঙমগদগে হায়বদু হেনগৎনবা অমসুং অর্বান প্লান্নিং, ত্রান্সপোর্ত ইঞ্জিনীয়রিং, এনবাইরোন্মেন্ত, মুউনিসিপাল ফাইনান্সনচিংবা হীরমদা হৈথোই-শিংথোইরবা নহাশিংগী কাংলুপ অমা শাগৎপদা মতেং পাংলগনি। মসিনা শহরশিং য়েংশিন্নবগী মেনেজরশিং শেমগৎপদা মতেং পাংবদা নত্তনা প্রাইবেৎ অমসুং সরকারগী নত্তবা সেক্তরদা হৈথোই-শিংথোইরবশিং শেমগৎপা ঙম্লগনি। তুলিপনা য়ু.এল.বি.শিং অমসুং স্মার্ত সিতীদা চাউনা কান্নবা ফংহনগনি। মসিনা অনৌবা ৱাখল্লোন অমসুং ইনর্জীশিংগা নহাশিংবু ভারতকী শহরদা থেংনরিবা খুদোংচাদবশিং থেংননবা য়ানশিন্নহল্লগনি। হেন্না মরু ওইনা, মসিনা খুনাই পুম্বনা শরুক য়াহনবা হেনগৎনবা হোৎনরিবা অসিদা মতেং পাংলগনি অমসুং সরকার-লাইরিক লাইশু হৈরবশিং-ইন্দস্ত্রী-সিবিল সোসাইতী পুনশিনহল্লগনি। অসুম্না তুলিপ- "দি অর্বান লর্নিং ইন্তর্নশিপ প্রোগ্রাম"না থবক তৌনা-তৌনা তম্বা অমসুং ভারতকী য়ু.এল.বি.শিং অমসুং স্মার্ত সিতীশিং চলাইবদা অনৌবা ইনর্জী পীশিন্নবা হোৎনরিবা পান্দম অনী অসি ফংহল্লগনি।

মসিগী হৌদোক্লিবা অসি এম.ঐচ.আর.দি. অমসুং এ.আই.সি.তি.ই.না থম্লিবা ২০২৫ ফাওবদা করোর ১গী ইন্তর্নশিপ পীবগী পান্দম অদু ফংনবগী অহানবা খোংথাংনি। ত্যুলিপ্পু শক্তি পীরিবা দিজিতেল প্লেৎফোর্ম অসিনা দিস্কবরী, এঙ্গেজমেন্ত, এগ্রেগেসন, এমপ্লিফিকেসন অমসুং ত্রান্সপরেন্সী ফংহল্লগনি। প্লেৎফোর্ম অসি শেমদোক শেমজিন য়াই অমসুং য়ু.এল.বি.শিং/স্মার্ত সিতী অমসুং ইন্তর্নশিংদা চাউনা লেঙ ওৎপা য়াহন্দুনা শীজিন্নবা ইরাই লাইহনলি। সেক্যুরিতীগী ওইবা ফিচরশিংসু চাংয়েং তৌখ্রে অমসুং প্লেৎফোর্ম অসি স্কেল তৌবা য়াবা, কেন্দ্র সরকারগা পুনশিনবা অমসুং মাগী মওং মতৌদা মনুং মপান ফাওনা উহনলি।

হাউসিং অমসুং অর্বান এফিরর্স মন্ত্রালয় অমসুং এ.আই.সি.তি.ই.গী মরক্তা য়ানচে অমা খুৎয়েক পীনখ্রে। য়ানচে, অতোপ্পা ৱারোলশিং অদুদা এ.আই.সি.তি.ই. অমসুং হাউসিং অমসুং অর্বান এফিয়র্স মন্ত্রালয়না চহী ৫গী ওইনা লৌগদবা থৌদাং অমসুং দাইত্যশিং য়াওরি। প্লেৎফোর্ম অসিগী তেক্নিকেলগী ওইবা শৌঙাক্না এ.আই.সি.তি.ই.না অমসুং প্রোগ্রামেতিক নন তেক্নিকেলগী ওইবা শৌঙাক্না হাউসিং অমসুং অর্বান এফিয়র্স মন্ত্রালয়না পীগনি। মমাই চুম্নবা কম্মিতী অমা হাউশিং অমসুং অর্বান এফিয়র্সকী সেক্রেতরীগী লুচিং মখাদা এ.আই.সি.তি.ই.গী চেয়রমেন য়াওনা অমসুং এম.ও.ঐচ.য়ু.এ.গী অমসুং এ.আই.সি.তি.ই.গী ওফিসিএলশিং য়াওনা প্রোগ্রাম অসিগী খুমাং চাউশিনবগী চাং অদু চাং নাইনা য়েংশিন্নবা শেমখ্রে।

থবক ওইনা পায়খৎপদা লায়নবগীদমক, চৎন-কাঙলোন অমসু মসিগী পান্দম, ফংবা য়াবগী হৌনবীশিং, ইন্তর্নশিপকী মতম, এনগেজমেন্তকী তর্মশিং, চত্থোক-চৎশিন অমসুং অতোপ্পা থবক ওইনা পায়খৎপগী মওংশিং য়াওনা শেমখ্রে। মসিগী চৎন-কাঙলোনশিং অসিনা ইন্তর্নশিংগী য়েকথোক্লবা মথৌশিংসু পীরি, মসিনা ইন্তর্নশিংন য়ু.এল.বি.গী থাক্তা অমসুং স্মার্ত সিতীগী থাক্তা মখোয়গী অয়াবাগী মখা পোন্না হেন্না মমুৎ তানবা পীরি। য়ু.এল.বি. অমসুং স্মার্ত সিতীশিংগী অমসুং ইন্তর্নশিংগী পান্ননবা লাইরিক অমসু থবক ওইনা পায়খৎপদা লাইহন্নবা শেমখ্রে। হাউসিং অমসুং অর্বান এফিয়র্স মন্ত্রালয়না মসিগী মিসন/প্রোগ্রামশিংগী মখাদা প্রোগ্রাম অসিগীদমক স্তাইপেন্দ/পর্ককী অচঙবা শেনফমশিং পুথোকপদা অয়াবা পীখ্রে।

হাউসিং অমসুং অর্বান এফিয়র্স মন্ত্রালয়না রাজ্য সরকারশিংদা পাউ পীদুনা মখোয়গী শহরশিংদা ইন্তর্নশিপ হেনগৎনবা হায়খ্রে। মসিনা কেপাসিতী বিল্দিংগী থৌরাংশিং রাজ্য সরকারশিংগা পুনশিন্দুনা য়ু.এল.বি.শিং অমসুং স্মার্ত সিতীশিং তুলিপকী মখাদা লৌখৎলগনি। রাজ্যশিং অমসুং য়ু.তি.শিংনা মখোয়গী লমশিংগী খুদোংচাদবা অমসুং খুদোংচাবশিং হেন্না মমুৎ তানা খঙবা হেনবনা, অসিগুম্বা ইন্তর্নশিপশিং অসিগী খুথাংদা মখোয়গী তঙাইফদবশিংগা চান্নহন্দুনা তুলিপ থবক ওইনা পায়খৎপদা খুদোংচাগনি।

রাজ্য সরকারশিং/য়ু.তি.শিংনা ত্যুলিপ্পু সরকারগী থাক্তা/রাজ্যগী শেল-থুমগী ইন্তর্মেদিয়রীশিং অমসুং অতোপ্পা ওর্গনাইজেসন/এজেন্সীশিংগী থাক্তা পুখত্তুনা মখোয়গী এলকাদা লৈবা শহরশিংদা খুমাং চাউশিলহন্নবা পুক্নিং চিংশিল্লক্লি। তুলিপকী তেক্নোলোজীগী প্লেৎফোর্ম অসি ওপন ওইবা, স্কেল তৌবা য়াবা, কেন্দ্র সরকারগী মখাদা লৈবনা অহেনবা হাপচিল্লকপা মতমদা য়াম্না লায়না ওইথোক্কনি।

*****