কেন্দ্রগী মাইক্রো, স্মোল অমসুং মেদিয়ম ইন্তর্প্রাইজশিংগী মন্ত্রালয় (এম./ও. এম.এস.এম.ই.শিং)না লৈবাক অসিদা এম.এস.এম.ই.শিংগী শক্তম অমসুং নিয়মশিংদা অপৱার্দ রিভিজন চৎনহন্নবগীদমক্তা লম্বি শেম্নবা গেজেত নোতিফিকেশন অমা থোকখ্রে। অনৌবা শক্তম অমসুং নিয়মশিং অসি ২০২০গী জুলাই ১দগী চৎনবা হৌরগনি।
২০০৬তা এম.এস.এম.ই. দিবেলপমেন্ত এক্ত অসি পুথোকখিবদগী চহি ১৪গী মতুংদা ২০২০গী মে ১৩দা আত্মনির্ভর ভারত পেকেজতা এম.এস.এম.ই.গী শক্তমদা রিভিজন অমা লাউথোকখি। লাউথোকখিবা অসিগী মতুং ইন্না, মাইক্রো মেন্যুফেকচরিং অমসুং সর্বিস য়ুনিৎশিংগী শক্তম অসি ইনবেস্তমেন্তকী লুপা কোতি ১ অমসুং তর্নওবরগী লুপা কোতি ৫দা হেনগৎখি। স্মোল য়ুনিৎশিং অসিগী লিমিৎ অদু ইনবেস্তমেন্তকী লুপা কোতি ১০ অমসুং তর্নওবরগী লুপা কোতি ৫০দা হেনগৎখি। মসিগা চপ মান্ননা মেদিয়ম য়ুনিৎকী লিমিৎ অদু ইনবেস্তমেন্তকী লুপা কোতি ২০ অমসুং তর্নওবরগী লুপা কোতি ১০০দা হেনগৎখি। ভারত সরকারনা ০১.০৬.২০২০দা এম.এস.এম.ই.গী শক্তম অসিগী রিভিজন মখাতানা হেনগৎনবগীদমক্তা ৱারেপ লৌখি। মেদিয়ম ইন্তরপ্রাইজশিংগীদমক্তা ওইনা হৌজিক্তি ইনবেস্তমেন্তকী লুপা কোতি ৫০ অমসুং তর্নওবরগী লুপা কোতি ২৫০ ওইহল্লগনি।
হৌজিক লৈরিবা এম.এস.এম.ই.শিগী শক্তমগী নিয়ম অসি এম.এস.এম.ই.দি.এক্ত, ২০০৬তা য়ুমফম ওইখি। মসি মেন্যুফেকচরিং অমসুং সর্বিস য়ুনিৎশিংগীদমক্তা ওইনদি তোঙাল্লি। মসি ফাইনান্সিয়েল লিমিৎশিংগী মতাংদসু য়াম্না নেম্মি। অদুগী মতুংদগীদি ইকোনোমী অসিদা য়াম্না চাউনা অহোংবা অমা লাকখ্রে। ২০২০গী মে ১৩দা পেকেজ লাউথোকখিবা অদুগী মতুংদা লাউথোকখিবা রিভিজন অসি মার্কেৎ অমসুং মমলগী কন্দিশনশিং অদুগী মতুং ইন্না চত্তে অমসুং মরম অদুনা মসি হেনগৎহন্নবা মখাতানা রিভাইস তৌনবা হায়রদুনা ৱাকৎ কয়া অমা লৈখি। মসিগী ৱাকৎশিং অসিবু য়েংলগা, প্রধান মন্ত্রীনা মেদিয়ম য়ুনিৎশিং অসিগীদমক্তা মখাতানা হেনগৎনবা ৱারেপ লৌখি। হায়রিবশিং অসি মতমগা চুনবা মওংদা তৌনবা অমসুং ক্লাসিফিকেশনগী ওবজেক্তিব ওইবা সীস্তেম অমা থম্নবা অমসুং বিজনেস তৌবদা কোম্নবনি।
মসিদা নত্তনা, মেন্যুফেকচরিং অমসুং সর্বিস য়ুনিৎশিংগীদমক্তা ক্লাসিফিকেশনগী অনৌবা কমপোজিৎ ফোর্ম্যুলাসু থোকখ্রে। হৌজিক্তি, মেন্যুফেকচরিং অমসুং সর্বিস সেক্তরগী মরক্তা খেৎনবা লৈররোই। অসিগী মথক্তা তর্নোভরগী অনৌবা নিয়ম থোকখ্রে।
মন্ত্রালয়গী ওফিসিয়েলশিংনা হায়খি মদুদি অনৌবা শক্তম অসিনা এম.এস.এম.ই.শিংগী মপাঙ্গল কনখৎহনবদা অমসুং চাউখৎহনবগী লম্বি য়াৎকনি। মরু ওইনা, এক্সপোর্তশিং অসিবু তর্নোভরদা মশিং থিবা য়াওহন্দবগী প্রোভিজন অসিনা এম.এস.এম.ই. য়ুনিৎকী খুদোংচাবশিং অদু মাংখিগনি হায়বগী অকিবা লৈতনা এক্সপোর্ত হেন্না তৌনবা পুক্নীং থৌগৎকনি। মসিনা লৈবাক অসিদগী এক্সপোর্তশিং তৌবদা য়াম্না য়াংনা হেনগৎলকপগী ওইথোকপা লৈ, মসিনা মরম ওইরগা লৈবাক অসিদা চাউখৎপা অমসুং ইকোনোমীগী ওইবা থবক থৌরমশিং হেনগৎলক্কনি অমসুং থবকশিং থোরক্কনি।
হোংদোকখিবা শক্তম অসিগী মতুং ইন্না তৌখিবা ক্লাসিফিকেশনগী মতাংদা অকুপ্পা গাইদলাইনশিং অমসুং ক্লেরিফিকেশনশিং অদু এম.এস.এম.ই.গী মন্ত্রালয়না তোঙান্না থোক্লগনি।
এম.এস.এম.ই.গী মন্ত্রালয়না হঞ্জিন-হঞ্জিন্না হায়খ্রে মদুদি মখোয়না এম.এস.এম.ই.শিং অমসুং প্রধান মন্ত্রীনা হন্দক্তা হৌদোকখিবা চেম্পিয়ন (www.champions.gov.in)গী মিংদা লৈবা ইন্তরপ্রেনরশিংগীদমক্তা য়াম্না কনবা হেন্দহোল্দিং মেকানিজম অমা থমখ্রে। থৱায় য়াওবা ইন্তরপ্রাইজশিং/ মীশিংনা মেকানিজম অসিগী খুদোংচাবা লৌবা য়াগনি অমসুং মখোয়গী ৱাহংশিং অমসুং ৱাকৎশিং অদুসু থাংগৎপা য়াগনি। হায়রিবশিং অসি অথুবা মতমদা য়েংশিনগনি।

*****