సైన్స్ అండ్ టెక్నాలజీ (డిఎస్టి) కార్యదర్శి ప్రొఫెసర్ అశుతోష్ శర్మ, రాజస్థాన్ స్ట్రైడ్ వర్చువల్ కాన్క్లేవ్‌లో ప్రసంగిస్తూ సైన్స్ & టెక్నాలజీ ఆత్మనిర్భర భారత్‌కు ఎలా దారితీస్తుందో చూడటానికి జ్ఞాన గొలుసును పరిశీలించి బలోపేతం చేయవలసిన అవసరాన్ని నొక్కి చెప్పారు. రాజస్థాన్ ప్రభుత్వం శాస్త్ర సాంకేతిక శాఖ మే 30న ఈ సదస్సును నిర్వహించింది. 

"ఆత్మనిర్భర భారత్ లేదా స్వావలంబన కోసం పిలుపు ఇవ్వడంతో, దీనికి ప్రపంచ నాణ్యతతో స్పందించాలి. స్వావలంబన కావాలంటే, భారతదేశం పరిశోధన అభివృద్ధి, డిజైన్, వర్క్‌ఫోర్స్, భారీ మార్కెట్లు, జనాభా డివిడెండ్, దాని వైవిధ్యం, డేటా వంటి బలాన్ని మనం పెంచుకోవాలి ”అని ఆయన అన్నారు.

సైన్స్, సమాజం, స్వావలంబనపై దృష్టి సారించిన ప్రొఫెసర్ శర్మ, కొవిడ్-19 సంక్షోభం నుండి నేర్చుకున్న విషయాలను ప్రస్తావించారు. "గత రెండు నెలల్లో, కోవిడ్-19 కోసం పరిష్కారాలను తీసుకురావడంలో గొప్ప పరిణామాలు జరిగాయి, అవి అంతర్జాతీయ ప్రమాణాలతో వెంటిలేటర్లను రూపకల్పన చేయడం, కొత్త రోగనిర్ధారణ పద్ధతులు వంటివి. ఇవన్నీ మన అవసరాలు, ప్రాధాన్యతలకు అనుగుణంగా ఉత్పన్నమైనవే. అకడెమియా, పరిశ్రమ రెండింటి భాగస్వామ్యంతో సమస్య-కేంద్రీకృత విధానం కారణంగా రూపుదిద్దుకున్నాయి. దీనిలో మన జ్ఞాన వినియోగం కీలక పాత్ర పోషించింది” అని ఆయన చెప్పారు. .

సుస్థిర అభివృద్ధి, ఇంటెలిజెంట్ మెషీన్ల పెరుగుదల, ఇండస్ట్రీ 4.0 వంటి అభివృద్ధి చెందుతున్న సవాళ్లను డిఎస్టీ ఎలా ఎదుర్కోవాలో రాబోయే రోజుల్లో చాలా కీలకం అని ప్రొఫెసర్ శర్మ తెలిపారు. “3660 కోట్ల విలువైన సైబర్-ఫిజికల్ సిస్టమ్స్ పై డిఎస్టి ఇప్పటికే ఒక మిషన్ ప్రారంభించింది. కమ్యూనికేషన్, కంప్యూటింగ్, ఆర్టిఫిషియల్ ఇంటెలిజెన్స్, అటానమస్ మెషీన్స్ వంటి సాంకేతిక పరిజ్ఞానంతో  వివిధ శాఖల సమ్మిళితంపై దృష్టి సారించింది. రూ. 8,000 కోట్ల విలువైన క్వాంటం టెక్నాలజీ, పరికరాలపై ఒక మిషన్ రూపొందించబడింది.” అని ఆయన అన్నారు. సైన్స్‌ను సొసైటీతో అనుసంధానించడంలో సైంటిఫిక్ సోషల్ రెస్పాన్స్‌బిలిటీ  ప్రాముఖ్యతను ఆయన నొక్కి చెప్పారు.

అగ్రి-స్టార్టప్‌లలో డిఎస్‌టి పెట్టుబడులను ప్రముఖంగా ప్రస్తావిస్తూ, “అవకాశాల పరంగా వ్యవసాయం విస్తారమైన రంగం. 3000 టెక్ స్టార్టప్‌లతో 120 ఇంక్యుబేటర్లకు డిఎస్‌టి మాత్రమే మద్దతు ఇచ్చింది, వీటిలో వ్యవసాయం, అనుబంధ ప్రాంతాలు నీరు, నేల, మ్యాపింగ్, సెన్సార్లు ఉన్నాయి. గత 5 సంవత్సరాలలో ఇంక్యుబేటర్ల సంఖ్య, స్టార్టప్‌ల సంఖ్య వేగంగా రెట్టింపు అయ్యింది.” అని శ్రీ అశుతోష్ శర్మ వెల్లడించారు. 

*****