কেন্দ্রগী থবক শুবা, মীয়ামগী ৱাকৎ অমসুং পেন্সনগী রাজ্য মন্ত্রী, দা. জিতেন্দ্র সিংহনা মোদী সরকার ২.০গী অহানবা চহিগী থৌরমদা ২০১৯গী মে ৩০দগী ২০২০গী মে ৩০ ফাওবগী মতম অসিগী মনুংদা দি.এ.আর.পি.জি.গী এচীবমেন্তশিংগী মতাংদা ই-বুকলেৎ অমা পুথোকখ্রে। দা. সিংহনা মীয়ামদা মখোয়গী এচীবমেন্তশিং অদু ইহান হানবা ওইনা পুথোরকপগীদমক্তা দিপার্তমেন্ত অদুবু থাগৎপা ফোংদোকখি অমসুং ভিদিও কনফরেন্সিংগী খুত্থাংদা সেনিয়র ওফিসিয়েলশিংগা ৱারি-ৱাতাই শানখি।

থৌরম অসিদা ৱা ঙাংলদুনা, দা. জিতেন্দ্র সিংহনা হায়খি মদুদি দি.এ.আর.পি.জি.না প্রধান মন্ত্রী মোদীগী অফবা গবর্নান্সকী ভিজন ঙাক্না চৎখি অমসুং রিফোর্ম, পর্ফোর্ম অমসুং ত্রান্সফোর্মগী মন্ত্রা অসি শিজিন্নদুনা থবক ওইনা পাংথোকখি। ভারত্তা ই-গবর্নান্সতা দি.এ.আর.পি.জি.না য়াম্না চাউনা পাঙ্গল থৌনা হাপ্পীখি হায়বগী ৱাফম অমা মহাক্না পনখি, হায়রিবশিং অদুদি

• কেন্দ্রগী সেক্রেতরিয়েৎ অমসুং রাজ্যশিংগী ই-ওফিস চৎনহন্নববা কন্না হোৎনবা অমসুং
• মথংশিৎনা ২০১৯ অমসুং ২০২০দা শিল্লোং অমসুং মুম্বাইদা ২২সুবা অমসুং ২৩সুবা নেস্নেল ই-গবর্নান্স কনফরেন্স পাংথোকপা।

মখাতানা দা.জিতেন্দ্র সিংহনা মন্ত্রালয় অমসুং দিপার্তমেন্ত কয়াদা সি.পি.জি.আর.এ.এম.এস. অহোংবা কয়া অমা পুরক্নবা হোৎনদুনা মীয়ামগী ৱাকৎশিং অদুবু য়েংশিন্নবা অহোংবা কয়া অমা পুরক্নবা থবক থৌরমশিং দি.এ.আর.পি.জি.না পাইখৎলি হায়বদু খঙখি।

দা. জিতেন্দ্র হায়খি মদুদি দি.এ.আর.পি.জি.না পাইখৎখিবা সিস্তেমেতিক রিফোর্মশিংনা মাইপাকখিবা অদু কোবিদ-১৯গী লাইচৎ অসিগী মনুংদা ময়েকশেংনা উবা ফংখি, মসিদা মন্ত্রালয়/দিপার্তমেন্ত কয়া অমনা ই-ওফিস শিজিন্নদুনা থবক্তা অপনবা অমত্তা লৈহন্দনা ময়ুমদগী থবক তৌবা ঙমহনখি অমসুং নুমিৎ ১.৪৫/ৱাকৎকী রেকোর্দ এভরেজ তাইমদা কোবিদ-১৯কা মরী লৈনবা মীয়ামগী ৱাকৎ লাখ ০.৮৭ মতম চানা য়েংশিংনখি।

দা. জিতেন্দ্রে সিংহনা জে. & কে.দা অফবা গবর্নান্স অমা পুরক্নবগীদমক্তা সরকারকারগী এজেন্দা অদু খুমাং চাউশিনহনবদা পার্তিসিপেতিব ওইবা অমসুং ইনোভেতিব ওইবা রিজনেল কনফরেন্সশিং অমসুং কেপাসিতী বিল্দিং প্রোগ্রাম কয়া অমা পাংথোকপদা জম্মু অমসুং কাশমিরগী সরকারগা লোইননা দি.এ.আর.ওই.জি.না থবক থৌরমশিং অসিদা শরুক য়াখিবগী থাগৎপা ফোংদোকখি।

দি.এ.আর.পি.জি.না মরু ওইবা চেফোং ৩ – দ গুদ গবর্নান্স ইন্দেক্স (জি.জি.আই.), দ নে্স্নেল ই-সর্বিস দিভরী এসেসমেন্ত ২০১৯ অমসুং দ সেক্রেতরিয়েৎ মেন্যুৱল ওফ ওফিস প্রোসিজর ২০১৯ অসি পুথোরকপগীদমক্তা দা. জিতেন্দ্র সিংহনা থাগৎখি। মসিগী চেফোংশিং অসিদা দিজিতেল সেন্ত্রেল সেক্রেতরিয়েৎকী মাইকৈদা খোংজং চংশিনবগুম্না অফবা গবর্নান্স অমা পুরক্নবা একাদেমিক কন্তেন্ত অমসুং য়াম্লবা ৱাখল-লৌশিং কয়া অমসু মসিদা ফজনা য়াওরি।

তুংদা ওইরক্কদবা অদু য়েংলগা, ফীদ-বেক কোল সেন্তরশিং য়াওবা তুল কিৎশিং ফগৎহনদুনা মতম চানা ৱাকৎশিং অদুবু য়েংশিনবা, সোফতৱেয়র সোল্যুশনশিং অদু হেন্না ফগৎহনবা অমসুং ই-গবর্নান্স অমসুং ই-সর্বিসশিংদা মিৎয়েং চংদুনা অফবা গবর্নান্স অমা পুরক্নবগী সরকারগী এজেন্দা অসিবু খুমাং চাউশিনহন্নবগী অনৌবা শিংনবা অসিবু মায়োক্নবা ঙম্নবা দি.এ.আর.পি.জি.গী চাউরবা থৌদাং অমা লৈ হায়না দা. জিতেন্দ্র সিংহনা হায়খি।

দি.এ.আর.পি.জি.গী সেক্রেতরী, দা. শত্রপতি শিবাজি, দি.এ.আর.পি.জি.গী এদিস্নেল সেক্রেতরী ভি.স্রিনিৱাস, জোইন্ত সেক্রেতরী, শ্রীমতী জায়া দুবে অমসুং এন.বি.এস. রাজপুতকা লোইননা দিপার্তমেন্ত অদুগী সেনিয়র ওফিসিয়েলশিংনা ভিদিও কনফরেন্সিংগী খুত্থাংদা পাংথোকখিবা থৌরমা অসিদা শরুক য়াখি।

দি.এ.আর.পি.জি.গী ই-বুকলেৎ অসিবু য়েংনবগীদমক্তা অসিদা ক্লিক তৌবীয়ু-

*****