দিপার্তমেন্ত ওফ সাইন্স এন্দ তেক্নোলোজীগী মনীং তমবা ইনস্তিত্যুৎ অমা ওইরিবা সেন্তর ফোর নেনো এন্দ সোফ্ত মেত্তর  সাইন্সেস (সি.ই.এন.এস.)গী থিজিল্লোই কাঙবু খরনা ৱা ঙাঙবা মতমদা চিনবান মমাঙদা অহাঙবা মফম মরাং কায়না লৈহনবা মতেং ওইননবা কপ মওং মানবা দিজাইনগী (পেতেন্ত ফাইল তৌখ্রবা) মায়খুম অমা শেম্লে‍। মসি বেঙ্গলোরদা য়ুম্ফম ওইবা কম্পেনী অমদা মশীং য়াম্না পুথোক্ননবা খুৎশিন্নখ্রে‍।

অহোবা লৈতনা ফিত তৌবা মায়খুম  অসিনা ৱা ঙাঙবদা খুদোংচাদবা থোকহন্দে, অনোক্তা মনিল কাখৎহন্দে অমদি মরুওইনা নীংথিনা পেক তৌদুনা নিংশা হোনবা মতমদা লিক ওইবা য়াবগী ফীভম অমত্তা লৈহন্দে‍। মসিগী অতোপ্পা খুদোংচাবা অমা হায়রগদি নীংথিনা নিংশা হোনবা য়াবা অসিনা শিজিন্নবা মতমদা নুংঙাইতবা থোকহন্দে‍। মসিগীসু মথক্তা থিজিল্লোইশিং অদুনা মসিদা শিজিন্নগদৌরিবা ফি অসি মসিগী ত্রাইবোইলেক্ত্রিক নেচরনা মরম ওইরগা খজিক্তং তক্নবা মতমদা থোক্লক্কদবা ইলেক্ত্রিক চার্জ অসিনা পেথোজেনশিং অসি হাত্তোকপা ঙমগদবা মচাক ওইরি‍।

“পুং শাংনা শিজিন্নবা নুংঙাইনবগীদমক কোবিদ-১৯ ঙাকথোক্নবা মায়খুমগী এর্গোনোমিক দিজাইন অসি মরুওইবা ৱাফম অমা ওইরগসু স্তেদর্দ দিজাইন খরখক্কী নত্তনা অয়াম্বনা পুক্নীং কয়া চঙনদে‍। অফবা দিজাইন অমা হায়বসি মপানগী মফমদগী লিক ওইরকপা অমদি মপান্দগী পোৎশকশিং চঙশিল্লকপগী ৱাফম হন্থহনবতা নত্তনা নিংশা হোনবা অমদি ৱা ঙাঙবা মতমদা মফম চানা লৈহন্দুনা নুংঙাইহনবা মথৌ তাই,” হায়না দি.এস.তি. সেক্রেতরী প্রো: অশুতোস শর্ম্মনা হায়খি‍।

ইন্দিয়া অমদি অতৈ লৈবাকশিংদা কোবিদকী এক্তিব কেস মশিং হেনগৎলকপগা ইরোইননা মীয়ামদা মায়খুম শিজিন্ননবা পাউতাক পীরি‍। হকশেলগী লমদা থবক তৌরিবা মীওইশিংনা অখন্নবা অমসুং তেক্নিকেল ক্বালিতী ৱাংবা মেদিকেলকী মায়খুম শিজিন্নরবসু মীচম মীয়ামশিংদি ময়ায় ওইরপ ফিলতর তৌবা ঙমবা মায়খুম অমনা অদুম্মক য়াগনি‍। মসি মীয়ামদা মতম শাংনা শিজিন্ননবগীদমক পুক্নীং থৌগৎনবা শিজিন্নবদা নুংঙাইহনগদবনি‍।

সি.ই.এন.এস. না তেক্নোলোজী অসি বেঙ্গলোরদা বেজ তৌবা চহী কুনলোমগী মমাঙদা লিংখৎখিবা গার্মেন্ত কম্পেনী কেমেলিয়া ক্লোথিং লিমিতেদতা খুৎশিন্নখ্রে‍। কম্পেনী অসিনা লৈবাক শিনবা থুংনা তোঙান তোঙানবা দিস্ত্রিব্যুসন চেনেলশিংগী খুত্থাঙদা নোংমদা মায়খুম লাখ ১গী ময়াদা পুথোক্তুনা য়োন্ননবা খন্নরি‍।

********